راح احجيلكم
قصتي واخليكم اتعيشون باأدق تفاصيلهه
سعاد،، طالبة كليه قسم داخلي بمحافظة بغداد
اهلي عايشين بالبصره. وياي راح اتشوفون حياتي بمرحلتين المرر والحلوو
وابديلكم بالمرر
جنت بالبصره عايشه ويه اهلي ابيت جدي. امي وابويه
وياي وعمامي ٣ اثنين متزوجين واحد بعده
تسلسل عمامي الاول عمو محمد والثاني ابويه احمد وعموو رائد الثالث وعمو فارس الاخير بزر الكعده ممتزوج
عاشت امي مئساة ويه بيت جدي لحد مالله فرجهه عليهه وطلعت منهم جهال ومشاكل وعرك
وهوسه واني كلش وكيحه ماخلي احد ايحاجي اخواني.
لان اني الكبيره مالتهم اخواني.
سجاد وحيدرر
وغلا اخر العنقود.
تسلسلنه اني وسجاد وحيدر وغلا البنبونيه مالتنه
طلعنه ابيتنه الجديد وفرحانين بغرفنه وحريتنه انام ونكعد وناكل ونشرب. وسمنه وصرنه حلوين
جنت اني بالمتوسطه من طلعنه صف ثاني متوسط
وسجاد اول متوسط وحيدر خامس ابتدائي
غلا صف ثاني ابتدائي
امي كلش امدللتنه. تهمل نفسهه في سبيل احنه نرتاح
واني احس بيهه وانقهر عليهه بس مابيدي شي اسوي الهه
بابا بالدوام جندي داومه ٣ ايام بالدوام ويومين يمنه
بس مرتاحين الحمد لله راتب ابويه ٩٠٠ الف بس مكفي عيشتنه من طلعنه من بيت جدوو كلش ارتاحينه حته مصرفنه اتنضم وكمت اشوف امي ويه الايام تهتم بنفسهه اشويه اشويه واحنه فرحانين بهاذ التغييرات
بابا سوالنه خط بسيارت صديقه ميثم كل شهر ينطي ١٥٠ الف
عمو ميثم صديق بابا ايام المدرسه حالته تعبانه يشتغل بالتكسي مالته خطيه واخته متزوجه وبيتهه يم 🏡 بيته معايفته وهوه ع الله وع التكسي
وايدزبابا لجدو وبيبي ١٠٠ الف كل واحد ٥٠ مصرف الهم و٣٠٠ مصرف البيت
والباقي اله والنه من انريد شي ميقصرر
بابا كلش ايحبنه وايطلعنه ومرت الايام وجمع افلوس واخذ قرض ع راتبه واشتره سياره ع كدنه ومرتاحين
و كل جمعه انروح البيت جدوو ونلتم ونتغده ونتعشه يمهم
فديوم من الايام واني داا اغسل ايديناتي سمعت عمي فارس ايخابرر ايكول مو اكلج اني احبج والله اذا ماصرتي اليه اكلب الدنيا ع روسهم وهاذ ابن عمج اكتلهه واذبه بجيس ازباله اباب اهله لتخبلوني انتي ارفضي ومعليج
اني من سمعته خفت ومن الخوف بطني كامت توجني معقوله عموو فارس يكتل
اتخربطت من الخوف
اجه غسل وجهي وسالني وداني لماما
كال اشبيج عموو حبيتي
امي كالت اشبيج ولج احجي
كتله عمو صدك اتريد تكتل الرجال لا عمو لتسويهه حباب
عاد بابا كال يارجال شنو تكتل
ماما كلتله اشبيك فارس
خير اشصايرر
فارس،، يمعودين والله ماكو شي بس ع كيفكم ويايه
عاد عموو محمد كاله سولف خلي نفتهم لعد
فارس،، اني مو احب مريم بنت ابوو علي اجوارينه
اريد اخطبهه حاجيتهه ورحت احاجي ابوهه كال هله بيكم عمو جيب اهلك وتعال وايصير خيرر
اني فرحت وكلت من ننجمع بالجمعه اطرح الموضوع ع ابويه واخواني واشوفهم شيكولون اني شغل وعندي وافلوس الحمد لله المحل مال ملابس شغال
جدي وبيبي كيفوو خاصه مريم ايعرفوهه وبنت منطقتنه وطفولتهه يم بيت جدوو وكدام اعيونهم
امي ونسوان عمامي باركنله وكالن بااجر انروح الهم
فارس،، مو هيه اهنا المشكله
خابرتني مريم اتكول ابن عمي من سمع اتعارك ويه اهله ايكلهم اني اريدهه وابو جاي ع ابوهه وصاير هوسه ابيتم واخاف انروح ومينطونياهه
بيبي،، يمه فروسي كول يالله انشالله ايقبلون باجر سبت عطله واخوانك موجودين وانروح كلنه سوه ونطلبهه
والله ايقدم البي خيرر
#الكاتبه زينب محمد
ملاحضه تره اني اتقصدت اكتب القصه هاذي ويه القصه القبلهه لان مثل منوهت كل قصه عشر بارتات وتنتهي وتبدي وحده لخ
أنت تقرأ
اغتصاب الطفوله
Short Storyيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
