#غربة_وطن_مجروح
بقلمي :فردوس عبد اللطيف
الرابع عشر
غاب عني وقلبي عنده ورحل غاب عني وأنا المتيّم به وحبه المنتظر غاب عني وأحسست بشعور غير شعور البشر غاب عني والدنيا كلها تنادي أغلى البشر أسال عنك أينما ذهبت لكن لا يوجد خبر شغلت قلبي وعقلي وصار بهما شيء من الكدر قلبي تعلّق بك، أين أنت، هل من خبر؟
مقداد : نزلت للسوق وكفت سيارتي بمكان ونزلت اتمشى عالمحلات
اجوني ثلاث اشخاص
الداعشي : انت مقداد ؟
مقداد : نعم تفضل منو حضرتك ؟
الداعشي : احنا الدوله الاسلاميه عدنا استفسار تفضل معانا نسألك كم سوآل وترجع لاهلك
مقداد : بخصوص شنو ؟
الداعشي : تفضل ويانا وهناك تعرف
صعدوني بسيارة تابعه الهم واخذوا سويج سيارتي وصعدوا بيهه اثنين ولحكونه
عصبوا عيوني ومنهه ماشفت شي بس اسمع اصوات اخذوني لمقرهم
هناك تركوني بغرفة وحدي ايدي مربوطه وعيوني معصبه
عالارض كعدت انتظر شوكت يسألوني وارجع صدك
~~~~~~
نونه : الشيخ ابو محمد دز على جيرانه عراقية زوجة ابو فراس وزوجة ابو عبد الله وبقوا يفركون بأيدي ويقرون علي
من صحيت من الاغماء بقيت الطم واصيح وابجي
ابو محمد : اختي لاتأذين نفسج احنا مراح نكعد ونسكت ما راح ارتاح الا اطلع مقداد من ايديهم بس لاتربكونا خلونا نتصرف وراح ادور على معارفي ومعارف قريبي ابو يزن
بلكي احد يجيبلنه خبر منهم
نونه : جزاك الله شيخنا والله احنا ماعدنا شي وزوجي ماعنده اي مشاكل ليش ياخذوه ؟
الشيخ : استأذن اروح راح ادزلج ام محمد اخاف محتاجه شي ؟
نونه : سلامتك شيخ بس ما اوصيك على مقداد اني يتيمه وهو زوجي وهو ابوي ماعندي سند بالدنيا غيره
ابو محمد : توكلي على الله احنا هنا اعتبرينا اهلج واني ابوج
مع السلامه
~~~~~
من طلع الشيخ بالباب ورعد معاه
رعد : شيخنا اخاف يقتلون اخوي وظل يبجي
ابو محمد : مو بهالسرعه اخ رعد هما هم عدهم محكمه وتحقيق مو بهالسرعه واحنا راح نستفاد من علاقاتنا ونحاول نخلصة من ايديهم
بس انتوا توقعوا احتمال بجون تفتيش عالبيت اذا عدكم شي اخفوا فلوس ذهب صور بالعراق باماكن معينه او تلفوناتكم بيها ارقام شخص عسكري اصلا التلفونات اخفوهه
رعد : زين نبهتني هسه اخفي كلشي يخصنا بالعراق الظاهر كولشي يفسروا
~~~~~~
ام محمد : اشلونج اختي نازك جبتلج اكل لان الشيخ يكول ما اكلتي شي وموزين على صحتج
نونه : والله ما اشتهي الاكل الا يرجع زوجي هسه هو وين كاعد ؟ شدتيسوي اكل لو جوعان بردان ولا دفيان وينك مقداد يابعد روحي حبيبي الدنيا ظلمت بلياك
ام محمد : اختي احنا مؤمنين بالله خلي قلبك مع الله هو الي يرجعه الج كعدي صلي واقري سورة يوسف واستودعي عند رب العالمين صدكيني ماخاب من توكل على الله
نونه : كلام ام محمد برد كلبي .فعلا الي كاتبه الله نشوفا وهذا قدرنا هو الي وصلنا لهنا والي يجي من رب العالمين راضين بي
بقيت الليل كوله اصلي واندعي وابجي بحركه كلب
ياربي احنا غربة وتغربنا حتى بوطنا انت اقوى من كل طاغية انت تنقذ زوجي ربي رجعه الي سالم معافي
وقريت سورة يوسف وخليت قميصة بالقران بسورة يوسف
لحد مانشفت دموع العين وسمعت صلاة الفجر واني منايمه
حتى رعد اسمع صوته يشرب جكاير ومره يبجي ومره يسوي جاي ويفتر بالبيت مايكدر ينام
صبحنا الصبح وهذا اول يوم وزوجي غايب عني وما اعرف مصيره واخاف لايندك الباب ويحيبوليا مكتول
ياربي لاتفجعني بعزيز كلبي
رعد : نونه راح اروح عالشيخ اشوف شراح يسوي اليوم
نونه : روح خويه روح امانه عليك اذا سمعت خبر مفرح تجيني ركض مو مشي فدوه طمني وبرد كلبي الله يبرد كلبك
رعد : اكيد اختي اني طالع اجيبلج شي من بره ؟
نونه : ماريد شي بس خلي اسويلك ريوك
رعد : ماريد خلي اروح مع السلامه
~~~~~~
نونه : بقيت وحدي بالبيت اباوع عالحيطان اشوفهه ظلمه
مكانك خالي مقداد وين انت ارجعلي فدوه لاتعوفني بهالدنيا
وحيده بقيت احجي وحدي
اندكت الباب يمه منو
ام فراس : اشلونج خيه ؟
نونه : اشلوني حال الضيم حالي مقداد اخذوه خيه البارحه مدري وين اخذوه واليوم مدري وين كاعد
ام فراس : خية الصبر صبري هذا اختبار من رب العالمين والله كولنا ندعيله زلمنا ونسوانا لان احنا بدونا منعرف ندبر امورنا هو الي كان يقودنا وتحمل مسؤليتنا وساعد المحتاجين
والله ماننسى وكفته ويانا الله يفك اسره ويرجعه الج سالم غانم
نونه : شصبر تدرين منايمه من البارحه لليوم من اخلي راسي عالمخده تجيني افكار مو زينه خليني كاعده اريد اصحى من هالكابوس اكول ام فراس اخاف اني بحلم اخاف هذا كابوس كوليلي
ام فراس : خيه حقج هو زوجج وعزيز عليج ...الباب خلي اشوف منو
تفضلي ام عبد الله
~~~~~
نونه : نسوان العوائل العراقيه معافوني يجوني ويجيبولي اكل ولو احنا مناكل اني ورعد
حتى ام محمد يومية تجي ويجيبولي اكل ماعافوني
صحيح احنا بغربة لكن معافوني كلهم وياي
اني تركت الاكل صحتي تدهورت لان ما اكدر اكل الاكل امتنعت عن الاكل جسمي ضعف( نحول) حتى الحركه صعبه اتحرك بقيت طريحه الفراش لان من اتحرك ادوخ واوكع
اتذكر اهلي اخوتي امي حبيبتي وينج محتاجتج اختي نريمان
هذا الوكت الي لازم افضفضلج وتهونين علي
اخوتي وينكم حتى تلفون ماكو بينا
ام محمد : احنا اهلج خيتي ليش تحجين هيج كلنا خواتج
ام فراس : حبيبتي نازك احنا اتفقنا بيناتنا كل يوم تجي يمج وحده من النسوان العراقيات تبقى يمج وتداريج ومانعوفج
بس خو مو حماج يتقيد ؟
نونه : هو وينه خطيه يطلع الصبح ومكابل ابو محمد ينتظر بلكي يحصل خبر على مقداد واني وحدي بين هالحياطين
مكابلتهن ومية فكره تجي براسي
~~~~~~
نونه : فعلا العوائل العراقية معافوني كلسع تجي وحده وتحاول تنسيني بس شأنسى انسى روحي ولا انسى مقداد
~~~~~
رعد : كلما اطلع اسمع جرائم الدواعش وشكد اذوا الناس وشكد قتلوا ومحد يكدر يردعهم
بكل لحظة اتوقع يجون يكولون تعالوا استلموا جثة ابنكم تمنيت لو ماخذيني بمكانه ولا مقداد زوجته المسكينه منو الهه
تاذت حيل وكلما اسمع خبر يرعبني اخاف احجيلهه لان هي ماتتحمل اعصابها ضعيفة وتتأذى كبتت القهر بكلبي وكل الاخبار السيئة الي اسمعها بهالفتره ما احجيها الهه
بالعكس احاول اطمنها واكولهه فلان اخذوا وطلع بعد فتره ومقداد ماعنده شي واكيد حايرجع
~~~~~~~
نونه : مرت الايام (20) يوم مرت وكأنها عشرين سنه كبرت بيهن 20 سنه وزوجي بعده مانعرف اي خبر عنه
كعدت الصبح سويت ريوك لرعد حماي
رعد : ماتاكلين ترى ميصير تبقين بدون اكل هيج
نونه : ميخالف اكل بعدين
رعد : كملت ريوكي راح اروح للشيخ ابو محمد اشوف بلكي يجيله خبر هو موصي ناس هواي واشوف شيتصرفون حتى كلف محامي بلكي يجيبولنا خبر
نونه : بقيت وحدي بالبيت حتى الجوارين والاصدقاء هم صار يومين ماكو
حسيت بالغربة اباوع عالحيطان اشوفها تريد تاكلني
مالي سند يدافع عني لا اب لا ام لا اخ ولا اخت
بس رب العالمين ماعندي غيرك ربي انت بس وياي
شعرت بدوخه خليت راسي عالحايط
اندك الباب
نونه : منو
محد يجاوب
نونه اكيد ذولي دواعش لبست البوشي وفتحت الباب تفاجأت
يابعد روحي هذا يشبه مقداد اي هو مقداد زوجي بس اشبي متغير ..كأنه غايب سنين
بدون وعي حظنته وبكل قوتي واني ابجي
يمه يابعد روحي هسه رجعتلي روحي وعافيتي
مقداد : اخخخخخ نونه موتيني ترى ما اكدر من ظهري
نونه : ادخل للبيت حبيبي مقداد (بس شكله مو طبيعي اكو شي متغير بي )
دخل للبيت تمدد بالغرفة وتزع قميصة ...شوصفلكم
جلد ظهره من التعذيب مكشر وطالعه الطبقة الي تحت الجلد
يمكن الكلام سهل لكن الحقيقة الي تعيشها صعب توصفها ميوفي وصفها اي كلام
نونه : يبووووي هذوله شمسوين بيك يابعد كلبي ليش مشلعين جلدك ؟
مقداد : معوده طلعت من الموت بس خليني ارتاح اتمدد واحجيلج
من اليوم الاول الي اخذوني بي دخلوني تعذيب ضربوني ع ظهري ورجليه حتى القدم باعيلها ضربوني ما اكدر امشي بيهن .. هسه اريد انام وبعدين اكملج
نونه : نام حبيبي نام ارتاح المهم كبال عيني
رعد : دخل للبيت اكولج منو هنا ؟
نونه : مقداد رجع بس لا تطلع صوت يريد ينام
رحت بالغرفة يم مقداد اباوعله وابجي مامصدكه ... وهو خطيه ميكدر يتكلب بالفراش من الاوجاع الي بجسمه
بقى تقريبا نايم نصف ساعه وكعد على صوتي اباوعله وابجي
مقداد : معوده اني زين كافي تبجين وين رعد ؟
نونه : رعد بالهول بره
مقداد :صيحيله وجماعتنا العراقيين خو ما اخذوا واحد منهم ؟
نونه : لا ما اخذوا احد كلنا زينين والكل قلقوا عليك وننتظر رجعتك
دخل رعد وحظن اخوه وظل يبجي
مقداد : لا تبجي رعد اني زين .. اكو واحد من الجيران مشتكي عليً يم الدواعش وكايل بالتقرير اني كنت اقاتل الدواعش بالعراق ومنتسب بالجيش وحاليا جاي بسوريا وكعد بهذه القرية كل هذا كاتبي علي ومتهميني بهالاتهام
والدواعش مراقبيني ومن وصلت للسوك ونزلت اشتري ماحسيت الا اجوني ثلاث اشخاص كالوا تعال ويانا عدنا استفسار بسيط وترجع
بقيت يمهم ويوميه تعذيب ورادوا مني اعترف على شغله اني ممسويها بس رفضت وتحملت التعذيب وحتى سيارتي اخذوها
نونه : معود فدوه الك السياره المهم رجعتلنا
مقداد : رعد اريد الشيخ ابو محمد وينه
رعد : الشيخ موجود ومعافنه وحاول يساعدك بكل علاقاته
مقداد : روح بلغة اني رجعت وخلي يجيني اريد نشوف حل
احنا هنا بغربة ولا حول ولا قوه المن نروح
~~~~~
الشيخ ابو محمد : الف الحمد لله ع سلامتك اخ مقداد انت بيك بخت طلعت من الموت
مقداد : شفتهمت شيخنا من هالخطوه الي سووها بي
الشيخ : بصراحه اني حركت كل علاقاتي حتى اكدر اخلصك من ايديهم بس لازم نتصرف بسرعه لان الدواعش حايبدون
بقوانين جديده صارمه ويصفون العراقيين وانت عليك مؤشر وبهالحاله مراح نكدر نساعدكم لازم اشوف طريقة اطلعكم من هنا
مقداد : ياريت شيخنا تساعدنا مو بس اني كل العراقيين الي جوي وياي
الشيخ : لازم اهربكم من هنا
مقداد : منك من الله احنا نريد نهرب ياريتك تساعدنا
الشيخ : لا تتصور الموضوع سهل لازم نهربكم انتو اول عائلة والعوائل الباقية كل عائلة وحد نجمعكم بمكان وبعدين تطلعون عالعراق
مقداد : هذا فضل منك تجازف بحياتك حتى تساعدنا
الشيخ : خليني ارتب الامور وافهك عالخطه
~~~~~
اليوم الثاني :
الشيخ ابو محمد دفع مبلغ كفاله للسياره ورجعها النه
مقداد : والله ما اعرف اشلون اردلك افضالك شيخنا
الشيخ : انتو ضيوفنا واحنا نحميكم بأرواحنا
مقداد : والله ياشيخ ملينه وتعبنه حتى اهلنه بس الله يعلم شحالهم هسه ماعدهم خبر من عدنا
الشيخ : شوف مقداد اني رتبتلكم مكان انقلكم بي اخذكم بالليل
انت وزوجتك واخوك اوديكم
مقداد : والعوائل الي ويانا
الشيخ : ما اكدر اخذكم كلكم لان اذا حسوا بينا راح يقتلونا صعب اجازف بيكم كلكم
مقداد : شيخنا ما اكدر اعوفهم احنا اتفقنا نعيش سوى ونموت سوى لازم كولنا نرجع سويه
الشيخ : لازم انقلكم كل عائلة وحد وتبقون تنتظرون لحد ما اجيب العائلة الثانيه وكل اسبوع انقل عائلة لازم اكو فرق بالتوقيت
حتى مايحسون بينا
اتفقوا الشيخ ومقداد ان يهربهم ليلا لقريه قريبه عالحدود العراقية ..
ترقبوا البارت القادم خلي نشوف راح ينجح الشيخ بمساعدتهم ام يلزموهم الدواعش ... شتتوقعون
~~~~~بقلمي فردوس عبد اللطيف ~~~~~
أنت تقرأ
#غربة_وطن_مجروح
Maceraنازك ومقداد احبوا بعض عشقوا بعض قاوموا كل محاولات الاهل لتفريقهم حاربو من اجل توثيق هذا الحب الطاهر ولكن مهما تمنينا ومهما حاولنا لن نغير القدر والمكتوب نعيش الغربه في اوطاننا ونهرب من المجهول الى المجهول فهل ننتصر ام نخسر كل شئ ؟ تابعوا الاحدا...
