الخطيئة

الجزء 06

احمد : ما تجي البت اهلها جو واخوانها هسي جايطين

طه 😲: ﺷﻨﻮ ﺷﻨﻮ ﺷﻨﻮ اصلا انا ما جايي

بالذات لما شفت الرسايل ال في تلفونها والمحادثات والاتصالات ولو جيت بقول ليهم بتكم ما بتشرفني ..

وكان علي الحمل انا ما قاعد اتقرب منها ومستحيل الطفل مني عشان يعرفو بلاوي بتهم من وراي وخيانتها لي ولو ما الله ستر كنت كتلتها ليهم ...

بعدها طلقت ليهم بتهم وما اديتها ادني حق لانها واحدة ما تستاهل الحياة زاتو..

ورجعت تاني بقيت بجي عند بيت ناس ريم عندي امل اشوفها او اقدر اصل ليها..

بس تاني عرفت انهم رحلو زمااان وخلو البيت ومشو منطقة تانية،، هنا فقدت الامل وبقت حياتي كلها شغل في شغل،، اشتريت تاني بقالة واستديو تصوير ووضعي اتحسن شديد الحمدلله..

مرت ايام واشهر ومرة كنت قاعد جاتني اختي الصغيرة اسمها اريج قالت عايزة تشتري ليها هدوم جديدة للجامعة وعايزاني اوديها بالعربية امشي معاها في بوتيك وصفو ليها صاحباتها هدومهم راقية وكمان عشان الببيعو فيه بنات بس بعيد مننا وهي بتخاف تمش براها

طه: ﺍﻟﻌﺼﺮ بنمشي

اريج: يااااه يا طه هسي دي نمشي قلت ليك،، طبعا ما اقول ليكم اريج النوع العبيط عبااااطة هبالة داك الا تعمل ليها الحاجة في وقتها..😒

المهم عملت ليها العايزاه ما بقدر علي وجع الراس ونقتها

ﻃﻠﻌﻨﺎ بالعربية وصفت لي محلو جينا جمب بقالة سألنا البياع منو وقلنا ليه الاسم وصفو لينا جينا عديل فيه وقفت عربيتي جمب ﺑﻮﺗﻴﻚ ﻓﺎﺗﺢ ..

نزلنا وطه جاه تلفون مشي لي قدام شوية اريج ما انتظرتو ونزلت وجات داخلة

اريج : السلام عليكم

ﺭﻳﻢ ; وعليكم السلام اتفضلي

اريج : تسلمي وبقت تشوف في الهدوم عندكم شنو حاجة جديدة وراقية كدا لي..

ﺭﻳﻢ : اتفضلي حبيبتي

طه: جا داخل اريج ما انتظرتيني ليي

الوقت دا ريم دخلت المخزن تجيب الحاجات الجديدة ل اريج..

وبعدها جا داخل طه

اريج : وااااي طه البت البتبيع حلاتها هسي بتجي والله حا تحبها انا متاكدة حا تحبها اخوي وبعرفك

طه : ﻫﻬﻬﻪ طلعتي ما هينة انتي كمان تفتشي لي في عروس 😉

ﺭﻳﻢ جات طالعة وشافت طه اتخلعت😲

طه : ﺍتخلع هو كمان😲

اريج قايلاه اتخلع عشان عجبتو ضحكت ولكزتو مش قلت ليك حا تعجبك شفته ذوقي رهيب كيف.. وشالت الهدوم ودخلت غرفة القياس تجربهم..