اغتصاب الطفوله

البارت الاول (طفله)

هلوو اسمي شذى  عمري ٣٠سنه اكتبلكم قصتي واني بهاذ العمرر لان الدنيا علمتني اهواي  والحياة مدرسه بس المشكله انو اني افتقد طفولتي حته واني بهاذ العمرر اريد اروح العب واركض واركب مراجيح واطلع كلي الي نفسي بي ومسويته من واني اصغيرر

ابدي بسم الله
بيوم من الايام واني دالعب ويه صديقاتي  واكمز جنت بيهه صف ثالث ابتدائي يعني عمري٩ سنوات نلعب توكي اني ومنى واسيل
اسيل من عمري وياي بنفس الرحله وبيتهم يم بيتنه وهيه الصديقه المقربه اليه  يعني بين قوسين ويه النفس
اما منى فهاذي بعلاقتنه اني واسيل تكملت عدد لان كلش غثيثه ولزكه بكلشي حاشره روحهه بس احنه ننقهر عليهه لان ماعدهه غيرنه

دنلعب ومنى فتحت موضوع اكلجن سمعت اختي الجبيره اتكول لاامي اريد سانتي شنو يعني سانتي  اتعرفنه لو لا
عاد اني ضحكت كلتلهه وانتي ليش تردين اتعرفي. كالت لان من سمعتهن سئلتهن وماحجن كالن اتكبرين واتعرفين وضلت ابالي الشغله
شذى. اني هسه اكولج السانتي حفاضات شفت الجيس مالتهن بالزباله وسئلت ماما وهم مجاوبتني بعدين رحت راقبت عمتي طلعت تستعملهن بس ماعرف لشنوو يمكن ايبولن ع روحن 
اسيل. ايجوز بعدين شعلينه  بهاي الشغلات عوفينه نلعب منى

راحت احله ايام واجتي ايام واجتنه منى تركض 
شذى، ها منى اشبيج
منى، عرفتلجن الحفاضات لشنووو وين يستعملوهن
اسيل، خرب عقلج بعدج تتذكرين السالفه
منى، اشلون انساهه هسه اسولف لو اتضلن تحجن انتن
شذى، سولفي عيني  سولفي
منى، غير سمعت اختي هدى اتسولف لصديقتهه اتكلهه اجتج اني  اجتني  اريدج تجين اتصبغين  اضافري  واسولفج عليهه  مدام ماعندي صلاة

عاد صدق اجتي صديقة هدى وكعدن ايسولفن
اي اشلون اجتج الدوره
هدى هذاك اليوم كاعده العب حبل ومااحس اله شي. نزل
رحت للحمام لكيته دم اخترعت رحت لاامي  كلت الهه شو كامت اتهلهل وكالتلي ماما هسه انتي كبرتي هاي اسمهه دوره او حيض تجيج ايام معدوده ومن تجيج لازم اتكطعين صلاتج لان هيه تعتبر نجاسه واتحسبن اشكد اجتج ٤ ايام ٥ او اكثرر حسب ومن اتكملين منهه اتسبحين غسل الحيض فهمتي بنتي اي صارر ماما  وهاي اني كدامج صارلي ٣ ايام  بس بطني وجعتني بالبدايه لان اكلت طرشي عاد ماما كالت بعد لتاكلين اي حامض واني كاعد اطبق كلامهه

صديقة هدى هنيالج اجتج لعد اني اشوكت تجيني علمود مااصلي
شذى، يعني طلعت هاي الي ايلبسن حفاضه علمودهه اسمهه دوره
منى، اي
اسيل، اني اخاف من الدم انشالله متجيني من اكبرر
شذى، كافي بنات لعبت نفسي
واكفين  بلباب ونزلوو يمنه جيران جدد
وكفت سيارتهم  ونزل الاب والام ووياهم ولد بكدنه
امه شافتنه انباوع صاحتنه يبنات تعالوو
شذى، صار خاله
رحنالهه وسلمت علينه اشلونكم اني جارتكم ام محمد  الجديد رايد مساعدتكم محمد ضايج لان انتقلنه من منطقتنه القديمه وترك اصدقائه اريدجن اتحاجنه
اسيل، صار خاله
شذى، اشلونك ياولد
محمد، زين ايكولهه وهوه ضايج واعيونه حمرر من البجي
اسيل، بس انته امبين ضايج موزين
منى، يمعوده اسيل اشبيج دباوعيله  اشلون حباب
شذى، عرفنه بنفسك
محمد، اني محمد وهذولي امي وابويه اني ابنهم الوحيد المدلل
ضايج لان انتقلنه وعفنه بيتنه  بس من حاجيتني حسيت هاي المنطقه حلوو وراح احبهه مثل منطقتنه القديمه
شذى، اهلا وسهلا بيك
احنه شذى واسيل ومنى بمدرسه وحده واجوارين من زمان  وصديقات من الاول ابتدائي لحد هسه
محمد، عبالي انتن اخوات
اسيل، لا بس دائمن ايكولونه اخوات
منى، بنات يله نرجع للبيت اخاف ابويه يجي ميقبل اطلع
شذى واسيل يلا انروح  مع السلامه محمد نلتقي باجرر
رجعنه  للبيت سوه
  ثاني يوم داومنه للمدرسه لكينه اهل محمد بالمدرسه شافونه واحنه من فضولنه اجينه عليهم سئلتهم اني هلوو خاله جايين اتسجلون محمد 
ام محمد، اي خاله  ياريت اتديرين بالج عليه شذاوي حبيبتي تره ميندل ولا يعرف احد اهناا.
شذى صار خاله تدللين
داوم محمد اول يوم بلمدرسه وجان كلش ضايج. وايريد بس يرجع للبيت.  الولد ايعيبون عليه  لان يمشي ويانه ايصيحوله ابو البنات
اتعاركت وياهم علمود ايسكتون وميحاجوو
خلص الدوام ورجعنه ومحمد ايسولف عن اهله والبيت والمنطقه مالتهم القديمه واني صافنه بوجهه وسرحانه
وصلته لبيتهم ورجعت للبيت اني والبنات
ثاني يوم اسيل اخذت اجازه لان طلع بيهه نكاف ومنى اتخاف ع روحه تنعدي من المدرسه هم غابت
داومنه اني ومحمد لمدة ٣ ايام انروح ونرجع سوه ونلعب بالساحه وناكل ونشتري خلال ايام اني نسيت اسيل ومنى حياتي كلهه صارت محمد محمد راح محمد اجه محمد حباب بلبيت وبالمدرسه وبالشارع كل اسوالفي عن محمد 
ومحمد نفس  السوالف ايسولف لااهله عني
مرت ١٠ ايام  وداومن البنات  نسيت اكلكم منى صار بيهه نكاف ثاني يوم من غابت طلع بيهه ومتدري  اي من داومن اسيل ومنى اتفاجئن بعلاقي ب محمد كمت احبه بدون مااحس. والله ع اسم محمد من ايمر ع بالي انصطرر
امتحنه نصف السنه وخلصت الامتحانات واني يوم عن يوم اتعلق ب محمد اكثرر  ومحمد  ميمر يوم اذا ميكولي شذى اشلونج ويكعد وياي ايسولف
خلصت الامتحانات وبدت العطله مالت نصف السنه
وقررو اهل محمد يروح سفره لااقاربهم بالبصره  ٨ ايم وايرجعون  اجاني محمد
محمد، هلو شذى اشلونج
شذى، هلو محمد الحمد لله وانته
محمد اني زين اجيت اكولج شي بس لتضوجين
شذى، كول شكوو خيرر
محمد، راح انسافر اني وبابا وماما للبصر ٨ ايم ونرجع
شذى، لا محمد لتروح حباب   اتعودت اسولف وياك احنه مو اصدقاء
محمد، مااكدر شذى اهلي يرحون وين ابقه اني
شذى، يله روح باي باي  اني حروح للبيت 
رجعت للبيت وضايجه اشلون راح ايروح وايعوفني واني اتعلمت العب وياه يوميه
راحوو للبصرر واول يوم جان كلش صعب عليه لاالعب ولااكل لان كلش ضايجه. اجتني اسيل اتصيح يله شذى كومي نلعب حبل بالشارع منى منتضرتنه
شذى، مااريد  العب
اسيل، اذا ماكمتي والله ازعل عليج
شذى، يله ميخالف
رحنه ولكيت منى. لازمه الحبل شافتني ضايجه جان اتكلي ها شذى ليش ضايجه علمود محمد ابو البنات
شذى، وانتي شعليج  بي ليش تحجين عليه
منى، خلي ايولي الوصخ كاتله روحج عليه اشبيج
شذى، منى اذا تحجين شي ع محمد بعد اضربج 
منى، ابو البنات ابو الصخ
اسيل، اشبيجن اتخبلتن  منى انتي ليش تحجين ع الول شمسويلج هوه
منى، ها اسيل انتي هم اتحبي مو عيب اسيل اتحب محمد وشذى اتحب محمد ميتزوجن
اسيل، ولج منى شنو هل حجي
شذى، اني اعلمج منى  لزمت احجاره وضربت منى براسهه
وانشكت كصتهه وطلع منهه دم شفتهه هيج واتخربطت
اسيل راح صاحت ع اهلنه   امي ضمدت راس منى وابويه اجه غسل وجهي وكومونه اجوي اهل منى كامت امهه اتصيح واتريد تتعارك ويه اهلي  لحد مااجه ابوو منى كالهه يله كافي اعتذروو اهلي من اهلهه واني بستهه
وبلليل رحت اني واهل اخذت علبه جوكليت وسلمت عليه وسئلوو سبب العركه شنوو فمنى كالت اني غلطت ع شذى وشذى ضاجت وضربتني 
ابو شذى انشالله طاح الحطب وااتصالحتوو
شذى، اي بابا
منى، اي عموو

مرت ٥ ايام على غياب محمد واني كلش مشتاقتله ومن احد يذكره يمي اضوج
وبليل اكعد ابجي عليه لحد ماانام
كعدت الصبح واتريكت ويه اهلي  ورحت للمحل اشتري
وشفت اسيل اتصيح وسيارات هواي جايات بشارعنه يارب دخيلك

#اغتصاب الطفوله انتهى البارت الاول  تأليف زينب