ام محمد استائت حالتهه واخذوهه اهلي للطبيب وطلع بيهه مرض خبيث ولازم تتعالج بالهند بااسرع وقت ويردون افلوس اهواي للعمليه من طش الخبرر وسمعوو عمام محمد كالو دبرنه ٥ ملايين ومتكفي لازم انبيع البيت مالتهم ام محمد كالت اني مااريد اموت بعيد عن ام شذى هيه بمقام اختي واتعودت عليه ومااريد اروح لعيالي محد الي اهناك
صدك نسيت اكلكم اخوهه ابو خالد طالع بالمانيا فمتكدر اتروحله هوه جان الملجاء الوحيد الهه ولاتكدر اتروح يم عمام محمد تستحي منهم لان معاشت وياهم بكد ما عاشت ويانه
اجوي عمام محمد وباعوو البيت وواخذوهه للهند سوولهه العمليه واستئصلوو جزء من الورم واجه اليوم الي رجعت بي من الهند
امي، كلللللللللللللللللللللللللللللللللوش الحمدلله على سلالمتج ام حمودي احبيبيه
ام محمد، الله ايسلمج ام شذى انشالله اني ماتعبكم وياي الدكتور كال شهرين واموت بس ديري بالج ع محمد
ام شذى، كولي يالله ام محمد العمليه نجحت والاعمار بيد الله لتحجين هيج كدام محمد تره مات قهرر من رحتي للهند خطيه
وانوب هوه يبجي وشذى تبجي وياه
ام محمد، ام شذى خاف اموت وصيتي الج شذى لمحمد تره بدونهه ميكدر ايعيش كلش ايحبهه اذا الله انطاني عمرو اني ازوجه واذا اني متت بعد هوه ابنكم وتكاليف زواجه موجوده
ام شذى، انشالله الله ايشافيج وايعافيج واتزوجي واتطشين جكليت عليه بيدج
ام محمد، انشالله
شذى، السلام عليكم الحمد ع السلامه خاله
ام محمد، الله ايسلمج محمد وين
شذى، خاله محمد راح للكاضم ويه بابا يدعيلج وايجبلج حلاوه رمليه كال اني اتحبهه
سمعت ام محمد وكامت تبجي وكالت سوده عليه يايمه لا شفت ابوك ولاكملت عمرك ويه امك
شذى ، اجه محمد وبابا
محمد، يمه اشلونج اشلون صرتي
ام محمد، يابعد امك وقلبهه زينه من شفت وجهك
كامو يبجون واني وامي كمنه نبجي.
طبعا بابا كال اتفرغون الصاله لاام محمد ومحمد وجبنالهم جرابي واحنه اخذنه غراضه بالطابق الفوك علمود منضايقهه وهيه تسحتي من بابا ٢٤ امي يمهه لان ماعدهه احد ابو خالد اخوهه راح لالمانيا هوه وعائلته واخته بلسويد من زمان متسئل عليهه ولااتشوفهه من قبل لتتزوج ابو محمد
اجوي اجوارينه واجوي بنات خالهه واقاربهه علمود اتغيرر جو وتنسهه المرض وامي كل مره اتطلعهه وياهه بس هيه ابد متحسنت وره العمليه بقت ينطوهه كمياوي ويوميه تذبل اكثر واكثرر حته محمد ايكلي امي مكاعد اتطيب ليش
شذى اذا امي اتموت اتضلين بس انتي الي وبعد مااتحمل ايصير شي بعد بالناس الي احبهم قلبي ميتحمل
ومرت ع صراع ام محمد ويه المرض ٤ اشهرر وصار عيد ميلاد محمد واصررت انوو اتسوي حفله لامحمد واتصور الحفله عبالك تدري بروحهه مراح تبقه لمحمد وحبت اتبقيله ذكرى وسوتله عيد ميلاد وكان اسوء عيد ميلاد ل محمد واسوء عيد ميلاد اشوفه بحياتي لان صار عباره عن بجي وادموع واالم وام محمد جانت كاعده ع الكرسي المتحرك وشعرهه واكع وكلش تعبانه متكدر. تتحرك ولا تحجي وصورنه لعيد ميلاد وخليناهه تضحك هيه ومحمد علمود التصويرر كملنه تصوير واخذت الكامره كالت اريدهه اشويه بينماا انتوو اتكعدون اتسولفون وصاحتني وياهه كالت اريدج اتساعديني انجيب هدية محمد رحت وياهه وطلعت الهديه كالت صوريهه جايبه ل محمد تلفون وخاله بي صورهم العائليه القديمه موصيه عم محمد ايسويهن الهه صور زوججهه وصورهه اريد اطلع من غرفتهه وكالتي تعاي شذى
كلتلهه ها خاله كالت كعدي الكامره ع الشباك وشغليهه تسجيل وروحي ودي الهديه واني ربع ساعه واجي
صدك شغلت الكامره وقبل لااطلع كالت هاذي جنتي شذووو اني ضحكت وطلعت بس هيه تعبانه بلكوه تحجي طلعت من غرفتهه وره ربع ساعه وطلعت الكامره وكالت لاابوي هاي الكامره امانه عندك من اموت اتشغلوهه واتشوفوهه بوجود محمد ومحمد عدكم امانه حاله حال حسين كالت الهه امي صلي ع النبي ام محمد شنو هل حجي عمرج طويل انشالله
ونضفنه وكملنه ورحنه انام ومحمد راح يم امه
طلع الفجرر ونزلت امي اتصلي واتشوف ام محمد ولكتهه لازمه القرآن ولابسه ملابس الصلاة وونايمه ع جربايتهه وميته امي مرادت اتخوف محمد كالته روح كعدك عمك ابو شذى خلي يجيني اني سمعت صوت محمد ع الدرج فحطان ويبجي تقريباً الساعه ب٦ الصبح
محمد، عمووو عموو عمووو اكعد امي ماتت
شذى، اشبيك محمد تبجي شذى امي ماتت اني عرفتهه راح اتموت
نزلنه نبجي
بعد مااكدر اكمل هاذ البارت باجر اكمله لان انقهرت
أنت تقرأ
اغتصاب الطفوله
Short Storyيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
