الخطيئة

الجزء 08

بعد عرفت الحصل من زهراء اتهزيت من جواي وما قدرت اصدق ان دي اختي ممكن تعمل كدا..

قلت ل اريج احتمال توقعك ما صاح امكن الصور اتسربت او التلفون بتاعها وقع في يد زول بس مستحيل زهراء تعمل كدا عشان شنو طيب علاقتها ب ريم شنو؟؟

اريج : انا ما عارفة

بعدها طه طلع من البيت عندو صاحبو بشتغل في شركة اتصالات مشي اداه الرقم وفعلا بعد يومين اداه العنوان...

الصدمة ثبتت فعلا انو عنوان اختي زهراء ما قدرت استحمل واصبر جيت ليها علي طول وبس دقيت الباب واول ما فتحت ولقيتها قدامي ما قدرت امسك اعصابي وهجت فيها ورفعت صوتي.. كنت عايز اضربها افش زعلي ووجعي فيها لكن ما قدرت ...

قلت ليها:

انا متبري منك لي يوم الدين يا زهراء لو كان عدوي ما اظن يعمل فيني كدا خلي انتي من لحمي ودمي يا بت امي وابوي...

ﺯﻫﺮاﺀ : 😭😭😭😭

طه : اوعي اشوفك قدامي انتي فاهمة امكن الزمن يمحي الوجع والجرح العملتيه فيني...

نعرف الحصل مع زهراء :

في يوم العزومة زهراء لما شافت طه فرحان ومبسوط بي ريم وريم شغالة تدلع ليه وما بترفض ليه طلب وحتي اولادها بقو متعلقين بيه شديد وبنادوه بابا كرهت ريم واخوها شديد والغيرة والحسد بقو عاميات قلبها..

المهم زهراء كانت بتحب ليها واحد واخوها طه منعها منو بعد عرف انو الولد عاطل وما عندو مصدر دخل ثابت ولما سأل منو لقي سمعتو وسمعت اهلو ما كويسة..

في الوقت دا زهراء كان عايزها ود عمها فا طه وافق عشان يبعدها عن الولد داك وخاف عليها.. بس هي ما فهمت كدا وافتكرت طه انحاز لي ولد عمها وحرمها من حبها... من جواها بقت بتكرهو وخاته انو هو سبب تعاستها...

و في يوم العزومة اول مشت ل ريم وطلبت منها صورة توريها لي صاحبتها بس ريم رفضت وقالت ليها طه ما برضي بالذات في موضوع الصور دا محزرني منو معليش يا زهراء وطلبت منها تجيب صاحبتها البيت وتلاقيها..

زهراء بعدها مشت لي اريج وياها حنستها لما رضت ليها وشالت منها الصور...

مشت اشترت ليها رقم جديد وهي عندها واحد تاني وعملت محادثة لي روحها وحكت بالمحادثة علي اساس انها ريم وواحد تاني وبعدها رسلت بي رقم لي اخوها ورسلت الصور والاسكرين وفعلا القصة دخلت عقل طه وصدقها...

وطلق ريم ووصلت للعايزاه..

نرجع ل طه :

طه اتصل بي والد ريم وحكي معاه انو جاييهم البيت وقال ليه اتفضل البيت بيتك..

من ساعتها ركب عربيتو وجا بيت ناس ريم وهي ما كانت عارفة انو جايي..

طه : دق الباب فتحت ليه براءة.. سلم عليها ودخلتو الصالون وجري مشت تدي الشمار ل ريم..