ورود شائكة

البارت السابع

نتصور كل قرارتنا صحيحة....ولا نحب ان يجادلنا احد...رغم اننا ننظر للامور من وجهة نظرنا فقط ...
وقد تكون زاوية الرؤية لدينا ضيقة ولا نعلم ذلك...
همس ليل
بقيت اباوع على ايد نور...اخذه لو لا
ماراح ايكول انتي نزعتي الحلقة...
بس اني نزعتها حتى افهمه ان هو متمسك مو اني
نور...اخذي...
حجتها بقوة ...
جريت التلفون...نور ما اكدر
_مثل ماكدرتي تجريه...تكدرين هسة تخابريه
جريت نفس...وبديت اكلب بالاسماء...
مجرد أخر نفسي مو أكثر...
دكيت رنتين وفتح علية خط
باوعت لنور واني اكول الو
عافتني وطلعت...
جاوبني بكلمة الو ومازاد
بلعت ريكي واني اكوله...شلونك خالد
_زين...تحظروا شوية وجاي
سد التلفون...واني بقيت محتارة شنو قصد
اجت نور...ها شكلج
_كال تحظروا جاي
_يعني شنو
رفعت جتفي دلالة ما اعرف
_غير تفتهمين منه...عموما راح ابلغ امج اتبدل...
وانتي تحظري
نزلت واني كمت من مكاني وبنيتي ما انطي مجال يتراجع...
ليش اخلي احد يشمت بية...
اعتنيت كلش بمظهري...
لبست بنطرون بيجي قماش وعليه قميص يدوب يغطي الورك جوزي مطعم بالوان وخليت مكياج قوي
ولبست حذاء عالي...
نور دخلت...مممم مبين تريدين ترجعينه بجهتج
هاجر...يعني شلون شسوي ماعاجب
_لا عاجب عمي عاجب
_يلا بدلي فضيها
_ها..ما اعتقد اروح
_شنو ماترحين عيب...وبعدين ترة الفندي ماله سلطة عليج الا بعد مايخطبج رسمي...لا تخلي يتحكم بيج لهدرجة
_اهووو...سويتيها جريدة شطولها...عموما امي هم كامت تحجي شلون تبقين وحدج...
راح ابدل وادري حصيرلي مشكلة من وراج
نزلت وعفتها اتبدل...
شفت ماما ضايجة...رحت يمها
_شبيه الحلو
_ماما حالج ما عاجبني...
_ليش ياقلبي
شبكتها وخليت راسي على راسها...
جانت واكفة كدام المراية
_الله عليج الي يشوفنا هم يصدك ام وابنتها
شو ابد ما اشبهج
_تشبهين ابوج
_المفروض تكرهيني على هيج
_يمة اسم الله...ليش اكرهج...انتي احلى شي بحياتي
بستها...وانتي احلى ام واغلى من روحي
سمعنا صوت الجرس...
_هذا خطيبج...
طلعت تفتح الباب...واني صحت على نور
ادري راح تلبس اي شي وما تتأخر
ورغم هالشي هية حلوة مو قاصرة...
دخلت ماما...يلا صيحي بيبتج ونور...
ما قبل يدخل الولد...
طلعت بيبتي ونور وبقيت وية امي اقفل...
ماعرف اريد أخر المواجهة...
من طلعت شفته مكعد بيبتي لكدام...
ابتسمت...اجيت وهم يفتح الباب لامي...وعافنة وصعد...
بدون مايلتفت علية....صارت كعدتي وراه...
اول ما صعدت باوع علية بالمراية...
غمزتله هو مثل تفاجأ ونزل عينه...
وبعدها ركز بطريقه وية بيبتي وهية تحجي عن قبل
لحد ماوصلنا ...
من نزلنا بين السلام والترحاب من اهله...
وبين ماكعدنا ما ركزت وياه...
صارت كعدتي بين امي ونور وهو من الجهة الثانية يعني ماكدر اشوف نظراته...
مقابيلي ابو فهد ومرته
ام فهد...البنات اخواته رادن يجن...بس ابو فهد كال خليهم براحتهم هالمرة يشوفون البيت والمشتمل
وعلى الحفلة يتعرفن على العروسة...
...ظلوا يسولفون بمواضيع عامة واني بالي مشغول
اريد اعرف شقرر...
كامت ام فهد للمطبخ...وبيبتي كالت لي ولنور كوموا وياهة ...
رحنا للمطبخ...
نور...تحتاجين شي ام فهد
ام فهد...لا خيتي انتوا خطارنا
نور...قابل ما نشتغل ابيتنا...
ام فهد...اني احب اطبخ كلشي على ايدي
...هاجر تعرفين اطبخين
كعدت على ميز الطعام...
_كلشي ماكو بالطبخ...ولا احبه
ام فهد...يا...غير خالد يموت على اكل البيت
وخاصة اكلي
هاجر...زين لعد حتى اتعلم طريقتج مادام يحب طبخج
الي شفته كدامي ام فهد واسمها اريج اتموت على واحد يحمدها...
وعلى كولة بيبتي اذا كلتي لاحد عيني ماراح ياخذها بس اتكسبيه...
لذلك.قررت استعمل هالاسلوب وياهة....
دخل خالد...
ام فهد...ما تاخذ خطيبتك اتشوفها غرفتك والمشتمل
باوع علية بنظرة حادة...
بس اني جاوبت نظرته بأبتسامة...
خالد...تعاي وياي
طلع قبلي ما انتظرني...باب المطبخ قريب على الدرج
من وصل وكف...
_اصعدي كدامي
رفعت حاجبي...
_هو منو ابو البيت والي يندل
_خليتي بيها ابو بيت
ماجادلت...صعدت كدامه بتمهل...
من وصلنا للطابق الثاني وكفت ...التفت عليه
فجأة شفته جان مركز بمكان...
هو راسا رفع عينه...وين هسة
مشى كدامي لغرفة نهاية الممر فتحها...
ودخل...ضجت من الاسلوب بس صبرت نفسي
دخلت وراه...تفاجات ...الغرفة عبالك مال مزوج مو عازب...
الجرباية نفرين...والكنتور جبير...
هو كعد على الجرباية..واني افتر بالغرفة...
_شعجب ماخذ هيج غرفة
ما جاوب...تمشيت ووكفت كدام ميز التواليت وظهري له...
باوعت للعطور...واخذت واحد...رشيته على معصمي
وشميته...
_هذا نفسه الي تخلي منه يوميا...بس على الرجل يختلف عن المرأة
_شلون يعني...
التفت عليه وتمشيت ليمه...مديت ايدي شمه
وتعرف شلون يختلف
لاف راسه شوي يشم معصمي بس عينه بقت علية
واني جنت مبتسمة...
خالد_ماكو اختلاف
هاجر_يجوز...عفته ورجعت للميز خليت العطر
باوعت عليه بالمراية
_ليش جيت...
_شنو ليش جيت
_يعني اذا بعدك زعلان...وتتحس اني غلطانة...
ليش اجيت
_وانتي ليش اجيتي...مو شمرتي الحلقة
انداريت عليه اتجيت على الميز
_شمرتها لان حسيت بيك جرحتني باتهامك...
ردت افهمك مو علمود الحلقة ابررلك
شرحتلك لان مااريدك تاخذ نظرة غلط عني
لان اهتم بيك...واريد خاطرك
ردت اكوله لان احبك...بس ماطلعت من حلكي
_بس ...كام وكف
تقربت منه....هو شنو الي بس...خليت ايدي على صدره العب بدكم قميصه
_بس لان تريدين خاطري
حسيت من صوته لان...وخفت الحدة
_لو بس هالشي جان ما اجيت اليوم
_وماعرفتي ترفعين تلفون
_خلودي اني ماحب الشرح بالتلفون ...وهم ردت انطيك مجال اتفكر...
ماجاوب اني جنت مدنكة وعيني على صدره ماعرفت اخلي عيني بعينه...
وادري هو نظره علية...
_شو ساكت...اذا ما مقتنع بحجي مال البارحة
كول وين شكك
رفعت وجهي له...وصارت عيني بعينه
_من افكر اشوف كل الي كلتيه صح...
بس مو سهلة وحدة تجي اتكول الي كالته هبة
_انت تدري عينها عليك...ممكن اتكول اي شي حتى تخرب...
وكتلك جان شقة ماعبالي تاخذها جد
شفته عيونه ركزت على حلكي من احجي
_عموما هم اخذ وقتك وبراحتك..
نزلت ايدي وردت اندار..
ماحسيت الا ايده حاوطت خصري وجرني بقوة لحظنه...
_وين هو دخول الحمام زي خروجه
ضحكت...عيب خالد اهلنا جوة
_كله عيب...بس لازم ادفعين ثمن النار الي بية من البارحة لليوم...
جر الشال من راسي...ونزلت شفايفه تطبع على ركبتي...
حاولت ادفعه بس جان لازمني حيل...
ايده حسيتها حفرت بصفحتي...
جان فعلا يعاقب لان مو بوس عادي ....
وين ماتمشي شفايف من ركبتي لحد خدي تترك اثر
ومن استلم شفايفي جان يضغط بقوة...
عفته براحته يفرغ غضبه وبنفس الوقت حاولت اقاومه...
ومن جرني للجرباية وصار فوكي....
صار وكت اوكفه....خالد...كافي مو هيج لا تتهور
_اشش...مامسوي شي
بس ايده الي تجرأت بلمساتها جانت اتكول غير شكل
دفعته حيل عني وانسحبت من جواه بلحظة ...
وكفت اعدل بملابسي مرتبكة....
يمكن البنطرون حماني...انطيت مجال زيادة ماتوقعته هيج...
كعد مقابيلي على الجرباية...شبيج خايفة...قابل شسويلج
_هاي كله شسويلي...
دكمت قميصي من فوك....وعدلت نفسي
ورحت للمراية اريد البس شالي...
باوعت لركبتي مطبعة....
_خب بظميرك...هاي شنو...همزين لابسة حجاب
ضحك....هاي مقبلات ترة مو اكثر
كملت لف الشال...خلي ننزل
_نزلي قبلي...هسة جاي
نزلت من باب المطبخ اشرت لنور اجيبلي جنطة
من شافتني افتهمت جابتها...رحت للحمام عدلت حمرتي وطلعت
نزل بعدي بربع ساعة ...جان مفرفش...
تغدينا واخذنا للمشتمل ...اول ما ادخل مطبخ
ومن تطلع باب يدخل لصالة...
وهول داخلي مفتوح...وبالنهاية غرفة النوم الي هية بالاصل صالة البيت الجبير قطعوها...
بس غرفة النوم جبيرة الباقي غرف صغيرة...
من رجعنا للبيت اهله..تفاجات من حجت ام فهد
_اني اكول ليش المصاريف وبراهم تجهيز بيت
لا تسوون كعدة مهر....
خليها راسا حفلة حنة...وعرس بالقاعة احسن لهم
باوعت لخالد ما اعترض...
سلوى....بكيفهم اذا هيج متفقين
ام فهد....طبعا بكيفهم بس فلوس الحفلة خليها يشترولهم حاجة للبيت
طلعنا بعدها وصلنا خالد للبيت...
وماما عزمته يشرب جاي...
هو نزل ...طبعا بيبيتي دخلت تنام لان مرة جبيرة
ماتتحمل...
ونور صعدت لغرفتها...
وماما راحت تسوي جاي
خالد...خالتج تشبه امج ...حلوة شعجب لسة مامزوجة
_نصيب...وبعدين عينك لا تبصبص
_عندي الاحلى...اجى كعد بصفي...
وجر ايدي...لبسني الحلقة وباسها
_خالد ما احب تسمع من احد...
انتة شفتني وعرفتني شنو
_الشغلة تمس الكرامة هاجر...
بس اني فعلا ماشفت منج شي يدل علي كالته هبة
هالشي شفعلج
_بس هالشي...
شبك ايدي بيده...
_تريدين الصدك...الي شفعلج گلبي...
باوعت عليه ...جر ايدي وهو شابكها وخلها على فخذه
_هاجر احبج....من اول ايام داومت وعيني عليج
حبيت ثكلج ...
وبهاللحظة دخلت امي...
هادمة اللذات...حجاهة همس وجر يده بسرعة
ضحكت وية نفسي ....
خلت الجاي ورادت تطلع بس خالد حجى وياهة
_خالة بالنسبة للحفلة لا تخلون بالكم اذا تريدون عادي نسويها...
بس اني مستعجل ما اريد نطول بفترة الخطوبة
_والله يا امي بكيفكم شوفوا شنو يناسبكم...
واعتبروا كاونترات المطبخ هدية مني
طلعت...التفت علية شتكولين
_خالد ماعرف امكانيتك بالضبط
_اني اذا اريد اسوي حفلة لازم بقاعة مايكفي بيتكم
لان هواي يعتبون...
ونلغي حفلة العرس نسوي زفة عادية
يدوب اتكفي نجهز البيت...
_خلص نسوي لعد حنة وعرس ونلغي المهر
بداخلي جنت اريد اعزم كل بنات الدائرة خاصة هبة
_بس اكول اشو امك قليل تحجي شبيها
_مابيها شي ولا تخلين بالج
جر السويج من على الطبلة...
_يلا اروح ونحاول باجر نطلع نجيب غرفة النوم
وصلته للباب وصعدت لغرفتي...
من دخلت راسا دنكت نور...عرفتهة تبجي
بس ماحاولت اسالها شبيها...اكيد الفندي حجى عليها لان راحت ويانة...شكد اكرهه...
ثاني يوم اجانة نروح نشتري الغرفة بس من طلعت اني وماما تفاجات بام فهد جاية وكاعدة بالصدر...
عود من شافتني نزلت سلمت ورجعت ليورة...
والمفاجاة الاكبر من نفتر على الغرف هية تختار
هاي حلوة...هاي سهلة تنظيفها...هاي تكفي غرفتكم
ظليت صافنة....
حتى ماتسأل شنو رأيج...
جريت خالد على صفحة وهية داتفتح بالكنتور لغرفة عجبتها
_اكولك شنو الموضوع الغرفة لمن
_شنو لمن غير لنا
_لعد شو مرت اخوك هية تنقي
_لا حبي تنطي رايها...وبعدين الغرفة هدية من ابو فهد
_وهدية تختارها على مزاجها
_حبيبتي حتى لو اختارت ...شنو يعني داتشري غرفة زينة...شيقدم شيأخر هالشي
صفنت عليه...
ردت اعند وبعدين بطلت كلت ماتسوة خليهة بواهسها...
وفعلا اختارت والتفت علية...حلوة مو عجبتج
هزيت راسي ب اي
اتفق وياهم يجون ينصبوها...
_امشي نختار تخم للصالة
_غير مرة تعبت خالد
رجعنا للبيت ماما جلبت بيهم ...بس ماقبل كال ام فهد تأخرت على جهالها...
بس نزلت...هية نزلت وصعدت لكدام...
داومت ثاني يوم وهم اجى هو اخذني...
ومن دخلنا للدائرة كايدني...
وصلني لغرفتي ودخل صبح عليهم...
وشافتنا هبة حسيتها رادت اطك....
عافني وطلع...ودخلت عبير....
اول يوم اداوم بعد زواجها...
كمنا سلمنا عليها...
عبير....ها ولج سويتيها شبسرعة...
هبة راسا طلعت
عبير...هاي شبيها
ام حيدر...يعني ماتعرفين
هاجر...لا تعيدون الموضوع كدامها لا تسويلي مشكلة
ام حيدر ...ما اعتقد تروح تحجي
هاجر...وان يكون ياريت ينسد الموضوع
لنص الدوام....وخالد دز علية
هاجر...نعم استاذ
خالد...هلو يا استاذ حلوة هاي...
حبي راح اخذلج اجازة لنهاية الاسبوع...
هاجر...ليش
_اريد نخلص التأثيث هالاسبوع...
وبعد اسبوعين او تلاثة نزوج
كعدت مقابيله....
_صدك تحجي
_ليش نتأخر كلشي جاهز
_وليش هالاستعجال
_غير اريدج يمي....يلا حبيبتي قدمي طلب
كتبت طلب وانطيته له...
طلعت مستغربة من استعجاله...
ولنهاية الاسبوع كانت الحياة العادية...
رغم ماجان له داعي الاجازة لان الصبح هو بالدوام
وماكدر اطلع الا من يخلص...
يجيني للبيت راسا نطلع نشتري باقي الاثاث
ونرجع ينزلني ويروح للبيت...
بس باقي الاسبوع التهيت اطلع اجهز نفسي
بالليل جان يخابر بس قليل نحجي...
لحد لنهاية الاسبوع...خابرني
كال تعاي نكمل ترتيب البيت ...
واجاني الجمعة من وكت..
وصلنا لبيتهم وبعد ما سلمت راسا اخذني للمشتمل
حتى اعترضت ام فهد
_شدعوة عليك خلي نفتهم منها شوية
_اريج خلي اتكمل ترتيب البيت
_هسة اجي اساعدها
_لا ماكو داعي....بس نريد غدة من ايدج
باوعت لامه بس تباوع ماحاولت تتدخل رغم شخصيتها مبينة مو مال وحدة فقيرة
رحنا للمشتمل لكيت كل الاثاث جاي
حتى الكاونترات امي دفعتهن....
ونور اشترتلي ثلاجة...وخالي دزلي فلوس الطباخ
يعني المطبخ كله صار هدية من اهلي
واخواته لكيتهن كل وحدة دازة هدية هم ماقصرن
_ليش ماخليت ام فهد تساعدني...
لو ادري ماكو احد وياي جان جبت نور لو ماما
_احسن وحدنا اني وياج نتعاون....
اخواتي هم رادن يجن بس كلت كلشي من البداية على ايدج افضل...
مافهمت شنو غايته من هالشي...
بس الي ارتاحيت له...جان وياي وياي عاوني بالترتيب
وباله طويل ما اضجور او تعاجز لحد ماخلصنا
كعدنا على التخم...تعبانين
خالد_مابقى بس نشتري البردات والفرشات
هاجر_خلي نستراح كم يوم
خالد....شنو نستراح..الاثنين الجاي عرسنا...حجزنا قاعة...
عدلت كعدتي...تتشاقى يعني بعد عشر ايام
بعدني كلشي ممخلصة...
وبعدين شنو حجزت شو ما كلت...
_وليش الاعتراض...كلشي وخلصنا...وهسة الجو طيب
_اكولك ترة الاسبوع كله اخذته ركض...
مالحكت ارتاح...وعلى حجيك الاسبوع الجاي هم اخذها ركض...
_ماعرف وين المشكلة عندج اجازة شهر بعد الزواج
ارتاحي بيها
_المهم بالعرس اكون مرتاحة
_اكيد تكونين مرتاحة ...غمزلي
_مو وكت شقة خالد
_ما اشاقة والله
_اهوووو
كمت من يمه...لزمني من ايدي ووكف كبالي
_هاجر ماعرف سبب اعتراضج...كلشي خلصنا
شكو الانتظار
_وليش الاستعجال...انطيني على الاقل اسبوع راحة
وخلي العرس بعد اسبوعين او تلاثة
_مو كتلج حجزنا القاعة
_وهاي هم شو لاغيني من الموضوع...
شلون تحجز بدون علمي
_انتي الاساس شلون الغيج
تعصبت...لا تاخذني بلسانك...
ليش تتصرف كله من راسك....
مد ايده يتلمس خدي....حبيبتي والله اريدج يمي باقرب فرصة...
كوة لازم نفسي عنج...خلينا ننجمع سوة وعوفي العناد ماتسوة...
سكتت ماعندي حجة اعترض...
_فديت الحلو.....دنك علية وبعده مامقترب
سمعنا صوت ام فهد...وينكم خلص الغدة
راسا ابتعد...
_لا اكو احد مسلطهم علية...
رحنا غسلنا ولكيناها مسوية سفرة اشكال
كعدني بصفه...
خالد...عاشت ايدج ام فهد
اريج...بالعافية...ولو الله يساعدك هاجر اتكول ماتعرف تطبخ
باوعت عليها ...وبكلبي كلت شنو مناسبة الحجي
خالد...مو مشكلة تتعلم...انتي موجودة...والحجية الله يحفظها...قصده امه
امه جاوبت...اي يمة تتعلم...ماكو بشر مايتعلم
اريج...صدك هاجر...اذا تريدين اكو صالون يمنة حجزت عنده تعاي يمها
باوعت عليها...الله كريم
ام فهد...القاعة حلوة الي حجزناها...اكيد تعجبج وجان اكو خميس واثنين كتلهم الاثنين احلى
تفاجات يعني اختيارهة القاعة واليوم
باوعت صفح لخالد جان ياكل وماحجى
عفت الاكل وكمت
ابو فهد...ها وين ما لحكتي تاكلين
هاجر...الحمد لله شبعت
خالد لحكني...شبيج هاجر
_رجعني للبيت
_ليش شصار بعدنا ما كعدنا سوة
_رجعني خالد بدل المشاكل...
_امشي نروح بالمشتمل نتفاهم
_كتلك رجعني
_يلا
سلمنا على السريع وطلعنا وبس صعدنا بالسيارة
_شبيج اشصار
_يعني ماتعرف....العروسة ماتعرف وكت عرسها ولا تاخذ رأيها باليوم..
ومرت اخوك هية الي اتحدد وتقرر ...
هاي شيسموها
_عادي هاجر احنة ماعدنا هيج فرق وحساسية بهالامور
طخت ابالي شغلة...خالد الله عليك
اخواتك شمدريهم شمحتاجين بالبيت وجابوا
_غير اني اعرف شنو نواقص
_لا مو مال انتة ...لان ممكن تعرف الشغلات الجبيرة
بس مال شغلات مطبخ وفرش ماتنتبه لها
ولا سألتني
سكت...
_ام فهد مو ...هية حددت لكل وحدة
_وشنو المشكلة...ترة هية تتصرف من باب جبيرة العائلة....
_وين امك لعد بالموضوع
سكت...لان وصلنا للبيت...نزلت وهو وراي
ماراح تعزميني...
_تفضل
تلكته امي وبيبتي...
من كعد بالصالة...
_خالة احجي وية بنتج تعبتني ترة
باوعت علية
_خير شكو
خالد...حددنا الاثنين بعد عشر ايام وحجزنا وهية ماعاجبها
سلوى...شكو بيها ماما ...عشر ايام تلحكين
هاجر...هو هنا اعتراضي بربك....
لو انتة تدري وين اعتراضي...
_واشوف اعتراضج مابي معنى
_هيج اشوفه...براحتك...
بس الزواج قبل تلث اسابيع ماكو...
عفتهم وصعدت واني مصممة...
من هسة بدا التحكم بدى بغرفة النوم وبلش
اذا مو من البداية اخلي حد بعد ماتتوقف....
...وللحكاية بقية