هاا اسيل اشبيج اتصيحين وشنو هاي السيارات
اسيل، شذى ايكولون ابو محمد ميت. غرقان
شذى، شنوو ومحمد وين واشلون غرقان
اسيل، مااعرف تعاي انروح يم بيتهم وانشوف
رحنه اني واسيل وصلنه وشفنه اقارب محمد وخاله وعمامه كاعد ايعلكون صوره بالباب كاتبين ذهب الى رحمة الله تعالى الشهيد الغريق احمد مصطفى الملقب ابو محمد
اني شفت الصوره بجيت
نزلت من السياره ام محمد ومحمد ومرت خاله
رحت احاجي محمد محمد بس يبجي ميحجي اي شي
شذى، محمد البقيه بحياتك
اشبيك متحجي محمد كمت ابجي ع حال محمد
خاله اشبي محمد احجي كوليلي
مرت خاله كالت محمد جان ويه ابوه وشافه من طلعوو من المي ومات كدامه وانصدم صارله يومين ميحجي واحنه راح ننصب العزه مالته ابيتهم لان هوه جان موصي الجادر مال الفاتحه ايصير كدام بيتهم الله يرحمه وايصبر عائلته ع افراكه
رجعت للبيت واني ابجي لان محمد مرجع ايسولفي ع سفرته رجع وهوه خسران ابوه ومتمرض وميكدر يحجي
راحو اهلي للفاتحه وسمعوو خبر انو محمد وامه راح يرحون ايعيشون يم اهلهم بالبصره وعلمود ام محمد اتخلص عدتهه علمود وفاة ابو محمد
رحت اخذت منى واسيل ورحنه لمحمد علمود انشوفه وسئلناه ع انتقالهم اخذ ورقه وقلم وكتب اني مااروح وياهم ابقه اهنا
اني احب مدرستي وهاي المنطقه والاشهر العشناهه سوه وذكرياتي ويه ابويه بهاذ البيت
بداخلي فرحت بهاذ الخبرر بس مقهوره عليه لان ميحجي
شذى، محمد يله اني راح اروح للبيت باجر اجيك
رحت ثاني يوم وكتبلي مراح ننتقل راح ايعيش خالي وعائلته ابيتنه لحد ماتخلص عدت امي ويرحون
ومرت الايام وخلصت الفاتحه
واني يوميه اروح اكعد ويه محمد واسولف وياه وهوه يكتبلي وبده الدوام ومحمد داوم وياننه واتئقلم ويه القلم والدفتر اي شي ايريد يحجي يكتبه كتابه والمعلمات انقهرن عليه كمت اساعده اني واسيل بالدروس بس منى اتكرهه. واتغار لان انساعده مره قهرته هيه وابن خاله ابن خاله اسمه خالد مثل منى مكروه ايصيحوله الاخرس ايخلوو ينقهرر.
محمد مرت خاله زينه وياه بس ابنهه جذاب ايسوي مشاكل وايذبهن براس محمد ومحمد ميكدر يحجي وايبرر موقفه
ومحمد سولفلي ع موقف مسوي بي خالد خلاني اكره خالد حيل
محمد ايكول كاعد اباوع ع التلفزيون خالد يلعب طوبه بالغرفه ائشرله اكله لتعلب ايكلي دروح ضرب الطوبه حيل ووكع التلفزيون وكسره واني نايم جواه انجرحت بالكزازه برجلي اجني امي ومرت خالي ايكلهن خالد والله محمد ضاج اتذكر ابوه ودفر التلفزيون ووكعه اكلهم مواني ايكلهم جذاب شوفو لو صدك مكاسره جان حجه امي كالت فدوه لمحمد مدامه طلع سالم طلعت الكزازه من رجلي وضمدتنه
واني ابجي مقهور لان خالد كذب واني ممسوي شي
هاذ موقف خالد خلاني كلش أكرهه بس كلت لمحمد عوفه لتحاجي ايغار منك
كتب محمد، من شنو ايغارر اني ماعندي اب ولا اكدر احجي هوه احسن مني
افتقد ابويه ودلاله شذى 😭😭😭اريد بابا
شذى، محمد لتبجي كول الله يرحمه خلي نقراله الفاتحه
شذى، قرينه الفاتحه وهديناهه لقبر ابو محمد
شبكت محمد وضل يبجي بعدين كتبلي شذى انتي اكثر انسان احبه بالدنيا بعد ابويه وامي اريدج تبقين وياي
شذى، واني هم احبك ومااريد اشوفك زعلان شنو رئيك نلعب
محمد، لا مالعب خلي انروح لاامي انوزع فاكهه بثواب روح ابوي
شذى، يله انروح
رحنه ووصلنه للبيت لكيت امه مسويه مواعين فاكهه وكالت وزعوهن بثواب ابو محمد لان اني مااكدر اطلع
شذى، ميخالف خاله بس اصيح اسيل ومنى واجي
رحت صحتهن واخذنه المواعين وزعناهن للمنطقه مالتنه ومحمد فرح لان ايشوف الناس تدعي لاابو اويقرون الفاتحه كدامه
ومرت الاشهرر وانتهت عدت ام محمد وبيت اخوهه راحوو وكامت تطلع وتتسوق وتطلع محمد للحديقه يوميه ومحمد مستمر بداومه واني يوميه اروحله اني واسيل انساعده وانضحكه اشويه طلع من الجو الي هوه بي واتعود ع ابوو مموجود
وخلص من خالد وارتاح من الضغط مالتهم عليه جان ايحس ان مماخذ حريته من وره بيت خاله
وانتهت السنه ورحنه ناخذ النتائج طلعنه اني و محمد ثاني ع الصف واسيل ناجحه ومنى بدرس واحد اماخالد فطلع ب٣ ادروس اخذ نتيجته وراح الله ليرجعه مكروه
جانت فرحتنه بنجاحنه متنوصف بس ضلينه اندرس بمنى حرامات اتعيد الثالث علمود درس
وبهل لحضه منى حست ع نفسهه وع اغلاطهه واشجانت اتسوي ويه محمد وامتحنت ونجحت وفرحنه ولعبنه وامي وام محمد صار اكثر من صديقات نعزمهم يمنه ومن ابونه بالداوم ناخذ اكلنه وانروح يمه واني كلش كمت احب محمد رغم ما اشتاقيت لصوته وضلت خاله ام محمد اتراجع بامحمد عند الدكاتره علمود يرجع يحجي وكلوله علاجه موعدنه وراحت للساده وهم محلوو مشكلته بس كلولهه هوه مخترع ومصدوم وهيج صاير بي ومن وحده يرجع لتتعبين نفسج وبيوم من الايام واحنه كاعدين اني ومحمد وام محمد وامي خابر ابوي ع امي كلهه ام شذى ليش منروح سفره للجزيره السياحيه هم انلعب الجهال وهم ناخذ اختي ام محمد ومحمد ويانه كالته امي والله خوش اقتراح راح اشوف ام محمد شنو رئيهه علمود اضبط امورنه
ماما كالت ل ام محمد بس ام محمد رفضت رفض تام كالت انتو عائله تردون ترحون احنه اشلون انروح وانضايقكم كالت الهه امي اشلون اتضايقونه انتي اختي ومحمد حاله حال شذى اشبيج يمعوده خلي انغيرر جوو
اني اسويلكم ذيج الدولمه الزينه ولبن ونتغده اهناك وناخذ طوبه للجهال وانلعبهم واسويلكم وياهه تكه ومقبلات وبسيارتنه انروح يله اتوكلي ع الله وكولي اروح وياكم فدون تره اذا مترحين اني مااروح واشتغلت الملحه مالتي اني ومحمد ضال صافن عليج الله خاله امشوو ويانه علمود العب ويه محمد حبابه اشبيج ووافقت خاله ام محمد ومحمد فرحان لان حنروح سوه وورحنه بيوم السبت للجزيره بابا، شذاوي حبيبتي اخذي الجرجف والكلاصات بيدج وانتي ام شذى صفطي الغراض بهاي العربانه علمود نختار مكان نكعد بي ومنحتار بالغراض
شذى، بابا لعد بس اني شايله غراض معليه
محمد جر من عندي الكلاصات واخذهن واني شلت الجرجف
عود قصده اني شلت وياج
اني سكتت من شال وياي وفرحانه لان طلعنه سوه ورحنه كعدنه وفرشنه وخلينه اكلنه واتونسنه كلش وشوينه التكه وماما مسويه حمص بطحينه وجاجيك ودولمه بيهه باكله اتخبل ولبن بي ثلج محمد كلش عجبه الاكل ياكل وايسوي اوكي بعدين كملنه اكل ونضفنه المكان وارتاحينه اشويه بابا شرب جاي ع الفحم ونام وكال روحوالعبو بالطوبه اهناك وماما وام محمد راحن للحمامات وانوب رجعن وضلن ايسولفن لحد ما كعد بابا من النوم واحنه تعبنه من اللعب اجه ابو الموطه يفترر ردت موطه وبابا اشترالي اني ومحمد محمد كلش يستحي ميقبل ياخذ اله اني الح عليه ياله
كعدنه ناكل موطه وراهه بابا كال كملوو علمود اركبكم ب بالالعاب ام محمد كالته اخويه اني مااركب امي كالتلهه اشبيج لعبه وحده وييانه ع الواهس اني هم مااريد اركب اخاف ع البطني😊 بس دولاب الهوه ايراويج الجزيره كلهه سمع ابويه شنو البطنج مثل مسمعت وتضحك امي
وام محمد كلتله بالعافيه وبالخيرر اخويه انشالله الله ايعلكه بذيالهه
بابا، انتو اشكاعد تحجون ام شذى حامل بعد هاي السنين كلهه اني ايست صرلنه ٩سنوات انريد طفل ليش محجيتي ليش مبشرتيني
ماما، والله يا ابو شذى اني مادري ولا حاسه ع روحي بس باليوم الكلت بي انروح للجزيره شو دخت يم ام محمد كالت اشبيج كلتلهه ماادري شو ادوخ وتلعب نفسي هيه كالت ولج خاف حامل كلتلهه يمعوده وين اكو صالي ٩ سنوات وره شذى ايست احبل هسه
ام محمد كالت اشبيج خلي انروح سويي تحليل وشوفي
رحت البارحه سويت تحليل وطلعت حامل🤰 كلت افاجئكم انته وشذى اليوم لان طالعين الخبر ايصير اله طعم خاص ومينسي ماما يعني راح ايصيرلي اخ او اخت
اي ماما انشالله
شذى، هييييييي😃 وشبكت محمد ومحمد☺️☺️ خجل خطيه
ورحنه نصعد بدولاب الهوه وهناك صارت المصيبه والمفاجئه
التكمله ع البارت الثالث استمعتوو
أنت تقرأ
اغتصاب الطفوله
Короткий рассказيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
