الخطيئة

الجزء 14

ريم : طه طلقني..

وقت انت صدقت الاتقال عني احسن نتطلق لاني تعبت خلاص بقي ما فيني حيل كل يوم شك شك منك..

انت قايل روحك شنو براك الشريف الرضي وباقي الناس كذابين منافقين ،، ما انت كمان ما قلت لي عن امنية او عبير و...

طه : ريم استني اولا انا ما كنت عارف امنية اتزوجت طليقك دي اول مرة اعرفها ،، وما عندي علاقة بي امنية ولا كان خليت ولدها يتربي معاها...

وبعدين صدقيني يا ريم انا خجلان منك ومن اهلك بس..

(سكت)

ريم : كيف خجلان مننا ما فهمتك.

طه : انا ما زول جاهل ولا شافع عشان اصدق فبركة امنية وزهراء والكلام القالوه عنك دا،،

بس كنت عايز اشوف اخرهم وخليتهم يصدقو الدور فعلا..

انا يا ريم خجلان من اختي واخوي وطو لي راسي قدام ابوك الراجل المحترم الطيب دا العمرو ما غلط علينا،،

خجلان من امك المرا البتعرف الواجب وعمرها ما قالت لينا كلام شين..

يوم جيت اردك داك ما طردوني ولا سمعوني كلام شين،، والله استقبلوني وضيفوني..

وانا كنت متوقع ابوك يطردني وامك تسمعني كلام فارغ..

خجلان وما قادر اعاين في عيونك انتي ياريم لاني تعبتك شديد واحمد اخوي ما راعي ليكم وعمل فضيحة انتو في غني عنها وجاب ليكم الكلام..

انا ما عارف اواجهك كيف واختي المن لحمي ودمي بتحقد علي انا اخوها وعايزة تدمر حياتي بأي طريقة..

اقول ليك شنو ولا شنو ياريم صعب علي اعترف ليك بكلام ومشاكل عن اهلي واختي...

(حسيتو متألم شديد)

ريم : طه الله يرضي عليك خلاص خلينا نقفل الموضوع دا زاتي بتعبني وما بحب اتكلم فيه وانا ما زعلانة ولا اهلي زعلانين منك..

اها حا تجي تسوقني نمشي بيتنا ولا رايك شنو؟

طه : هههه اشتقتي لي ولا شنو؟

ريم : بري اشتقت لي ميدو..

المساء طه جا ساقني.. ابا يدخل.. بس كلمت امي اني راجعة بيتي تكلم ابوي خجلانة ادخل ارفع عيني في عينو...

جينا البيت وقعدنا نتكلم في الحصل وضحنا الامور كلها بينا حسيت ان طه اتغير من زمان..

عجبني شديد لانو ما صدق الكلام..

.............................

الشهر تم وكنا يوم قاعدين

طه: شهاب دا منو؟

ريم : صاحب براءة كان لاقاها في الجامعة اظنو ناضجين لكن ما في عمرها ...

طه : شغال وين؟