Baazi Ishq Di [𝕮𝖔𝖒𝖕𝖑𝖊𝖙𝖊𝖉]

Chapter 36| Tu saabit e hassti Ashq e mn

"Flight from Connecticut to Abu Dhabi is ready to take off!"

Sab Pakistan kay liye rawana thai. Daadi ashqem, Aurangzeb, Zafar Shaista aur woh chaar. Mushkil tha mgr ek dusrey ka saath hr cheez par bhaari thi. Ruhaan, Safoorah ki tbiyat ko daikhtey huey uskay liye kisi bhi safar kay haq mein nai tha mgr Safoorah ne vaada kia tha kay woh doctor ki hr hidayat aur ehtyaar pe mal karey gi. Kuch dino ki baat hai. nausea behtr tha lekin ruka nai tha.

Ruhaan zimaidaar aur sanjeeda pehle bhi tha pr ab wo Safoorah kay saaye ki trha saath hota tha. Safoorah nadhaal ho kar ya purjosh ho kar sambhal na bhi paati thi toh Ruhaan ka haath aur saath usski dhal bnnney kay liye kaafi tha. Pakistan ki yeh shahzaadi bhi badal gyi thi. Nakhrey krti thi kyoun kay Nakhrey uthaaney wala tha.
Dono miyaan biwi kay saath ek dusrey kay achey dost bnney lagey thai ab. Chirratey thai, hanstey thai, muhabbat krtey thai, manatey thai, nakhrey bhi krtey thai. Akhir Ruhaan aur Safoorah thai.

Iskay Biraqs 2 dost jo Nikkah mein agye thai unkay liye ahista ahsita sb kuch badal raha tha. Ehsaaas naye thai Rishto ki trha. Woh dono itna kbhi Nikkah se pehle nai sharmaaye jitna abb hans prtey thai.

Zaira aur Aarish ka rishta bhi uss bahaar ki kalli ki trha tha jo ahista ahista phool bnney ga.

Safar saath tha toh khushgwaar tha. Andaishay thai khaas kr k Zaira aur safoorah ko lekin Ruhaan ki khaas khamosh order kay mutabiq ghr mein koi bhi Safoorah kay saamney kisi bhi kism ki pareshaan kun baat discuss krne se garaiz karey ga. Yeh baat Safooorah ko maloom nahi thi. Woh sirf aye din apni badalti harkato se khush bhi thi aur tng bhi.

"We are ready to land for Pakistan. "

2 ghntey abu dhabi mein rukney kay baad agley 7 ghntey ka safar khatam hua tha aur sb bilaakhir Pakistan mein qadam rakh chukey thai.

Faheem ko bta dia gya tha ta kay bdmazhgi aur shak zara km ho.

Dono khaandaan airport se hi alag alag rastey jaayein gai aur Aarish aur Ruhaan kay plan mein sb theik tha bs yahi baat bardaasht nai ho rahi thi kay kuch din who apni apni biwi kay saath nai rahein gai.

Woh sab samaan receive karney kay lye andr ki trf thai, recieving lodge baahir tha.

Dono khaandaan yahi ek dusrey se achi trha mil liye kyoun kuch din bazahir unhey ek dusrey se nafrat krni thi. Barro ne milney kay baad chaaro ko apna waqt diya tha.

"Tumhari rooh mein rehta hun. Jb yaad karo gi mujhe saamney hi pao gi. Apna khyaal rakho gi aur  angel ka bhi. Medicine waqt pe lo gi. Phone har waqt paas rakho gi. Mein aass paas hi rahun ga. Bs ehtyaat krna aurr...."

Woh uska haath apne haath mein liye hidaayat de raha tha. Ruhaan fiqrmnd nahi hota lekin shayd Safoorah kay maamley uski har science kamzor hai.

"Mein theik hun Ruhaan. 1 din ki toh baat hai!"

Safoorah ne uskay maathey se baal htta kar peechey kiye aur muskurayi thi.

"Mere liye buht ziyada hai. Mujhe inn chamakti aankho aur iss hansii ki roz ki adat hai aur adatein lailaaj hoti hain !"

Woh kbhi kbhi jb khul kay apna aap kehta tha, Safoorah ka dil hr baar naye sirrey se jeet leta tha.

"Lekin mujhe itne din baad Pakistan a kay buht khushi ho rahi hai. Soch rhi idhr hi reh jaoun?"

Woh chirra kar hansi thi. Ruhaan muskurata hua sarr ko shrart se hila raha tha.

"Tum chahti ho mein tumhey jaaney hi na dun?"

Ruhaan ne sargoshi ki thi. Safoorah muskura rahi thi.

"Apna khyaal rakhna aur kam az kam 5 ghntey ki neend le lijye ga vakeel sahib. Please!"