اغتصاب الطفوله

البارت السادس (حكُم باطل)

مثل مكلتلكم ضل الرجال يتردد عله ابويه
لحد ما سمعت ابويه بلليل ايكول لاامي  راح ازوجهه اله لان اخاف عليهه وع سمعتهه اتصير بحلك العلم امي كالتله ومحمد هيه اتحبه وهوه ايحبه لتغلط هل غلط هاذ
ابويه كلهه ام شذى همه مراهقين ينسَون حب المزعطه هاذ لازم ايعيشون حياتهم
امي، ووصية ام محمد مو خلته امانه بركبتنه
بابا، اني اتفاهم ويه اهله بعد ماتكدر اتحمل اشوف بنتي يكسرهه كلام الناس
امي، واشراح اتكول لشذى من اتسوي هيج واتزوجهه بهيج عمرر موخطيه تكسر رقبتهه ويه واحد اكبر منهه ب ١٥ 
بابا، احسن من ماينكسر قلبهه  من حجي   عوفي شذى عليه اني اجبرهه ع الزواج منه

رحت اني اركض للصاله علمود اسولف لمحمد واني ابجي متت من القهر يعني هاذا اليوم اتعس يوم بحياتي
كتله محمد الحكلي ابويه ايريد ايزوجني لهاذ الرجال الجبيرر
محمد، شنوو هوه مويدري اريدج لج ميزوجج ايرد ايخوفج علمود تحجين الصدك انتي الرايحتله لو هوه اتقصدج
شذى، محمد بعد مااكدر اسوي اي شي اني مااتريد اتزوج هسه ولااريد هاذ الرجال اريد اكمل دراستي
محمد، شذى محد ياخذج مني
كمت ابجي حيل وشبكت محمد
😭😭😭😭😭😭😭😭😭😭😭😭😭😭

فجأة وطب ابويه وشافنه وكام ايصيح وكتلني

كالي يعني انتي الجايه ل محمد وفوكاهه اتشبكينه لج انتي وحده صاقطه حجي هاذ الرجال صحيح عليج
شذى، لابابا والله فهمت غلط
لج شنو الفهمته غلط  
اني شفتكم بعيني
محمد، والله عمو ممسوين شي
بابا، انته امشي ولي وبعد لتلفي للبيت
وانتي غصبا ماعليج اتقبلين ب عادل 
شذى، اني ابجي من الكتل زوركت امي كوه طلعتني من ايده
وحبسني بلغرفه
ومحمد راح بات يم بيت ابو اسيل للصبح وراح لعمامه
عمامه كلوله انته اشسويت هاي مصيبه  والرجال حقه لو شيسوي غير شرفه
وهوه جاهد علمود يجي ويعرف اخباري بس ابوي ايطرده
سمعت منى بالسالفه ومخلت واحد مسولفتلهيا وفضحتنه فضيحه
بهل اثناء بابا اتفق  ويه عادل الاتحارش بيه وسوه المشكله
علمود يجي يخطبني
ومر شهر ع حالتي لااطلع ولاامشي ولااروح للمدرسه وفضيحتي اني ومحمد ع كل اللسان حته محمد اجه باس ايد امس من ابويه بالدوام علمود ايشوفني ومخلته بس حاجاني من وره الباب
اني ابجي وهوه يبجي
ايكلي ولج لتبجين ياامي وابوي واهلي كلهم والله اني احبج ومااريد غيرج واني اتزوجج
كتله انتحرر اذا اتزوج غيرك.

( اخ ياحسرت قلبي ع هذاك اليوم فلش جزء بقلبي بحيث مينجبرر للموت)

اليوم الي ابويه كال الامي روحس اشتريلهه ملابس السوم راح يجي عادل يخطبهه هوه واهله 
ماما، اشلون ابو شذى لتتخذ هسج قرار صعب
بابا، ام شذى لتفكرين بعواطفج فكري بلفضيحه كل الي كاعد اسوي علمودهه
اجتي امي كالت راح اوديج للصالون اليوم راح يجي عادل ايخطبج
اني، شنو ياعادل مااريده مااريد اتزوج اكلكم ماريد والله ممسويه شي اني لتتعبون
واني اصيح ضربت راسي بالجام وانشكت كصتي ونقلوني للمستشفى  
وسمع محمد واجه هوه وعمه واعيونه حمرر واجه حاجاني  وكتله راح ايزوجوني.
كالي واني راح ايسفروني
شذى، وين
محمد،، ل المانيا ويه خالوو ابو خالد
شذى،، ليش واشلون
محمد،، ابوج شرط ع عمامي اذا محمد متطلعوو من حياة بنتي اكاومكم عشائرياً كافي الفضايح الشفناهه منه
ومن سمعت بيج كلت اجس احاجيج
شذى اني رايح ديري بالج ع نغسج ولتتخيلين يجي  سوم وانساج 

شذى،، 😭😭😭
راح محمد وسافرر وانخطبت خطبني عادل بموافقتي وجان شرطي الوحيد اكمل الثالث متوسط واتزوج عادل
بس قلبي وتفكري كله ويه محمد
صح رجعت حياتي طبيعيه بلبيت انفتح باب الغرفه  بس احله شي بحياتي فقدته صارت بله طعم حياتي

لهنا وانتهه البارت السادس واسفه لان كاعد انزل كل يومين بس والله هلكانه تعب وضرفي المنزليه مكركبه