الخطيئة

الجزء 09

بعد الحصل دا الامور رجعت زي ما كانت واحسن كمان..

احمد حدد مواعيد عرسو من براءة وبقينا في جوطة العرس والتجهيزات...

انا جيت مع طه بيتهم عشان الواجب بس واشوف امو محتاجة شنو اعملو معاها قبل امشي بيتنا عشان نبدا التجهيزات ...

من دخلته عيني وقعت في عين زهراء،،

من اشوفها قلبي بعمل شح النوع الوشها اصلو ما بطمنك فيه حاجة كدا بتخليك تخاف منها ملامحها جاااامدة مع انها لونا اصفر بس ما نوع الوش البترتاح ليه طوالي قلبي اتقبض منها..

قلت والله الليلة الا امغرزها واقطع قلبها مش طه البتكرهني بي سببو دا الا تطير الليلة...

جينا داخلين الهول لا انا لا طه ما سلمنا عليها وهي عملت روحها ما شايفانا،، طه طلع طوالي،، انا طلعت توبي ومشيت اساعد خالتي تلفونها ضرب كان يجيني صوتها بتتكلم ..

زهراء : بس اها شفتي يا عبير دا كل الحصل،،

قوة عين غريبة ... اهاااا وب عليي اعوذ بالله

انا عرفت من وين؟

ريم : !!!!

زهراء : اعوذ بالله الله دا ما يخسف بينا البيت بعد السمعتو دا بري بري جنس دا ما شفناه ولا سمعنا بيه كمان جابت ليها خيانة وفي بيت الراجل...

يختي اعملي حسابك تقوم تلقي ليك واحدة تقبل علي راجلك وقه قه قه قعدت تضحك..

طبعا اتغظت عرفتها بتتكلم عني وقاصداني..

عبير!!!! زوجة عمر ولا اسم ساي..

ولو كانت هي اللمه زهراء علي عبير شنو؟؟

اسمع زهراء قالت ليها:

زهراء : اها خلاص سلمي علي عمتي وبنتظرك لي بعدين مع السلامة..

ريم : 😮😮😮😮 بت عمتها!!!!

خليت الشغلانية الفي يدي وجيت اشوف طه بي وين..

لقيتو قاعد في الصالون..

ريم : طه طه

طه : انا مش قلت ليك ما تدخلي الصالون كدا ساي هسي لو كانو فيه رجال!!!

ريم : 😏😏😏 طيب تعال عايزاك

انت عندك بت اهلك اسمها عبير؟

طه : اي بت عمتي بس بتعرفيها من وين انتي؟

ريم : حسيت قلبي عايز يقيف من جوه قلت ليه متزوجة منو؟ (عايزة اعرف دي عبير ال في بالي ولا اسم ساي القلق داير يقتلني بقي)

طه : والله هي كانت متزوجة واتطلقت وتاني سمعت انها اتزوجت بس انا ما عندي علاقة بيهم كدا من زمان دي واحدة مطلوقة تافهه وقليلة ادب واوعي القي ليك علاقة بيها انتي فاهماني...