الخطيئة

الجزء 15

زهراء : ارح بيتي عشان اوريك ليه

شهاب : بضحك كدي اول مبروووك لينا

زهراء : مبسوطة الله يبارك فيك..

(مسافة الشارع)

فتحت الباب ودخلت

مع كركبة باب البيت وصوت كلام زهراء وشهاب وضحكهم طه صحي وجا طالع...

اتخلعت و شهقت لما شافت طه..

هو ولا اتفاهم جا علي زهرة دا شنو وعايز اضربها.. جايبة راجل البيت يا مطلوقة يا هاملة..

شهاب مسك طه دي مرتي علي سنة الله ورسوله..

هي زحت منو وطلعت الورق

اي انا عرست شهاب وهو هسي راجلي...

ما عملت شي غلط انا.

طه : .....

ما اتكلم وطلع زعلان شديد وكرو رزع الباب وراه..

.........................

عمر جا من الشغل لقي الباب فاتح استغرب نادي منة ويزن ودخل جوه لقي البيت فاضي ماف زول..

شال تلفونو واتصل بي عبير،..

عمر : الووو عبير الاولاد معاك وين انتو مشيتو وخالين الباب فاتح؟

عبير : ااااا اي اي معاي اتشبكو قالو عايزين ايسكريم طلعنا نجيبو...

عليك الله معناها بالاستعجال ما انتبهت اني خليت الباب فاتح..

عمر : خلاص تعالو سريع انا جيعان ختي لي الغدا..

عبير قفلت ان شاءالله ما يتلقو زاتو،، وكمان تعالي سريع سوي لي الغدا يسووك يا يمه في حلة ملاح...

البت المعاها : ضحكت اصلا الرجال ياها دي حالتهم.. ما قلتي لي ديل شفع منو..

عبير : واحدة كدا

البت : خلاص خلينا نطلع الباص بعد كدا مشوارنا لي بورتسودان طويل يسل النفس..

عبير : ارح ارح وطلعت الشريحة كسرتها وجدعتها..

..............................

منة قعدت تبكي يزن نحن وين انا عاوزة ماما

يزن : اصبري يا منة هسي بنصل تعالي انتي بس..

لاقاهم راجل لما شاف منة بتبكي جا عليهم

انتو اولاد منو ماشين وين؟

منة : ماشين لي ماما

الراجل : انتو ساكنين وين؟

سكتو الاتنين ما عرفو يجاوبوه

مسكهم من يدهم ورجع بيهم بنفس الشارع الجايين منو...

........................................

(طه جا راجع بيتهم ونادي امو واحمد)