اغتصاب الطفوله

البارت الخامس (اجمل المصادفات )

واحنه راجعين من الزياره صار بينه حادث انكلبت السياره امي صار عدهه نزيف ابراسهه واتوفت  وابويه انضرب كدامات خفيفه  واني واخواني مابينه شي

ناس بالشارع همه الي شالونه ودونه للمستشفى
ورجعنه للبيت وبيت جدوو سوو العزه وقامو بالواجب واحنه متنه ع ماما منعرف شنسوي جانت اكبر فاجعه بالنسبه النه  وبالفاتحه اجوي اهوايه من الناس ومن ضمهم بنت خالت امي ووياهه ابنهه من عمري هم عمره ١٤ سنه اسمه هشام. هشام  جان يوميه كلما تخلص الفاتحه يكعد ايصبرني وايسولف وياه واني اشوف اخواني يبجون واضل بس ابجي اكوله احنه اصغار بعدنه متحتاجين اُمنه ايكولي ميخالف هاذا امر. رب العالمين هسه انتي امهم شلون يحجي حلوو وكلامه ايطمئن القلب كلش ارتاحيتله وحسيته هوه هم ارتاحلي
ام هشام منفصله من زوجهه بسب اهله ميردوهه وعدهه بس هشام  بس زوجهه كلش ايحبهه ومتعلق بيهه سووله سحر علمود يكرهه واي عوفهه  ومن وره اهلهه اتخبل  وودو للمصحه ومن اكتشفو اهله خال بيت بااسم ابنه اتخبلت امه واجتي عاركت خاله ام هشام وسوت هوسه  وخاله بقت كاعده ابيتهه هيه واخوهه الصغير بس من سمعت امي اتوفت اجتي علمود اتدير بالهه علينه لان محد النه  وبيبي ام امي جبيره متتحمل  هوسه 
بقينه فتره ابيت جدو اهل ماما وره العزه هيه وهشام لان بيت خالتهه مرت  عشر ايام. ورجعنه احنه البيتنه  ويوميه وحده من نسوان عمامي تجي اتسويلنه غده وانضف اني وياهن ويرحن
وبيبي كالت تعالوو يمنه بس مقبل بابا كال اريد ابقه ابيتي مااكدر اطلع منه
رجعت خاله ام هشام البيتهه
ضليت اني اشتغل بالبيت وشلت نص المسؤليه
وطلعت اربعين ماما وره الاربعين سمعت بيبي اتكول البابا متتزوج  شمنتضر جهالك ازغار وانته بعد شاب اتزوج بعد الماتت الله يرحمه

من سمعت بيبي هيج كالت عشت لحضه صمت  كرهتهم كولهم اشلون اتكول الابويه اتزوج وامي نسيتوهه اشجانت الكم مو حرام عليكم ويدور هاذا الحجي بمخي واني ابجي  ومااعرف شسوي

رحنه يوم يم خاله ام هشام. وكعد فتحت صندوق قلبي لهشام وكتله يردون بابا يتزوج ومندري شراح ايجيبولنه مرت اب
وشتسوي بينه.
هشام كال لاايجوز خوش امريه واتدير بالهه عليكم
اني،،، منو كال خوش امريه  لو ميت بابا ولا ماما
هشام،، لتكولين هيج لو ميت ابوج وامج موجوده جان هم اتزوجت  هسه مو امي يحجون عليهه ايكولولهه اتزوجي  واسمعهه تبجي واتكولهم مااتزوج اريد اربي ابني

اني،،، ضليت اسولف ويه هشام واخواني يم امه سوت الهم كيكه بالمطبخ ولعبتهم

اجه بابا ايرد ياخذنه وطلعته خاله  وهوه ضل مثل الصافن بوجهه وهيه ابتسمت ابتسامه خفيفه
وكالتله هاي الكيكه الكم كالو الجهال انته اتحب الكيك
اخذهه وكلهه شكرا تعبناج رحنه بطريقنه للبيت كال بابا امشو لبيت جدكم  عندي شغله  هناك وانوب نرجع للبيت كلناله ميخالف
واحنه ابيت جدوو فاتح بيبي بموضوع كال الهه اريد اتزوج كالتله منو كال الهه انتصار ام هشام
بيبي كالتله شنوو.
كال الهه والله عجبتني ودايره بالهه ع جهالي وهيه نعرفهه من زمان  وهيه محتاجه رجال بحياتهه واني محتاجهه بحياتي 
بيبي،،، يمه هاي بت خالت  المرحومه خاف متقبل
بابا،، روحي واسئليهه وانوب كولي تقبل لو لا 

اني ماحجيت اسمع بالحجي طلعت وكمت ابجي اجتي مرت عمي اتسكت بيه  كلتلهه ليش يتزوج ع امي مو احنه خطيه
كالت يتزوج علمودكم علمود ترتاحون ليش ضالين تفترون من بيت البيت.
تجي تهتم بيكم  وبحياتكم هيه صح مو مثل امكم بس هم راح اتحبكم لان عدهه ولد  وتعرف شنو احساس  الام
لتخافين احنه كولنه وياكم وهيه خوش انسانه

طبعا اني ضليت  زعلانه وضايجه 
لحد ما راحت بيبي لبيت خاله ام هشام

انتهه هذا البارت والتكمله ع البارت الجاي