الخطيئة

الجزء 17

عملت روحي ما واعية يالله امي تكلتني وقعدتني في السرير،، ناس البيت اتلمو مهجومين وانا حالتي بالبكي اصلا ووجع القروش الضاعت مننا تخوف عيوني مورمة وهالات تحتهم ووشي مسود علي لوني الاخدر ومغبرة وحالتي بالبلا..

الفت ليهم قصة زي ما قالت لي صاحبتي واشيل وابكي وامي واخواتي يبكو معاي...

اخوي قال ماشي القسم هنا يعمل بلاغ

يلا قومي معاي..

في بورتسودان فتحنا بلاغ وحكيت ليهم التاجرة الركبتنا وجابتنا لحدي هنا انا والبت المعاي..

القصة مشت عليهم..

واخوي اتصل بي عمر حكي ليه الموضوع وانا اسمع في الكلام...

- عمر قال جاي هسي عشان يعرف انو انتي سرقتي قروشو وشردتي..

عبير : شنوو نططه عيوني وعملت روحي مخلوعة وقعدت ابكي عمر قال كدا قروش شنو الاتسرقت منو،، كيف يعني اتهمني..

- نحن زاتنا ما سكتنا ليه

بعد مسافة كدا الباب دقه دا عمر جا..

من دخل قمته ابكي زيادة ما شفته يا عمر الحصل لي

عمر : حمدالله علي السلامة الف سلامة انك جيتي سالمة..

تتزكر يوم اتصلت بينا وقلت ليك الاولاد اتشبكو عايزين ايسكريم بعد اتصالك داك ونحن راجعيين في بتاع عربية جا وقال لينا اطلعو اوصلكم وقت ابينا ليه بقي بشاغل فيني لما جيت علي العربية واتشاكلت معاه طلع شي ورشاني تاني انا ما حسيت بي حاجة (وابكي واقش في دموعي)

قالو لي عندك قروش اتسرقت انت عارف معناها في زول دخل وسرقها لاننا نسينا الباب فاتح وانت جيت لقيتو فاتح.. ما مشكلة ربنا يعوضك..

عمر ساقني البيت وكان ساكت الشارع كلو لما خفته انو يكون ما صدقني ولا شنو..

لالا كلامي مقنع مستحيل ما يكون صدقني..

وصلنا البيت دخلنا اشوفو تربس الباب وقفلو بالمفتاح وفجأة ملامح وشو اتغيرت جراني من يدي ودخلني غرفة النوم وقفلها برضو تربسها..

لما فيني ضرب انا بقيت بكورك وببكي

عمر في شنو عمر وااااي انا احييي عمر عمر مالك وقعدت ابكي واصرخ..

عمر : يابت اللزينا يا سراقة استاهل انا الجبت لي واحدة هاملة وفلتانة عاملة روحك زكية بتسرقيني يا عبير...

عبير : 😭😭😮😮😮 ما قدرت اقول ليه حاجة..

عمر : لما تجي تلعبي العبي مع شافع انتي قايلة كلامك دا انا بصدقو بالسهولة دي قايلاني اهلك تغشيهم ويصدقوك قروشي بطلعها من جوه عيونك انتي فاهمة وحسك عينك تجيبي سيرة عشان ما اندمك علي اليوم العرفتيني فيه.. قلع تلفوني