((الصباح))
((مكالمه من احمد لي شهد))
شهد(صوت نعسان):آلوو..
أحمد:5دقايق...تستحمي تتسوكي تصلي نتزلي لي مفهووم.😌.
شهد:😳....احمد انت مجنون🙉..
أحمد:والله ي ام وجنات.. بس عندك 5دقايق..وبزيدك 2تاني عشان تصلي بي ارتيااح... بعد7دقايق لو م لقيتك قدامي.. ح اجي ارفعك من مكانك❤.. مفهووم.❤..
شهد(بي توتر) :ااا. طيب طيب(وقفلت من أحمد..)
شهد:مجنون وبعملا.😅... ((وقامت جاااريه.. دخلت الحمام.. كبت في روحا مويه بس😂 واتسوكت.. واتوضت وصلت...لبست اقرب عبايه وشبشب البيت😅 ونزلت ليهو...))
أحمد:للدرجه دي م عايزاني ارفعك😂...احسن زاتو.. جيتي.... كنت ح ارفع لي 71كيلو..
شهد:😠70
أحمد:فرقت يعني.. خلاص م تزعلي...يلا ارررح..
شهد:ع وين
أحمد:عش الزوجيه😍يلااا..
((ركبوا العربيه وشهد الطريق كلو زعلانه من أحمد وصااره وشها😠))
أحمد:وصلنا يلااا...
شهد:البيت من برا زي م هو😒....
أحمد:قااصد انا اخليهو من برا كدا... بس من جوا بقى تحفه فنيه... 😍
((ودخلوا البيت.. البيت اصلا طاابق واحد☺....فيهو غرفتين...وصاااله كبيره..وصالون ومطبخ وحمامات جوا وبراا.... وحوض سباااحه... ))
أحمد:ادخلي بي رجلك اليومين ي ام وجنات..
شهد:بسم الله.. ((ودخلت طبعا البيت كان رهييب😍 بعد التشطيب.. م ناقصوا غير الاثااث😌...))
شهد:وااو...وااو.. ي احمد بالجد روووعه😍التصميم رهيييب😍....بس مافيهو طبيعه😢
أحمد:كيف يعني..
شهد:مافيهو شجر.. ولا قناديل الزهور دي😢
احمد:حبيبتي دي انتي برااك تعمليها❤..(بدا يقرب منها🙈)كل يوم تزرعي شتله(ويقرب❤). شتله(ويقرب❤). شتله..(ويقرب❤)
شهد:😂...كويس..احم. المفروض اسي نمشي المعرض صااح😅
أحمد:امممم..وتختاري عشان.. احم.. ننجز. بدري بدري😉
شهد:حاضر😅..يلاا اطلع قدامي😌..
أحمد:شوف بالله..ادلعي زي م عايزه اسي😍.. وعاندي.. بس لمن تجي هنا😌... انا ح اقوول ليك يلا قدامي😉
((وطلعوا شهد واحمد ع المعرض.. وقضوا حوالي 3ساعات..عشان شهد تختار الاثاث...))
عهد:بابا..ماما.. صبااحكم... يلاا نكتوا الجيوب. وادوني القروش..
كرم:عاوزه كم؟!
عهد:امم.120جنيه
كرم:لي.اصلو..ابووك رئيس دوله..
عهد:لالا رجل اعمال😒...بابا انا عندي شيتات ضروري ضروري اشتريهم🙁...
مرام:طيب...كرم اديها😇..
كرم:والله بس عشانك انتي اديها😍
مرام:تسلم لي انت😍
عهد:😳احم.. احم.. انا لسه م مشيت😅 بطلوا رومانسيه ❤بعد م امشي ارجعوا ليها😒.. ادوني قروشي😤
كرم:شيلي العربيه الصغيره..
عهد:لالا شكرا.. بمشي بالمواصلات..يلا سلاام.
(عهد من النوع الما بحب التظاهر😌.. ابوها لو قال عاوز يوصلا بترفض..متواضعه شديد...)
ماجد:دقيقه
عهد(بي صوت واطي) :كتمت😬..... صباح الخير ي ميجوو😍...
ماجد:سايقه العربيه الصغيره صااح
عهد:ااا لالا.. ماشه بالمواصلات
ماجد:بي شنو.. مواصلات.. بتتكلمي بالجد..
عهد:ااي..انا م عاوزه امشي بالعربيه..
ماجد(بي صوت عالي):عمو عبدو. عمو عبدو
عبدو:نعم ي استاذ ماجد..
ماجد:وصل عهد لحدي الجامعه.. وشوفا بتخلص محاضراتا متين.. وجيبا راجعه..
عهد(بي زعل) :بس اناا..
ماجد:يلا اطلعي عشان م تتأخري اممم
((وطلعت عهد وهي من الزعل بس عاوزه تطرشق😖.. وب هناك شهد اختارت الاثاث طبعا😍.. وأحمد دفع القروش وقال لي بتاع المعرض اسبوعين وح يجي يرفع الاثاث))
عهد:اوووف...اسي في داعي لي دا😤...بس بحب يعمل اللفي راسو ومافي زوول يتكلم او يقول ليهو انت بتسوي في شنو((الطريق كلو تنقنق... وتتكلم عن ماجد.. لحدي م وصلت الجامعه.. عندها صحباتا اتنين مزز❤سمااح..بت مزه للاخر😍... ووعد كذلك مززه الجامعه❤.. بعد عهد طبعا😉))
عبدو:اها بعدين اجيك الساعه كم كدا
.عهد(بي زهج وبرود) :عموو.عاين لا تجيني لا اجيك.. بجي بررااي..(وضربت باب العربيه👊🏻)
وعد:بت الراحااات❤
عهد:اخر مره اسمعك تتاديني بالاسم دا👊🏻😒
وعد:😂خلااص اسفه وشك الضيق دا.....
عهد:ماجد الثقيل دا اصرا انو يوصلوني بالعربيه... عشان كدا..
وعد:❤وواااي طبعا اخووك دا.. مكسرني... يااخ دا كاسر فيني 600ضلعه🙈
عهد:اتلهي..شاحده ربي الله يبتلي بي واحده توري الويل🙌🏻
وعد:حراام عليك ي حقووده😂
عهد:سماح م جاات..
وعد:جاات بس انتي عارفاها.. زي الزمن دا بتكوون مع الدكتور.. جنها قرايه😅.. عامله زي الأله
المتحركه طبيعي.. طبيعي قرايه😂..
عهد:قولي ماشاء الله.. اعملي حسابك بعد الجامعه. ح نشتري الشيتات ونمشي السوق تمام..
وعد:اوكي...
((مكالمه من ابرار))
مصطفى:ابرار😍
ابرار:صفصف😅...انت الليله م شغال جامعه..
مصطفى:لالا عاطل في البيت... وانتي م مشيتي المدرسه لي ؟!
ابرار:عندي قرايه كتيييره.. لازم اخلصها.. المهم عرس شهد متين
مصطفى:بعد شهر او اقل تقريبا...ح تجي صااح
ابرار:ودا كلامك.. اكيد😍
((ابرار.. بنوته عمرها17سنه بتدرس في الصف التالت.جمييله خالص وحبابه... لونها فاتح وشعرا قصير😆 بتبقى لي مصطفى بس من جهه بعيده شويه.. ممكن نقول بت خالتو باللفه😅. يلا الشفع ديل بحبو بعض ليهم سنه كدا😍))
((رجعت شهد البيت وكانت مرهقه وتعبانه قعدت مع امها وماجد واتونست معاهم شويه.. وورتهم الاثاث الاختارتو..في التلفون طبعا😅))
مرام:والله أحمد دا مجنون😅المفروض كان ننزل انا ونايله نختار معاك العفش...
شهد:انا زاتي اتفاجأتا لمن جا الصبااح
ماجد:مجنون صااح بس ح يسعدك.. يلا ي جماعه بعد اذنكم.. طالع استحما وماشي اشوف شغلي...
مرام:ربنا يوفقك
((في جانب اخر))
غازي:اها موافقه.. ولالا..
اروى:بس الطلب البتطلبوا مني دا.. صعب شويه حبيبي..
غازي:لا صعب لا حاجه.. وبعدين اي اتنين بحبو بعض بعملوا كدا.وانا بمووت فيك 😍وعاوزك... يعني فرقت قبل ولا بعد الزواج😒 .. اها اجهز الشقه ونمشي الاسبوع الجاي..
اروى:لاني بحبك ح اوافق.. طيب.. بس لازم تتقدم لي بعد م تجي من الصين مفهووم..
غازي:مفهووم ي عمرري انا❤
((اروى.. بت خالة ناس أحمد😍.. وصحبه شهد الروح بالرووح❤... بت عثووله شدييد❤.. عمرها22سنه. بتشتغل في شركه استيراد وتصدير😍... طبعا انتو عرفتو فهم غازي شنو🙉؟؟؟؟؟؟))
((اتصال))
شهد:اروى👊🏻..ولا كلمه م تتكلمي معاي..
أروى:والله عارفه نفسي مقصره في حقك بس
شهد:مافي بس.. اسي وفي اللحظه عاوزاك تجيني.. ي بت من يووم أحمد اتقدم لي تاني م شفتك... يلا..يلا اتحركي سرررريع وتعاليني..
أروى:حااضر ي مجنونه... احمد الله يعينو😅
((ماجد وهو طالع من البيت طبعا بي السواد بتاعوا داك زاتو❤مزز للاخر. لقى عم عبدو واقف براا))
ماجد:اها وصلتها..
عبدو:ااي..وصلتها..
ماجد:طبعا كلمتك تجيها متين
عبدو:الصرااحه...ما كلمتني وقالت بتجي برااهااا
ماجد(بي عصبيه) :كدا.. طيب..
((الفتنه اشد من القتل مافي داعي ي عم عبدو😒))
يتبع
✏ننس🎀
