Baazi Ishq Di [𝕮𝖔𝖒𝖕𝖑𝖊𝖙𝖊𝖉]

Chapter 20| Alvida! Ay Dil

If I loved you less, I would be able to talk about it more

- Jane Austen

____________________

"Sorry... Woh mein..."

Safoorah Aurangzeb sirf ek insaan kay sammey nervous hoti thi.

"Woh mein keh raha tha kay... ho gya?" Aarish ki awaaz thi. Woh aur Zaira baayein jaanib kharey hans rahey thai.

"Isme funny kia ha?" Ruhaan ne eyebrow utha kay pucha tha.

"Apki shakal !" Aarish ki hansi ka fawaara nikla tha aur Zaira ne hansi rokne ki khatir mun pe hath rakh lia tha.

"Teri CD lgta set honay wali hai. Ruk zara!" Ruhaan tez tez Aarish ki trf barha tha aur Aarish bhaaga tha.

Safoorah khud muskurahat rokney ki koshish kar rahi thi.

Aarish aagey nikal gya tha Zaira kay saath aur Ruhaan ne ziada dur ja kar ussey pakarney ki koshish bhi nai ki.

Woh kisi ko shayad peechey akela chorr kay nai jana chah raha tha.

Safoorah uskay saath a khari hui thi.

"Kisi din Ru tumharey daant torr dein gai !" Zaira hans rahi thi.

"To tum bacha lena !" Aarish draamaayi andaaz mein bola tha.

"Han har kaam tum ulta karo aur bacha mein lun?" Zaira ne aankhain barri ki thi.

"To jb kuch ulta karo gi mein bhi to bacha lun ga tumhey!"

Unn dono ki nazrein mili thi. Kia keh jaatey hain yeh dono... Mazak mazak mein hi sai ek dusrey kay dil tak ka safar teh kar jatey hain.

"Zindagi ajeeb hai ! Jb pehli dafa tum se mili thi to socha bhi nai tha kay tumhey bhi kuch pasand askta hai!"

Safoorah aur woh ek saath ahista ahista chal rahey thai. Halkey gulaabi phool uski khuli zulfo mein khud hi sajtey ja rahey thai.

"Socha to shayad kuch bhi nai tha!"