الخطيئة

الجزء 18

الشهر مرا وانا دخلت التاسع قررو لي مواعيد الولادة طوالي لاني بلد قيصري..

بالي وقلبي مشغولين بي طه اليه شهر وهو لا اتصل لا رسل رسالة يطمني عليه..

عايش شهر عسلك الجديد يا طه وانا هنت عليك حتي ولدك ال في بطني ما عايز تتصل تشوفو جا للدنيا دي ولا ما جا...

الايامات دي ملاحظة براءة ورانيه ما علي بعضهم كل مرة يكونو يتوسوسو وقت اجي داخلة يسكتو..

..................................

احمد : امي انا عايز اقول ليك حاجة بس عليك الله يا امي ختي الرحمن في قلبك انا غلبني استحمل اكتر ادس منكم وكمان مسافر مصر الليلة لازم اقول ليك..

امي : سجمي في شنو طه مالو حصل ليه شنو

احمد : امي كدي قولي بسم الله طه كويس وما عندو شي بس هو تعبان شوية كدا وانا مسافر اطمن عليه وبنجي كلنا سوا..

امي : (قعدت تبكي) انا عارفة انو ما كويس حلمانه بيه اليوم داك بقول لي امي انا ما كويس ادعي لي معاك يا امي دعواتك لي انا ممكون شديد يا جيتكم يا ما شفتوني تاني (وتبكي)

احمد : (قعد يبكي زاتو) امي عليك الله ما تبكي دي كوابيس ساي هو كويس ما عندو عوجة اشد مننا بكرا يجيك ويحميك القعدة تاني بس انتي ادعي ليه ساي..

................. . . ..

عبير خلت عمر نام وسحبت التلفون تاني واتصلت ب صاحبتها

جهزتي لي موية النار

- جهزتها هسي طالعة جايباها ليك

عبير : خلاص سريع بخلي ليك الباب فاتح قبال ما يصحي..

-تمام

..............................

زهراء : ااااه يا راسي شهاب اديني من الحبوب وينا راسي وجسمي وكلي ما قادرة حاسة روحي حا اموت..

شهاب : الحبوب كملت ما عندي قروش زاتي اجيبهم..

زهراء : ليي القروش الاديتك ليهم بتين كملتهم

شهاب : الحاجات الجبتهم امس كملو فيهم اي شي بقي غالي انتي ما عارفة ولا شنو..

زهراء : هاك هاك القويشات دي امش بيعهم المهم اتصرف جيبو لي هسي انا ما قادرة استحمل وكانت بترجف وبتتهزه كلها...

شهاب ضحك وشال تلفونو وشال الدهب وطلع،،

اتصل بي اصحابو

-خلاص راحت فيها ادمنت رسمي وبقت ما قادرة تستغني عنو الليلة ادتني الغويشات..

- ههههههه معللم لكن طلعته والبيت بتين حا تمضيها علي التنازل..

شهاب : الليلة دي بخليها تتنازل اصبر لي بس

-عافي منك لكن هههههه