كعدنه الصبح والريوك صعدوه للغرفه مالت الفندق وعادل كام ايسولف صباح العسل يل عسل شنو صباحه الي ايصبح بوجهج يمه فديتج وفديت قلبج باسني بخدي وكمل الريوك ورجعنه من الفندق باركوله امه واخواتهه سحرر وغفران وكامن ايهلهلن
عاد صعدني لغرفتي كال اتمكيجي والبسي كلبية الصباحيه وانزلي راح يجن عماتي
بدلت واتمكيجت ونزلت
اول منزلت امه كامت تحجي هاي شنوو مكياجج روحي طوخي ليش هيج باهت
اني كلش ضجت
صعدت وكلت اشتغلت رحمة الله
وهوه طلع واكف ورايه كال اشبيهه رحمة الله
مو اكلج اني يمج محد ايدوسلج ع طرف
عدلي مكياجج وانزلي اكعد يوياهن اتعرفي عليهن
كملت ونزلت سحرر لاكتني ماشاء الله حلوه ومرتبه عاد كون اتطلعين شاغوله مو مصفطه وكاعده
سحرر اصغرر من عادل ب ٣ سنوات وغفران الزغيره مالتهم مواليد ١٩٩٧
اجتني باوستني غفران وكالت لسحرر اشبيج اتحاجيهه هيج خليهه تتنفس تتعود علينه
اجه عمي ابو عادل سلم عليه باسني براسي وانطاني الصبحه مالتي ١٠٠ الف عمي امبين كلش طيب قلب بس عصبي
بس سحرر شرانيه
وعمتي شتكول سحر تسمع هاذ استنتاج اول يوم
واجتي بيبيت عادل هم انطتني ٥٠
وعماته وخالاته اجني ووجبن الي جابت بطانيه والي جابت الحاف والي انطت افلوس
عاد هنه انعجبن بيه وبسوالفي وكامن ايسولفن وايضحكن وايفشرن وايضربن بعادل بسامير علمود يحجي
عادل كلهن لتخافن بيضت وجه وعندي الدليل
كامن ايضحكن هنه اني استحيت
كمت كالت عمته تعالي اكعدي منين مستحيهه كلنه مرينه بهل شغله وسويناهه ويجي يوم اتكعدين هاي كعدتنه واتعلمينه
عاد بقوو ساعتين وراحوو
واجتي ام عادل كالت تعاي شذى البطاطين الجابهن كلهن اليه واللحف والمواعين لتمدين ايدج عليهن
كلتله بكيفج كالت والفلوس الج
كلتله براحتج
رحت صعدت خابرت ع اسيل
شذى،، الو اشلونج اسيل
اسيل،، هلخ شذى الحمد لله انتي اشلونج صباحيه مباركه يعروسه
شذى،، ياصباحيه والج هاذ اول يوم اليه وشفت العجب
اسيل،، خير ياستارر
شذى،، شو فتحت اعيوني لاكتني هاي سحرر اتكلي انتي حلوه عاد كون اتطلعين شاغوله مو كاعد وساكته
وام عادل لعبت لعب بيه اخذت الغراض الجابوهن اليه كلهن جنهه مشايفه واتكلي الفلوس الج
اسيل،، ميخالف عبالج كل الناس مثل امج عبري لخاطرر عادل
عاد كليلي عادل اشلونه وياج
شذى،، عادل ورده وكلش حبيته طلع خوش انسان وحباب وايحبني
اسيل،، وانتي متحبي
شذى،، اني معجبه بي وكلش مستلطفته
واني احجي وياهه واجه عادل شبكني وكال فديت المستلطفتني
اسيل،، هااجه عادل يله عيني روحي العصرر نجيج احنه وامج
شذى،، هله بيكم مع السلامه
اسيل،، مع السلامه
عادل،، اتحبيني
شذى،، ماادري بس
عادل،، بس شنوو
شذى،، اريد انام بحضنك
عادل،، عادل وحضنه وحضن عشيرته كله الج
اشوكت اتحبيني واتكوليلي حبيبي
اشوكت شذوو مو قلبي خلص خطوبتنه ١٠ اشهر كلشي مفتهمت منج ولا ادري اتحبيني لو لا واني اموت عليج
أنت تقرأ
اغتصاب الطفوله
Historia Cortaيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
