Diary ni AssuMera

Ikalabing-dalawa

Dear Diary,

Pinansin niya ako kanina, as in oo yes! First time 'yon. Hanggang ngayon nakangiti pa rin ako dahil dun. Hindi ko pa makakalimutan ang sinabi niya.

"Hi, excuse me. Pwede pahiram ng ballpen?"

O 'di ba? Nag 'hi' siya! Tsaka sa dami ng pwedeng hiraman, bakit ako pa? Kahit na ako 'yong estudyante sa harap niya, e pwede naman niyang hiraman ang nasa likod o kaya 'yong nasa gilid niya 'di ba?

Naibigay ko tuloy agad ballpen ko, malas lang at isa lang pala 'yon. 'Di bale nang na zero ako sa quiz, at least pinansin niya ako.

-- Assunta Meranda