الخطيئة

الجزء 13

 رانيه خلي براءة تغير هدومها وتجيبيها علي البيت انتي سامعة انا طالعة ماشة قدامكم..

طلعت وفي راسي الف حاجة

(مسافة الشارع بتصل ب طه وما برد رسلت ليه رسايل)

جيت داخلة

امي امي اولادي وين الحصل شنو

لقيت دموعها في عيونا قعدت ابكي

ابوي وينو

امي : طه جا ساقو وطلع معاه انا زاتي ما عارفة

سكته ما قدرت اقول ليها الحصل..

انا ماشة لي عمر يا امي

امي: اضربي لي راجلك يمشي معاك

ريم : طه ما برد من قبيل بتصل

غيرت لبست عباية سريع سريع وطلعته

(مسافة الشارع)

دقيت الباب بعد مسافة عمر جا فتح لي..

ريم : عمر اولادي وين؟

عمر : جادة انتي هسي جاية تسوقي اولادك

ريم : عمر بطل حركات الشفع دي وعارفني انا اولادي ما بقدر ابعد منهم ولا هم ببعدو مني..

ودخلت جوه منة منة يزن يزوني ماما جات وين انتو..

عمر : الاولاد مع امي

ريم : الحركات دي شنو يا عمر مش انت بي رضاك القلت ما عايز تمسكهم معاك،، ياتو يوم انا منعتهم منك،، كم مرة بقول ليك تعال شوف اولادك سوقهم يقعدو معاك كم يوم عشان يتعودو عليك،، بس انت طوالي بتقول لي مشغول مشغول،، ولا دي مرتك الكانت محرشاك.. هسي الحصل شنو فجأة كدا؟

عمر : اولادي عايزهم يعيشو معاي فيها حاجة دي وبعدين انتي ما فاضية ليهم،، لو كنت قاعدة ما اتزوجتي ما كنت سألتك،، هسي عملتي ليك راجل ودخلة وطلعة بتين تفضي لي تربيتهم،،

خالاهم عند امك وانتي مافي..

ريم : القال ليك كدا منو اولادي عمري ما جدعتهم لي زول،، يعني ما اعرس اقعد اتحسر عليك وانتظرك ترجع لي ولا لما عبير تديك الاذن ترجعني تاني...

انا الطلبت منك الطلاق بي رضاي وهسي خليني في حالي يا عمر وانشغل بي مرتك....

نرجع لي عبير وزهراء..

(عبير اتصلت بي عمر دايراه يجي يسوقها )

عمر : دخل جوه رجع ليها الووو عبير معاي ريم جات تسوق الاولاد اعمل شنو قلت ليها عند ناس حبوبتهم منتظراهم هسي..

عبير : خليها تنتظر شوية انا بغشي الاولاد بجيبهم معاي وبعرف ارد ليها تاني دي امور نسوان خليها لي..

(قفلت منو وجات جارية لي زهراء)

زهرة زهرة تعالي ودخلت بيها الغرفة