الخطيئة

الجزء 04

عمر : ريم اسمعيني انتي ما قصرتي معاي في شي وقايمة بي واجباتك معاي انا واولادي بس عايز اقول ليك شي وما تعصبي

(كلام عمر وترني وخوفني شديد )

قول عمر خوفتني في شنو؟

عمر : ﺭﻳﻢ انا ما عايز اصعبها عليك بس اخرها حا تعرفي،، ريم انا اتزوجت!!!

طبعا قعدت اضحك

ﻫﻬﻬﻪ ﻫﻬﻬﻬﻪ عمر بطل عليك الله هسي ما وقت الهظار ياخ مزاجي براه ما رايق..

عمر : ريم انا ما قاعد اهظر ودا عقد الزواج وانتي حا تقعدي هنا في بيتك معززة مكرمة،..

الموضوع طلع جد ما قدرت امسك نفسي وبكيت

لي لي ياعمر بالسهولة دي هانت عليك العشرة كل شي راح في ثانية حبنا اختفي.. وين عمر ال خطف قلبي.. لي لي يا عمر لي دي اخر جزاتي وقعدت في الارض لانو رجولي غلبهم يشيلوني من الصدمة..

عشانك عملت واتنازلت، عن حاجات كتيرة اولها قرايتي..

عمر : ﺭﻳﻢ الشرع محلل لي اعرس وانا ما....

قبل يتم كلامو قاطعتو

عمر اسكت اسكت ما عايزة اسمع منك تبرير ولا كلام ولا اعزار ولا غيرو ما قادرة اتحمل منك شي خلاص اسكت...

عمر : ﺭﻳﻢ ﺭﻳﻤﻤﻤﻢ( بعصبية)

ﺭﻳﻢ : عمر طلقني،، انا ماشة بيت اهلي وطلقني ما عايزة اعيش معاك قمته من محلي وقلت ليه ربنا يوفقك بحياتك الجديدة..

عمر : اعرفي حاجة واحدة يا ريم انا ما دسيت عليك وصارحتك ودا بيتك وكل حاجة راجعة ليك واذا عايزة تسوقي الاولاد خليهم عندك ما عندي مانع..

ﺭﻳﻢ : اكيد اولادي حا اسوقهم معاي ما حا اخليهم لمرا تانية،، بس عندي سؤال البدلتني بيها دي احسن مني بشنو؟ شنو الادتك ليه وانا قصرت فيه منك؟

عمر : ياالله ياالله عايزة تقلبيها دراما ياريم شنو اول واحدة يتزوج عليها راجلها،...

بعد كلامو دا بقيت فعلا ما طايقاه ودخلت الم حاجاتي وحاجات اولادي،، قلبي كان مجروح وموجوع كنت ببكي وما حاسة بي روحي بالغصب المللم في الحاجات عايزة اطلع امشي بس،، هنا انتهت احلا ايام حياتي..

بس كرامتي فوق اي شي وانت يا عمر دست عليها،، ياربي صبرني يااارب..

طلعت وجيت عند اهلي

مع دخلتي صادفني ابوي قدام الباب

سلمت عليه وكنت ببكي

ابوي: ريم خير ان شاءالله وقعد ينادي ل امي جات مخلوعة

امي : بسم الله سجمي بتي مالا،، في شنو ياريم

بقيت ساكتة وبس ابكي دموعي عشرة عشرة نازلات..