ورود شائكة

البارت الثالث عشر

الايام تصنع منة احيانا كتلة من المشاعر المتشابكة
ولا تعطينا مفتاح فك احجية مشاعرنا...
بل تتركنا للوقت نكتشف بنفسنا حل لتلك الاحجية
همس ليل
اجت ماما يم بيبي
سلوى...خير شنو فكرتج...
هاجر...اكعدي خلي افهمج
كعدت يم بيبيتي وامي من الجهة الثانية
هاجر...باعوا مو المشكلة بيبي يرادلها عملية
وشغلة كم شهر متابعة..
سلوى...اي
هاجر...خلص خلي احمد يعقد علية بس سيد
ويجي يمنا هنا ياخذ الغرفة مال خالو مصعب
لحد ماترتبون وضعكم..
وتجون لتركيا اني الحكم هناك
سلوى...لج ماما شنو هالحجي...
وين صايرة ...دنمثل بمسلسل هندي احنة
هاجر...شكو بيها...هواي يعقدون علمود هجرة
لو لاسباب اخرى وبعدين يفسخون العقد
سلوى...بلة شحجي وياج عبالي عندج فكرة بيها خير
كامت تريد تطلع...بيبيتي حاجتها
ام مصعب..احنة نريد نحل وضع هاجر...
وهاي هم خوش فكرة كم شهر  وتلحكنا
سلوى...ومنو يكول احمد يقبل
هاجر...شنو...كلتها باستهزاء
سلوى...لعد احنة مانعرف يريد يزوج لا...
مو عاد يصير زوج وقتي
ام مصعب ...اني احجي وياه معليج
دكي عليه خلي يجيني
سلوى...يمة دنيا ليل
ام مصعب...عادي هو الصبح عنده شغل
فعلا خابرته امي وكاللها طالع شوية واجيكم
نص ساعة واجى...وكعد وية بيبتي بغرفتها
بس تأخروا واني افكر معقولة يرفض...
رجعت جاوبت نفسي..طبعا اذا لا اني اطيقه ولا هو يطيقني...
بقيت فوك لحد ما ماما صاحتني...
نزلت شفت الوجوه مكلبة...
هاجر...خير
سلوى...ماكو خير...احنة نسينة موقفه رتبنا وقررنا بدون ما نفكر بيه
هاجر...مافهمت
ام مصعب...تعاي اكعدي بيبي
اجيت كعدت يمها على الجرباية ...
ام مصعب...شوفي بيبي اني ردت بس اشوف اذا عنده رغبة يزوج..
الولد كال اني مامفكر بالزواح حاليا ...وبعدها ام بنتي ماكملت ست اشهر...
واصلا كال جربت حظي وها هية
هاجر...هم مافهمت...هذا الحجي من عرف اني العروسة...
ام مصعب...لا بيبي...اني ردت اجس نبضه..
هاجر...وبعدين
ام مصعب ...كتله على وضعنا وشلون نريده يعقد عليج...
بس نفس جوابه...كال ما اريد ازوج..
ونطانة حل ثاني
هاجر..شنو
بيبتي باوعت لامي...ورجعت باوعتلي
_يكول ابن عمه يريد يزوج...وشايفج سابقا
ومحاجي عليج
_ابن عمه...وين شايفني
_بالمستشفى...
سلوى...الولد الي سحبه من اتلاغى وية الدكتورة
هاجر...ما اذكر...بس يمكن شفت واحد يشبه احمد
وعبالي اخوه
سلوى...ماعنده اخ مامزوج
هاجر...مو مشكلة المهم يلتزم بالاتفاق
ام مصعب...لا بيبي هذا يريد يزوجج رسمي
يعني تبقين يمه
وكفت راسا...شنو ...شنو..طبعا لا
اصلا ما افكر بالزواج...لعبت نفسي من الزلم
سكتوا اثنينهم...واني هم طكت روحي
عفتهم وطلعت....
صعدت لغرفتي دايخة...شسوي
باوعت للجهال نايمين....
تمددت بفراشي مهمومة....كل الحلول مسدودة
صبحت الصبح شفت بيبتي تعبانة...
ومحد.حاجاني بعد بالموضوع...
حسيت نفسي صرت حمل ثكيل...
وفوكي ابني وبنت نور...
رحت لامي...
_ماما اني موافقة
_على شنو
_ازوج ابن عمه
_مامجبورة ماما
_قابل اعوف بيبتي
قاطعتني قبل ما اكمل
_اني هم ماعوفج تزوجين اسقاط فرض
_يعني شنو
_امي بيبتج راح تروح وحدها...
_والحجز والفيز
_يطبها مرض
اقتربت منها وحظنتها من ظهرها لان جانت واكفة على السنك
_ماما  ترة اكدر اتحمل ويجوز يطلع خوش ولد
_وطلع مو خوش شلون ترجعين تتطلكين
لا امي هذا مو حل...
بستها ورحت للهول على الجهال...
والله ولا فكرة خطرت ابالي تفيد...
وتخليني اكدر اساعدهم...
جنت مستحية من بيبتي...
بس من اتحظر امي جنطتها ...
صاحتني ...بيبي لا تضوجين...
اني هم ما اقبلها ...على الاقل ان عمري خلص
وانتي بعد كدامج عمر...
ادنيت يمها وشبكتها...لا تكولين هيج بيبي
انتي الخير والبركة...
بعد شكد تسافرين...
_اربع ايام...
ثاني يوم بيت ولد خوال ماما اجو والتهينة وياهم
وبيبيتي وصتهم علينا...
هم كلهم مزوجين لان من عمر ماما بس ولدهم اصغر مني لان ماما ازوجت من وكت...
بس استغربت من واحد محاجي بيبيتي...
ازوج اخوه الصغير  على ضرة ويجي يمنا...
من باب مايصير نبقى وحدنا...
من سمعته تخبلت جنت اتمنة ادخل اجاوبه
بس امي منعتني كالت عيب...
_هسة صاروا يخافون علينا...
صار سبع سنوات واكثر وحدنا...
جان بس اخو بيبي يذكرنا
ومن مات صرنا نشوفهم بالمناسبات ...
سلوى...ميخالف ماما لخاطر بيبتج لا تنسين ولد اخوها ذولة...
_صدك ماما شعجب بس بيبيتي وهذا اخوها هنا
والباقي بغير محافظة
_امي من ازوجت ابوية استقرت هنا وهذا خالي هم ازوج من بغداد وبقى...
_وعمامج ليش علاقتكم مو قوية
_هو منو بقى من عمامي...
ابوية جان اصغر واحد...والباقي كلهم ماتوا ولدهم كبار بالعمر ...
وحتى احفاد كلهم اكبر منج...
_اي صح
_خلي اروح اسبح تعبت..
اني جنت كاعدة بالكاع..عمر يلعب من جهة
ونور مكعدتها بكرسي صغير مثل الحجلة اريد اعلمها على الكعدة
اندك الجرس...
خليت شال على راسي...وبوقتها جان الجو بدى يبرد
فجنت لابسة تراك ردان...
طلعت فتحت الباب...طلع احمد
_السلام عليكم
_وعليكم السلام
صح اني ما اجرعه بس من كال مافكر بالزواج حاليا احترمته نوعا ما ...
يعني مقدر العشرة وية نور...
_بيبتج موجودة
_اي تفضل
فتت قبله....هو وكف بالمطبخ بين ماكلت بيبي
_تفضل تنتظرك
فات يمها ...ومن ردت اطلع حاجاني
_اريد نور اشوفها
هزيت راسي وطلعت جبتله نور...
خليته بحظنه هو جان كاعد على كرسي قريب من جرباية بيبتي...
رحت اسوي كهوة...من خلصتها
اخذت طبلة اريد ادخلها...وصلت للباب جان مردود شوية ...سمعت صوته
_وهذا ما استحى يقترح هيج...
هاي بمكان مايكول اني اتكفل بيهم
اهوووو....هاي شبيها بيبتي شلون اتكله
من دخلت سكتوا...خليت الطبلة كدامه
ورجعت جبت الكهوة خليتها وطلعت بدون ما اباوع عليه..
اطفحها بالسم ...حجيتها بگلبي...
كل ما احاول ابلع وجوده يجفص بيها...
طلعت ماما من الحمام
_منو هنا
_هرقل
_ماتبطلين...
دخلت لغرفتها بدلت وطلعت اتسلم على احمد
بيت جدي جبير
جوة عدا المطبخ والصالة والهول غرفتين نوم
وحدة لبيبي وحدة لامي...
وفوك بكد الجوة لان جان خالي كاعد بيه
خلصت وصعدت فوك...
سمعت صوت امي اتصيحلي
نزلت...ها ماما
_تعاي يم بيبتج
دخلت وكعدت نفس مكان احمد...لكيته طالع
جانت امي شايلة نور..
ام مصعب...بيبي صار تغيير عدنا
هاجر...شنو الي صار
_امج راح ادز عليها اذا بعدج موافقة على الزواج من ابن عمه لاحمد
صفنت بوجهها...
_اذا سافرتي بيبي وسويتي عملية احنة نرتب وضعنا
ونلحكج لتركيا بعد شكو الزواج
_لا بيبي اني احتاج امج وياي...
تبقى يمج كم اسبوع لحد ماتشوفين الولد شلونه
عدلت كعدتي
_بيبي شرجعنا لموضوع الزواج...
بعدني ما كملت...جرت ايدي بين ايديه
_امي اني اريد اطمن عليج وية رجال يراعيج
واحمد حيل حمد بهالولد...
_ماعرف ليش هيج توثقين بأحمد
_هجورة يمة خليني اروح اسوي العملية واني مطمنة عليج...
لا تعبين گلبي...
باوعت علية نظرة الرجاء بعينها...
ورجعت باوعت لامي ...
_زين ونور
_تبقى عندج...لان هذا مو بس ابن عمه لا صديقه المقرب...
وعديني بيبي...
جريت نفس...بيبي اوعدج احاول...بس اذا اختلفت وية الولد وماعجبني ترة ابطل
_اول شي حاولي تتفاهمين وياه...
مو بس تريدين تخلصين منه
_اذا خوش ولد ليش لا...
بس ما اعقد الا اقتنع بيه
ام مصعب_ميخالف...
خلي يجي يخطب رسمي باجر...
ويجيب وياه الحلقات البسوها
هاجر_بهالسرعة
_هو شبقى يايمة تلث ايام واسافر
ماعرف الشغلة بسرعة بسرعة ...
ثاني يوم اجو ابوه وعمامه واحمد...
وامه واخته وخالته...
وولد خال امي حظروا...
طبعا ماكو اي مظهر للفرح مبين
الزلم كعدوا بالصالة...
واحنة بالهول...
امه كالت كرار فهمنا على وضعكم ولذلك استعجل نخطب...
اني خليته براحته يختار ...
اختاريت له بالاول وتاليتها طلك...
وظل يلومني انتي اختاريتيها..
طبعا اني انصدمت يعني جان مزوج ومطلك
ام مصعب...كلشي قسمة ونصيب...
اخته سألت ...ماعرفنا شنو سبب طلاك البنية
قصدت علية
سلوى...ماتفاهموا
ام كرار...ابنها عدها مو
سلوى...اي وماتنطيه لابوه...
وكلنا لاحمد هالحجي
ام كرار...اي خالة ادري ادري
من قروا الفاتحة...اجى الولد يمنا وجاب الحلقة وياهة محبس وسوار
لبسني الذهب...
كرار...هذا نيشانج...وان شاء الله اكملج عليه الي يعجبج ونبدل الحلقة...
الحلقة جانت جبيرة...
هزيت راسي...اخته هلهلت اشرت لها
استحت...
كرار...اعذروها نست
ام مصعب...لا وليدي من فرحتها حقها
على كد هيج وطلعوا...
من طلعوا اني راسا صعدت لغرفتي...
جنت حيل مقهورة...
بعد تجربة خالد ماجانت لي نية ازوج
بس الظروف هية الي جبرتني...
حتى ماكلفت نفسي وسالت عن زواجه
من دخلت لغرفتي...
شلت صورة نور...
_لمن اشكي حالي بعدج...
لا عندي اخت ولا صديقة
ضميتها لصدري...
مشتاقتلج نور...ومحتاجتلج...
رجعت الصورة...
واذكرت من دخل كرار...
جان مبين عليه مكيف...
هو يشبه احمد بس هذا سماره افتح...
واضعف منه...
الي يشوفهم عبالك اخوان مو ولد عم...
باوعت للحلقة احسها تخنكني...
نزعتها ونزعت كل الذهب وخليته بالمجر..
ثاني يوم التهينا وية بيبتي نرتب شغلاتها...
لليل وحنة كاعدين يمها...
دارتب اوراقها...
_اذكرت بيبي...ماكلتوا كرار مطلك
_نسيت...وانتي هم ما سالتي عن وضعه
_هسة انطوني تفاصيله
_ليش ماتسألين احمد...
هسة جاي ويحجيلج
سلوى...خوب تخابر الولد وتفتهم من خطيبها احسن
هاجر...وشكوله...ما ادري بيك مطلك
وما اعرف اي شي عنك...
وبعدين اشكو اسال احمد...خوب انتو كولولي المفيد
والباقي من اتعرف عليه
ام مصعب...يمة الولد مزوج خمس سنوات وعنده بنات اثنين وملطكها لمرته صار سنتين
هاجر...خاف بعدين اتصير عزيزة ويريد يرجعها لمرته
ام مصعب...يكول احمد هو طلك لان مايريدها لمرته وهواي مشاكل بينهم
هاجر...نشوف
ثاني يوم من الصبح كعدت لان لازم يطلعون للمطار
ولكيتهم متحظرين واحمد جاي يوديهم
واكفين بالمطبخ ينتظروني انزل...
سلمت على بيبتي وشبكتها..
ام مصعب...بيبي مثل ما وعديني لا تنسين
وديري بالج على عمر ونور
هاجر....صار تدللين...لا تشيلين همنا..
اهم شي ترجعيلنا بالسلامة...
دمعت عيني..من رفعت راسي شفت احمد يباوع علينا راسا دار وجهه
طلعوا واني قفلت وراهم ورجعت كعدت بالمطبخ
لميت رجلي وضميتها بيدي وخليت راسي على ركبي
_اول مرة احس البيت فرغ...
واحس الدنيا كلها فرغت...
بيبتي جانت لنا سند وملجأ أمان...
دك تلفوني باوعت رقم غريب...
بس نفسه دك البارحة..
رفعت الموبايل وفتحت خط
_الو
_صباح الخير...شلونج هاجر
عرفت الصوت
_هلو كرار شلونك
_شكد دكيت امس ماجاوبتي
_رقم غريب وهم جنت ملتهية وية بيبي
_شعجب شلتي هسة
_كلت مادام لح اكيد عرف..
بس ترة جان تكدر ادزلي مسج اتكول منو يدك
_فاتتني...عموما بيبتج سافرت
_هسة طلعوا للمطار
_خوما تخافين وحدج
_لا عادي قفلت وراح انام
_يعني هاي طردة
_مو قصدي هالشكل بس داوضحلك الوضع
_عادي...روحي نامي نوم العوافي...
اخابرج بعدين
سديت التلفون  وخليته على الميز واني اباوع عليه
اريد احاول اتفاهم وياه...
بس احس داضغط على روحي...
اذكر مظهر خالد وصديقه وتلعب نفسي من كل رجال..
خلي اكوم انام احسن...
بس ماكدرت رغم سهرانة بالليل...
سويت ريوك للجهال ونظفت بين ما كعدوا ريكتهم ولعبت وياهم شوية رجعت خابرت الدائرة اتاكد من اجازتي وصلت من الوزارة...
وطلعت واصلة ومصدريلي امر...
نعست نور نيمتها بغرفة ماما...ورجعت تمددت على القنفة اباوع لعمر وهو يلعب...
صحيت على ايد صغيرة تهز بية
_ماما...ماما...الباب
فتحت عيني الظاهر غافية...
طلعت ركض لان الجرس مابطل يرن
فتحت الباب بدون مالبس حجاب
_وينج ماما...ظل بالنا
_ليش شكو
_صار شكد من اندك الجرس
من كالت هيج يلا انتبهت احمد وراهة...
دخلت ركض للبيت...
دخلت امي وحدها...
_راح...بعديش تريدين تلبسين حجاب...
_غير انتو حركتوا الجرس حرك
الايام الي بعدها جانت باهتة بدون صوت بيبتي بالبيت...
كرار يومية بالليل يخابر...
حجالي عن زوجته..بنت خاله جانت مزوجها عمرها ١٧ سنة وعلى اختيار امه...
بعدين مامتفاهمين...
من كتله ليش...
_هواي امور جمعت...
منها كلشي يصير بينا او بالبيت توصله لاهلها
اي مشكلة اتصير بينا وبين اهلها...تزعل وتروح تبقى يم اهلها لحد مانتصالح
مامهتمة بنفسها...اهم شي تنظف وتربي جهالها
وناسية عدها رجال هم...
_يعني اكيد من تنظف وترتب لخاطر تخليك مرتاح ابيتك
_هاجر...الرجال يريد مرة تهتم له وتراعيه...
يعني من اطلع الصبح للدوام وارجع تعبان
اريد مرة تتلكاني بوجه مبتسم وتكلي الله يساعدك...
مبدلة دشداشتها...اتكعد تتغدة وياي
مو الكاها بنفس دشداشة المطبخ...
وبس تتشكى بناتك هيج وبناتك هيج..
وفوكها اتكلي اتغديت من غديتهن
_بس هاي مشاكل ما تستوجب الطلاك خاصة عدكم جهال...
_هاي المشاكل تجمع واكو مشاكل ماتنحجي
_مو لازم اعرفها
سكت...
_مو هسة بعدين
_بكيفك
من سال على سبب طلاكي ...
كتله الخيانة بس ماحددت نوعها
_على هيج واحد.يتحذر وياج لان مابيها مجال
تسامحين
_يعني شنو مافهمت
_لا هيج
جان اغلب نقاشاتنا من هالنوع...يعني نحاول نتعارف
او الاصح اني احاول اعرفه...
لان اخاف اتورط مرة ثانية...
مرة بالليل سخنت نور حيل..
استعملت كمادات وتحاميل ومافاد جانت ترجف بين ايدي...
نزلت اركض لامي
_ماما لحكيلي نور ماتنزل حرارتها
كمزت امي...
_اسم الله ماما شجاهة...
اخذتها مني...
عزة يمة الطفلة نار...
لج خابري ابوها يجي يوديهة للمستشفى
بس نور مانطتني مجال جانت اتريد بحظني ماتقبل تبقى بحظن امي
اخذتها منها...ورحت اغسل وجهها بين ما  ماما تخابر ابوها...
شوية وسمعنا جرس الباب...
ماما بدلت وطلعت فتحت الباب دخل احمد للمطبخ
امي رادت تاخذها مني...
ماجان تقبل تعوفني تجلب بية...
_ماما جيبيها واصعدي بدلي...حتى ترحين وياهة
_وعمر شلون
_اني ابقى وياه
صعدت على السريع لبست بنطرون وقميص
ونزلت اخذتها وطلعت لكيت احمد ينتظرنا بالسيارة
صعدت وراسا ساق
_شبيها ليش هيج مصخنة
_ما اعرف جان مابيها شي العصر بس المغرب تنوحست عبالي لان نعسانة ...
نيمتها ...من كعدت نار كصتها...
ماخليت ماسويتلها....
تنزل شوية وترجع تصعد...
وصلنا للمستشفى...ضربوها ابرة خافض...
وكالوا عدها حمى فايروسية...
بقينا بالمستشفى للفجر...نزلت حرارتها يلا رجعنا...
بطريق الرجعة...
_شلونج وية كرار
_السؤال يكون عكسي...كرار شلونه وياج
_ولو كرار ماينخاف عليه...
بس
_بس شنو ينخاف مني
_احنة دنسولف ليش تحرفين كلامي وتريدين تتلاغين ...
_مو اعرف انتة شلون اتفكر بية
_وعلي ولا تعرفين شي
التفت عليه...جانت نور نايمة بحظني
_ممكن ماتدخل بشي مايعنيك
_يعني شنو
_يعني علاقتي وية ابن عمك ماتخصك
سكت لحد ماوصلنا..
بقت بعدها نور تلث ايام اتسخن والليل كله اسهر
حتى من يخابر كرار اختصر وياه
رابع يوم نامت واني هم نمت...
ماكعدت الا الصبح...باوعت على الموبايل
كرار هواي داك بالليل...
كلت بعدين اخابره....
نزلت جوة اتريكت ونظفت وماما طبخت
وبعدين نور وعمر كعدوا والتهيت وياهم للظهر يلا اذكرت تلفوني...
صعدت اريد اجيبه...لكيت مكالمات فائتة لكرار
دكيت عليه....راسا رفع الموبايل
_هاي وين جنتي
_هلو كرار...عايفة تلفوني فوك
_والبارحة شكد دكيت عليج
_نمت من التعب ماحسيت
_وماشفتي التلفون الصبح
_شفته وعلى اساس اخابرك ونسيت
_اكو وحدة هيج اتكول لخطيبها
سكتت ادري نفسي جفصت بس ماعرف اكذب
_شو سكتي
_اني ماعرف اكذب ولازم تتعود على صراحتي
_بس اكو شي اسمه مجاملة
عموما...اريد نطلع باجر عازمج على غدة
_مو مشكلة
سديته ونزلت كلت لماما
_روحي ماما انتي تعبتي هاليومين
ثاني يوم بدلت فستان نيلي وحاولت اخلي مكياح خفيف...
دك الجرس...طلعت ماما فتحت الباب...
بس ماقبل يدخل...صاحتني...
طلعت...هلو كرار
_هلو ...
جاوبني من ورة خشمه...
من صعدت جان مثل العصبي من يسوق
كلت خاف بعده زعلان من البارحة
مالحكت اسأله هو حجى
_شنو معناها اطلعين وية احمد بنص الليل
بالبداية مافهمت حجايته ...
بعدين يلا
_قصدك من رحنا للمستشفى
ترة نور جانت مصخنة كلش
_واذا جان راحت امج...
وبعدين جان خابرتيني اني اجيج
_اولا نور بنتي ومتعلمة علية
ثانيا لازم ابوها موجود ...
وبعدين ترة هذا ابن عمك
_على الاقل خابري من اطلعين لو مامحسبة وجود لخطيبج
كلت بگلبي ...اهووو بدت رحمة الله
جان يحجي بحدة...
_يعني طفلة متخربطة بين ايدي...راح افكر اخابر واستاذن..
وبعدين كرار بعدنا مخطوبين من نعقد عود ذيج الساعة من حقك تعتب
_اعتب....
_هسة طالعين نغير جو لو نتعارك
سكت...وبعد ماحاجاني لحد ماوصلنا
من وصلنا ولحد كعدنا حول الميز حاول يغير الموضوع...
وسال على دائرتي وحجى عن اهله...
صراحة جنت مركزة بعيد...اكول باجر عكبة شراح يسوي اذا صار نفس الموقف...
وشلون راح نرتب الوضع....
هو يريد وحدة تتفرغله واني عندي طفلة صغيرة تريد اهتمام وسهر غير ابني
_وين رحتي
_ها...هنا يمك
_سألتج على بيبتج ماجاوبتيني
_زينة بعدها ماسوت العملية...حاليا تحت العلاج
من رخصتك اروح للحمام...
من كمت جاي امشي صار بوجهي شخص
رفعت وجهي اتفاجات بيه...