شهد:طيب عشاني أمشي ليها...
ماجد:اووف...طيب ماشي ح امشي ليها....بس ح اسلم واطلع...
شهد:طيب بي راحتك....
((وودع شهد وطلع هو وأروى.......مشوا بيت عهد.... ))
عهد:ماجد....
ماجد:احم..كيفك..
عهد:الحمد لله.... خيير
ماجد:جيت اسلم عليك واشووف احوالك..
أروى:كيفك ي عهد
عهد:كويسه..اتفضلوا... (ودخلتهم جواا وضيفتهم.... كانت بتتكلم بي راس نخرتا.... ماجد زهج... )
ماجد:طيب نحنا نمشي بعد كدا..
عهد:امم..شرفتوا..
((أروى اتغاظت منها... وحمرت ليها.. بعدين طلعوا هي وماجد... ع البيت..... ))
أروى:عهد المفروض تعرف الحقيقه.. والا ح تفضل كارهاك.. كدا....
ماجد:أروى للمره الالف.. الموضوع دا انتهى...لو سمحتي.. م تفتحيهو تاني..
أروى:عارفه انك مضايق.. بس... انا م بقدر اشووفك كدا... كلهم فاهمنك غلط بي سببي😔😔....
ماجد:حبيبتي..خليهم يفهموا العاوزين يفهموهو.. م بهمني زوول اسي غيرك انتي😍.. والتؤام الجاينا❤...(وباس جبينها💋)
أروى:💔😢مغرمه بك..
ماجد:وانا مجنون بيك😍..
((ودخلوا البيت جوا وكلموا مرام.. انبسطت ليهم.......... طلعوا الغرفه..وماجد جاب لي أروى الحبوب وبلعتا وبعدين نامت😴..........ومررت الايااام والشهور وأروى بقت في التاسع... وعهد كانت حامل في التالت... انبسطوا لي عهد شدييد❤..وعملوا ليها قعده ظرييفه كدا...... وفي يووم ماجد وأروى كانوا نايمين زي! الساعه2صباحا...أروى حست بألم في ضهرها...وآلم قوي في محصنها😖. .))
أروى:ماجد ....ي ماجد..
ماجد(بي خلعه):هااا.. في شنو...
أروى:ضهري ي ماجد.. وبطني... ما قادره ألم فظييع.😫.. اااه...
((ماجد اتبهدل😂وقف في نص السرير))
ماجد:أعمل شنو... أعمل شنو.. ط.. طيب اتصل بالدكتور.. ولا..
أروى(بي عصبيه):انت م عندك دم.. اعمل اي حاجه... بموووت ي ماما😖😣اتصررف...
((نزل ماجد تحت وصحى مرام.. طلعت لي أروى في غرفتا... طبعا كرم من محلوا م اتحرك..... ماجد طلع سخن العربيه... ))
أروى:وااي ي خالتووو
.مرام:اتحملي ي بتي اتحملي....
ماجد:ساعديني ي أمي ننزلا...
((ونزلوا أروى...مرام صحت مصطفى ومشت معاهو بالعربيه التانيه... أروى الطريقه كلو تضرب في ماجد..... ))
أروى:الله يأذاك ي ثقيل😭😭😭..
ماجد:خلاص حبيبتي قربنا م تبكي..
أروى(بي عصبيه):م تقووول لي حبيبتي😤😠😭😭😭😭😭سووق سريييع...
ماجد:طيب طيب..
((ؤتشيل وتضرب فيهو😂$مسكييين ي ماجد😂......وصلوا المستشفى.... وأروى كانت حالتا صعبه... اصرت انو ماجد يحضر معاها العمليه.. والدكتور مفهم ماجد انو هي الاختارت الموت. يعني م ح تطلع. من العمليه.......ماجد جهز نفسو ودخل مع أروى العمليه.... كانت طبيعيه.....وأروى العمليه كلها تصرخ ع ماجد.. وهو ماسك يدها..بعدين أروى دخلت في حاله تانيه.... طلعوا ماجد براا... ))
ماجد:ي رب. ي رب..
مرام:ان شاء الله ح تقووم بالسلامه.. اتصلتا بي شهد وعهد.. وحنان برضو..
ماجد:امم.كويس..ادعي ليها ي أمي.... (وبقى ماجد بقرا سوره ياسين.. ويستغفر.... شويتين وجات عهد وشهد وحنان....... قعدوا شويه سمعوا صوت البيبي😍......وطلع الدكتور)
ماجد:اها...
الدكتور:مبرووك 🎊ولدت بالسلامه جابت التؤام..
ماجد:وأروى؟!
الدكتور:حاليا كويسه وممكن تشوفا وتتكلم معاها بس ما عندها وقت كتيير....
((طبعا مرام وبناتا.. وحنان. متفأجيئين بالكلام دا.... كيف م عندها وقت كتيير...ونقلوا أروى غرفه تانيه.. ودخل ماجد وشافا. ))
ماجد:أروى😢💔
أروى:حبيبي....
(ومشى عليها وباسا في جبينها💋)
أروى:وينهم اولادنا..
ماجد:في الحضانه
أروى:طيب جيبهم.. لأنو انا م عندي زمن...
(ماجد عيونو دمعوا.... ومشى طلب من الممرضه تجيبهم.. وفعلا جابتهم.. وختتهم في حضن أروى😍.....)
أروى:بشبهوك😅
ماجد:بطلي كذب... لسسه صغار...
أروى:بكره يكبروا... وانت ح تجي وتحكي لي عنهم... وأحكي ليهم عني...
((دخلوا الناس البراا وسلموا على أروى بعد م عرفوا بالثقب العندها.. وانها تحت اي لحظه ممكن تموت😔))
أروى:تسلموا....بس في.. في شي عاوزه اقوولوا قبل م امووت...في سر لازم تعرفيهو كلكم
(ماجد عرف أروى عاوزه تقول شنو.. كان عاوز يتكلم بس هي مسكت يدو)
أروى:الليله م بتقدر تمنعني... لازم اتكلم... خليني اقوول الجوااي لو سمحتا...
ماجد:بس ي أروى...
مرام:انتو مخبين شنو بالظبط...
ماجد:لا ولا شي..
أروى:لا في سر.. وسر لازم تعرفوهوا كلكم....قبل فتره بتتذكروا لمن قلتا ماجد اعتدى علي... (كلهم عاينو لي بعض)...ماجد.. م لمسني
الموجودين:😳😳😳
أروى:ماجد م كان عندو دخل..... انا... (بدت أروى تحكي ليهم اي شي حبها لي غازي.. وعملتو معاها... ورفضوا لي الزواج منها.. وانها كيف ورطت ماجد😔......وكيف ماجد منعها من انها تكلمهم بالحقيقه وكيف وقف جمبها)
مرام:😳....يعني ماجد م اعتدى عليك..
أروى:ااي..ماجد كان راجل معاي...بس انا م بستاهلوا..
((طبعا عهد ومصطفى دموعهم بقت جاريه😭..م مصدقين انهم ظلموا اخوهم... وحنان بقت بتعاين لي أروى بي كل استحقار😒. ))
حنان:ي فاجره.. ي زانيه.. انا عملتا فيك شنو عشان تعملي فيني كدا... (ومشت عليها وكانت ناويه تضربها بس ماجد وقف قدامها.. )
حنان:زح ي ماجد. زح من وشي.. انت لسسه بتدافع عنها بعد العملتو فيك...
ماجد:سامحيها ي خالتوو..
حنان:م بسامحا😭فووق العملتو جات دمرت حياتك... اسامحا كيف... انت ي ولدي سامحني سامحني😭
ماجد:طيب انا ح اسامحك بس بشرط انك تسامحي أروى..
أروى:سامحيني ي أمي😭... حلفتك... انا ح امووت م عايزاك تكوني غضبانه مني😭...
ماجد:سامحيها
..لو عايزاني اسامحك سامحيها..
حنان:انت لسسه بتدافع عنها... سامحتها بس متوريني وشها تاني😠(وطلعت من المستشفى....اما مرام جاات حضنت ولدا)
مرام:انا ..انا ضربتك ي ماجد😭م صدقتا انك ممكن تكون مظلووم😭سامحني ي ولدي سامحني.....
ماجد:العفو ي أمي... عليك الله م تبكي الحصل حصل...
عهد:ماجد انا😭😭(وقامت حضنت أخوها وبدت تبكي)انا كيف قدرتا اكرهك كدا.... كيف😭😭....
مصطفى:انا برضو كيف قدرتا أرفع صوتي عليك😢💔انا اسف
ماجد:خلاص ي عهد و مصطفى حصل خيير... انا م بقدر ازعل من اتنين انا مربيهم..😇.
(وتاني حضنهوا وبقوا ببكوا😭😭😭)
شهد:انا اصلا كنت واثقهه منك
ماجد:وانتي الزيك منو....
((أروى طلبت من أهل ماجد يسامحوها... وماجد كذلك طلب منهم يسامحوها وسامحوها.. ورجعوا البيت وحكوا الحاصل لي كرم.ولي ناس نايله))
كرم:معقوله..معقوله انا ظلمتا ولدي للدرجه دي...
عهد:كلنا ظلمناهو ومااصدقناهو....(اخد كرم تلفونو واتصل ع ماجد.. وبقى بعتذر منو)
ماجد:استغر الله ي حاج.. العفوو.. انا م زعلان منك..
كرم:واحد زي م بستحق ولد زيك.. انا اسف..
ماجد:كدا انت ح تزعلني منك ي ابوي.. العفو م تعتذر انا م زعلان... (وودع ابوهو وقفل الخط... أروى بقت بتعاين لي ماجد جوا عيونو)
ماجد:مالك بتعايني لي كدا..
أروى:انا كدا حاموت وانا مرتاحه لانو شايفه الفرحه في عيونك... كنت عاوز تقتلني بي عذاب الضمير 😒
ماجد:ههه م كدا بس.. بس م كنتا عايزك تصغري في عينهم..
أروى:انت اجمل واحلى وارق وازوق.. راجل في الدنيا... بحبك انا يووخ❤...
ماجد:وانا بحبك.. وبعشقك. ومغرم ومجنون ومتيم بيك😍لأنك غيرتي ماجد العصبي لي ماجد الحنوون...
((بعدين ماجد مسك يد أروى وفتح المصحف.. وبدا يقرأ لي أروى سوره الملك.. بعد م خلصا قرأ ليها سوره ياسين.... ))
أروى:احسنت
ماجد:احسن الله إليك شيخه أروى😅
أروى:م تتضحكني بجيني وجع قلب.. كفايه الفيني...
ممكن تقرب مني شويه
(وقرررب ماجد من أروى )
ماجد:كدا كويس..
((قامت باستو في جبينوو💋))
أروى:انت بتستاهلا.... احترمتني اكتر من اي شي في حياتك. وحبيتني... عارف أحلى حاجه شنو انو انا ح امووت واخر ناس شايفاهم انت واولادك😍...امم سميهم مؤمن..ميار...
ماجد:عيوني...ح اسميهم كدا...
((أروى نفسها بقى بقطع.. وعيونا بدمعوا))
أروى:
*وكم أود الاعتراف انني مغرمه بك ي هذا😉*
((ماجد كان ماسك يدها ولمن سمع منها الجمله دي بقى بيضحك))
أروى:وجنتك تشل💋
ماجد:وانتي كلك ع بعضك بتجيبي الشلل😍
(( أروى ابتسمت لي ماجد وفجأه جررت نفس طوويل... ويدها وقعت من يد ماجد....ماجد عرف انو أروى ماتت بس بقى بعاين ليها ودموووعوا جاريه😔😭 نادا الممرضه واخدت التؤام... بعدين باسا في جبينها وخدها💋وغطا ليها وشها.......................... أروى ماتت😔😔ماجد اخد التؤام البيت وحالتو كانت حاله.. وكلم اهلوا انو أروى ماتت............عملو ليها العزاء وحنان بكت شدييد وكلهم اتأثروا بي موتا حتى امل والزمن داك الاطفال كانوا بيرضعوا صناعي ..........مررت تلاته أيام ع موت أروى ومره ماجد كان قاعد في غرفتو وبتذكر لمن كانت واقفه قدام المرايه وبتعاين لي بطنها.. ولمن كانت بتغسل ليهو وبتجي ملابسا مبلوله وشعرا منكووش.. يقعد يضحك... وتاني يرجع يبكي))
ماجد:اشتقتا ليك ي أروتي😔😢💔
..((مررت 8شعور ع الكلام دا.. وماجد كان لسسه متأثر بي مووت أروى.. وعهد ولدت وجابت بنوتهه سمتها أروى طبعا بس عشان ماجد سمتا كدا..... ماجد كان مجهجه بين شغلوا واولادو.... مرام اجرت ليهم واحده ترضهم لانهم كانوا لسسه صغار.. عهد اتبرعت انها ترضع ميار.. لاكين قالت م بترضع مؤمن نظاام احتمال يتزوج بتي😅.....وفي يووم قررت مرام تفاتحوا في موضوع الزواج))
مرام:طيب انت لي ما ناوي تسمع كلامي وتتزووج
ماجد:أمي الموضوع دا اتكلمنا فيهو....انا م عاوز اتزووج...
مرام:بس اولادك محتاجين لي ام..
ماجد:انا امهم وابوهم... تماام.. م تفتحي لي الموضوع دا تاني ي امي.. بعد اذنك...
((مرات كتييره كان ماجد بياخد اولادوا ويوديهم لي شهد.. طبعا بتنبسط بيهم شدييد... وبتلعبهم النهار كلوو واخر اليووم يجي يشيلهم......أمل لمن عرفت انو مافي أمل ليها مع ماجد... اتقدم ليها عريس. ووافقت عليهو وسافرت استقرت في كندا....بس حبها لي ماجد م مات خاالص............مررت7سنوات ع الكلام دا.. ومحمد اتقدم لي تنزيل.. واهلها رحبوا بيهو ووافقوا... وكذلك مصطفى اتقدم لي أبرار... واتزوجوا الاتنين في يووم واحد🎊🎊🎉🎉🎉عرسهم كان خنفشااااااااري ومبااالغه... ماجد لبس بدله كحليه.. ولبس مؤمن نفس الشي.. واشترى لي ميار فستان فووشي فيهو كحلي.. ووداها الكوفير😂جادي طبعا.. طبعا شعرا كان زي شعر أروى طويل وناعم بس وداها عملوا ليها تسرييحه كدا رهييبه.❤. وكان حالق لي مؤمن نيمار😅....العرس كان رهيييب بمعنى الكلمة❤.رجعوا شهد وأحمد البيت...))
أحمد:عرسهم كان ظابط
شهد:لالا م زي عريسنا انا وانت..
أحمد:لا عرسنا دا قصه براهو😍 بالمناسبة انا بحبك ي ام وجنات❤
((شهد حضنت أحمد ))
شهد:وانا بموووت فيك😍
أحمد:مرت كذا سنه ع زواجنا ولسسه حضنك زي ما هو بخنق بس حلووو❤😂
((بعد الحفله.... ماجد طبعا بنووم ميار ومؤمن معاهو في الغرفه..كان مرقدهم في حضنو))
مؤمن:ي بابا
ماجد:اها...
مؤمن:عرس عمو محمد وعمو مصطفى كان رهييب.. انا وأروى ح نعمل عرسنا زيهم..
ماجد:ههه حجزتها خلاص😅
ميار:وانا ح اتزوج منو ي بابا😢
ماجد:عان التانيه😅انتي حبيبت ابووك خليك معاي م تتزوجي..
ميار:لالا ي بابا انا عاوزه اتزووج عشان اجيب اولاد بشبهوك وبشبهو ماما..بكره ح نمشي لي ماما شهد صاح انت وعدتنا
ماجد:وانا عند وعدي بكره من الصبااح ح نمشي ليها
مؤمن:ااي نمشي لي ماما شهد.. كدا انسوا اسي تعالوا نقرى الفاتحه ع رووح ماما..
ميار:هي الليله نسينا
ماجد:ااي شغلتكم الحفله😅يلاا سرييع غمضوا عيونكم وافتحوا يدينكم
ومؤمن وميار(فعلا غمضوا عيونهم وفتحوا يدينهم):يلا..بسم الله الرحمن الرحيم......
((ماجد كان بعاين ليهم وببتسم واخد صوره أروى وقال ليها بصووت واطي))
ماجد:بحبك ومجنون بيك❤((حسا وكانها ح ترد عليهو وتقوول ليهو👇🏻))
*وگم أود الإعتراف أنني مغرمة بك ي هذا😉*
تمت بحمد لله🎀
*نصيحه*
_م تثقي ليك في ولد.. وتسلميهو شرفك.. لانك ح تندمي.. وم ح تلقي واحد زي ماجد عشان يستر عليك😉
_لوو واحد بحبك فعلا م ح يطلب منك طلب زي الطلبوا غازي من أروى😇
_ولوو بتحبي حب من طرف واحد.. والطرف التاني م حساا بيك.. او ما كان حامل نفس المشاعر اتجاهك كملي حيااتك.. مع انها صعبه وانا عارفه بس حاولي لانو الحياه م بتقيف عند زووول
_م تخلي حاجهه تكسرك وم يكون الحب هو نقطه ضعفك.. وحااولي تكوني مالكه قرارك في يدك.
_واخييرا الحب م استغلال...الحب قرار😇
.
