داومت واتعرفت على بنات وياي بالسكن زينب وزهراء زينات وياي بس زينب وكحه عدهه علاقات وهيج اسوالف وولد فااتجنب افتح وياهه مواضيع اتخصني اني وهشام حجيي عن هشام رسمي اخاف عليه ومااتطرق لااهلي بس من اتذكر امي الله يرحمهه واسولف الهم عليهه ايواسوني ويبجون لان همه امهاتهم بعيدات عنهم داومنه ودراسه وتعب واشتياق لااهلنه قررنه بهاذي الجمعه من الاسبوع السادس النه بغداد انو نطلع اصدقاء هشام واحنه البنات الي بالسكن كونه كروب وطلعنه للجزيره اخذنه اكلنه وااجرنه سياره ورحنه اني سويت الهم تكه دجاج هشام كلش عاجبته وبس يمدح بيهه كدام اصدقائه ايكلهم اطيب تكه اليوم راح اتضوكون واصدقائه ايضحكون ايكولوله ع كيفك ويانه نسيت اكولكم اصدقائه ثائر وحيدر ومضفر وياه بالسكن كلشي مسولف الهم عن حياته وعلاقتي وياه اي والبنات سون زلاطه ومقبلات وهمه عود مسوين جدر برياني خاله ام هشام معلمتهم
طبعا وضعية الولد من ايطبخون وحدهم كلش اتقهر كلشي ميعرفون اني اضوج عليهم بس مالحك اسويلهم اكل خاصه المصرف يادوب ايكفي بابا كلماانروح نلكاه عايف النه مصرف وهشام قطعو تقاعد ابوو لان بلغ السن القانوني المهم شوينه التكه وعجبتهم كلش وصبينه البرياني وياريتنه مااكلناا مالح وتمنهم ممستوي كلش مطيب لعبنه كرة ⚽ قدم وغيرنه جوو للعصر ورجعنه لان الي يتاخر ميدخلو للسكن خاصه البنات اني هشام ايرجعني بعقد الزواج اذا قررنه نطلع بلليل.
المهم خابرت خاله ام هشام عليه كالت اشبيج هشام يشكي منج ايكول متغيره عليه وحته متسولف ويايه صايره بارده عبالك متحبني
كتله لايمه اتموت عليك لتكول هيج بس هيه تعبانه من الدراسه كلتلهه اي والله خاله احبه ومتغير شي بس تعبانه ومشتاقه الكم انشالله بس هل فتره ونرجع مثل قبل بس اتعود ع الوضع واذا ع هشام اني اخابره هسه
خاله اليوم شفت هشام اخذ زينب ع صفحه وحاجاهه بس مااعرف شيريد ومسئلته ماانطيت اهميه للموضوع
ام هشام،، اي خاله هوه ايحبج لتخلين الشيطان ايطب بنصكم اني راح اسده وانتي خابري وحاجي بس لتحاجي ع زينب عوفي لان ايحبج لتضوجي بالغيره
اني،، لا خاله مااغار ابد هههههه
َسدت التلفون خاله واني بداخلي متت من الغيره شنو زينب يمي اريد الزمهه اركع راسهه بالحايط شتريد من هشام وللصبح مانمت من التفكير.
خابرت هشام وحاجيته عادي حبيبي وقلبي ومشتاقه انام بحضنك ومن هاذا الكلام جان ايكولي اريد اخذج لشقة صديقي بيوم الخميس كتله لا مااروح كال ماعندج ثقه كتله بالعكس كل الثقه عاد وافقت لان هوه زوجي واني احبه ماامدر ارفضله اي طلب
بنفس الوقت سديت التلفون اريد اخلي ع الشحن شفت اجتي رساله لتلفون زينب رقم غريب ايكول الهه بيوم الأربعاء انشالله نلتقي بالشقه
والرقم مشفته عدل لان هيه كامت من شافتني يم التلفون لمحت الرساله لمح وضل براسي الف شيطان طول اليوم اشلون اخذ التلفون واشوف الرقم مااكدر تعبت ونمت وجه الصبح ومكدرت اداوم يوم الثلاثاء وهشام يتصل ومااكدر احاجي ولااكدر احكم عليهم ضلم اني صح مااعرف زينب. بس اعرف هشام كلش زين هاذا قلبي وروحي ماامدر استوعب انو هوه
قررت اخذ تلفون زينب علمود اخابر ع خاله ام هشام من عنده لان ماعندي رصيد
التكملة تجيكم باجر صح اتاخرت بي بس بإذن الله باجرر البارت الاخيرر ❤️❤️
أنت تقرأ
اغتصاب الطفوله
Cerita Pendekيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
