صدمة رائد ودهشته من سئلته عن زوجته خلتني بحيره اشبي معقوله طلقهه بس بهل سرعه صارله سنه تقريبا من سمعت هوه خطبهه
بين عقلي الي كاعد ايحلل وقلبي الي شبه الفرحان وبنفس الوقت مكسور 💔
حجه رائد وكال تره اني ممتزوج
باوعت ع سولاف صديقتي وكتله سولاف كالت انته خطبت بيوم التخرج كلت هسه اكيد اتزوجت ع العموم موفق بحياتك
سولاف متكدر اتباوع بعيونه احسهه مثل المكسوره عينهه
ونطت من مكانهه وكالتله الله يعوضك بغيرهه اكيد فصخت
رائد..... سولاف اني لخاطب ولا متزوج 😡
اني افكر واحجي بداخلي وقاطعني وكال ليلى رايد خدمه من ابوج ولواتصير زحمه عليكم
ليلى... لا تدلل بس كون يكدر بابا ايسويهه
رائد... انشالله بعلاقاته يكدر ايكملهه اليه
ردت افتهم شنو فلم رائد خاصه بحلكه حجي ومكدر يحجي من وره البنات وسولاف شمسويه وياه
انطيته رقمي وكتله هاذا رقم الوالد باي وقت اتخابر موجود
اخذت التلفون منه سجلت الرقم وكتبت عليه لي لي علمود يفتهم رقمي مو رقم بابا. اول خطوه جريئه بحياتي احس سويت ذنب عقلي ايكول عيب وقلبي ايكول عفيه عليج
اخذ الرقم وكال مع السلامه واني هم جاوبته الله وياك
رجعت للبيت والساعه ب10بلليل دك التلفون
اني.... الو
رائد... الو السلام عليكم اشلونج لي لي لو ليلى اكولج
اني... وعليكم السلام اهلا وسهلا بيك رائد هههه
بلبيت ايدلعوني لي لي والميعرف الدلع ايكول ليلى
رائد.... ههههه اني حبيت لي لي
بس حلوه منج من مطيتني رقمج
اشمدريج اني اريدج الج بهاذي الخدمه مو ابوج
اني .... حسيت عندك حجي من واكفات البنات ومحجيته كلت انطي رقمي وافتهم شنو الاني ماادري بي وراهه انطي رقم بابا ايكمل شغلته
رائد... ليلى اني معجب بيج واحبج ليش مرديتي عليه بحفلة التخرج جنت منتضرج ع احر من الجمرر.
اني.... رائد ع كيفك وحده وحده معجب بيه افتهمتهه بس مرديت عليك شنو قصدك
رائد... اسمعي ليلى اني من اول سنه شفتج دخلتي قلبي بس ضروفي منعتني اتقدملج وبحفلة التخرج وبعد ماقلبي انشلع كتبتلج ورقه لان مااكدر اصارحج وجه بوجه اخاف اتصديني واعترفتلج بيهه ودزيتهه بيد سولاف علمود اترجعيلي جوابج
اني.... اوكف رائد يااورقه يااعتراف سولاف مجابتلي اي شي بالتخرج بس جابتلي خبرر خطوبتك كالت اليوم يخطب واهله مسويله حفله تخرج وخطوبه. صح ضجت بس كلتلهه الله يوفقه
رائد... ليش ضجتي وانتي باايدج مشككه الورقه ومقابله تقريهه
اني... والله مواصلتني اي ورقه
رائد... كتبتلج بالورقه اني معجب بيج ومجايج ع طمع الله شاهد رايدج مرتي وحلالي اريد اتقدملج اذا قبلتي اني انتضر جوابج بيد سولاف واذا مقبلتي اسكتي ولتكولين اي شي علمود مينكسر قلبي بسببج وايضل كلامج اياذيني برفضج اليه اتمنه اتفرحيني
اخذت الورقه سولاف واجتي ثاني يوم كالت ليلى ماقبلت تقره الورقه اصلا وشككتهه كدامي وكالت عوفي رائد عليه ولتكوليله اي شي
صراحه اني من كالتلي سولاف خفت وكلت بصلطة ابوهه ايشمروني وره الشمس مااريد اجازف بحياتي واهلي يتأذون بسببي
بس هسه من شفتج سلمتي عليه عادي ولا كئنو صاير شي رجع قلبي ايدك وانطيتيني امل اصارحج بدون مااخاف واسمع ردج باذاني بدون ميتدخل بينه احدد
ليلى ليش ساكته كاعد اتسمعيني
ليلى احجي بيج شي
اني... انته شكاعد تحجي وحجيت اني مدااصدك سولاف هيج اتسوي بيه ليش وهيه تدري اني معجبه بيك
رائد... ليلى اني بعدني ع كلامي ورايدج وشاريج
واريد اتقدملج والج مهله اتفكرين واي شي تردين اتعرفي عني اسئليني
وهاذا اني رائد محمد اشتغل بمطعم بالمنصور وهوه المطعم نصه اليه اني وصديقي شراكه
اهلي بركبتي ومااكد اعوفهم الاي سبب امي وابويه وخوات اثنين واخ واحد اصغر مني
هاذا كلي اليخص حياتي. والج القرار
مع انتهاء هاذا البارت نلتقي غداً
أنت تقرأ
اغتصاب الطفوله
Short Storyيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
