الخطيئة

الجزء 07

أﺻﺒﺢ ﻗﻠﺒﻲ ﻣﻨﻬـﻜﺎً ﻭﺗﻔﻜﻴﺮﻱ ﻣﺘﺸﺘﺘﺎً ﻻ ﺃﻋـﺮﻑ ﻣﺎﺫﺍ ﺍﻓﻌﻞ ﺑﻌﺪ ﻏﻴﺎﺑﻚ 😔!

طه : يا ﺭﻳﻤﻤﻤﻤﻢ ﺭﻳﻤﻤﻤﻢ 😡

ﺭﻳﻢ : ﺣﺒﻴﺒﻲ شنو مالك😦

بس قبل اتم كلامي طه جراني من شعري..

اااااه طه براحة شعري طه بتوجعني فك يدك من شعري وبقيت ماسكاه في يدو ..

طه : انتي بتغشيني انا وبتلعبي بي،، عاملاني كورة ومن وراي شغالة القرف..

بس استاهل انا صحي كما تدين تدان.. ما جديدة عليك يا مدام وقت كان خنتي راجلك الاول.. ما خلاص اتعودتي...

( صدمني كلامو الحار كلمة ورا كلمة 😫😥😭)

ريم : طه في شنو هسي انا ما فاهمة حاجة ..

مسكني من يدي وطلع تلفونو وفتح لي محادثة بيني وبين واحد وفي صوري مرسلة ليه..

طه : اﻫﺎﺍﺍ دا شنو دا شنو وعاملة لي روحك بريئة وشريفة اصلا النسوان كلهم كدا يتمسكنن لما يتمكنن وتاني تشتغلو القرف من ورانا... 😡

ﺭﻳﻢ : ﻭﺍﻟﻘﺮﺍﻥ يا طه دي ما انا ﻭﺍﻟﻠﻪ العظيم😭

وبقيت ببكي بي حرقة واشيل واتحلف ليه

طه : قومي من قدامي ما طايق اشوفك قومي شيلي شفعك وامشي اهلك ما اشوف وشك هنا تاني انتي فاهمة...

طه من جا راجع البيت ما ياهو طه البعرفو جا زول تاني كلو غيرة وشك وحقد ما رضي يخليني اوضح حاجة او ادافع عني نفسي.. من عيونو وكلامو كان واثق مية في المية اني واحدة خوانة وبلعب من وراه..

لميت حاجاتي ومسك مني ولدو البقي متعلق بي شديد وانا متعلقة بيه اكتر زي كأني امو الولدتو.. الولد قعد يبكي وينادي فيني ماما ريم ماما ريم،، قلبي اتقطع عليه.. جا جاري وراي مسك في توبي بس ابوه لحقو وجراه ساقو جوه وهو ببكي وبصرخ بطول حسو...

جيت بيت اهلي وما حكيت ليهم حاجة قلت طه حا يهدا ويجيني نتفاهم ونتناقش في الحصل..

ﻭتاني ﻳﻮﻡ ﺍﻟﻌﺼﺮ

جاني ابوي في الغرفة

ريم

اي ابوي

ابوي : ريم طه طلقك وكان مكسور في وشو

قلت لي شنو اتخلعته شديد في ساعتها..

قال لي طه طلقك غيابي ومد لي الورقة

طبعا ما قدرت اقيف اتصدمته وقعدت ابكي لي يا طه انا عملت ليك شنو يارب يارب كفاية عقاب لي انا تعبت خلاص يارب😭

ﺭﺍﻧﻴﻪ : جاطت فيني خلاص ريم من امس انتي متي بالبكي ما تبكي علي راجل كل مرة عيونك ورمانة وقاتلة نفسك فيهم علي شنو..