واتوفت ام محمد وسوينالهه الفاتحه اباب بيتنه ع وصيتهه
واجوي اهلهه واقاربهه وانتهه ٣ ايام العزه
وبابا جمعنه وكال هاي الكامره بيهه فديوو الفديوو بي تصوير لام محمد كالت من اموت تشوفوو
شغل الفديوو بابا وطلعت ام محمد تحجي
هاي شذاوي جنتي انتي خجلت وطلعت وبدت تحجي هيه
السلام عليكم باليوم الي راح اتشوفون بي الفديوو راح اكون اني ميته اني تعبت من المرض ومااتحمل بعد اذيكم وياي اكثرر ولا اكدرر اتعالج واكمل باقي عمري وياكم كمت يوميه ادعي ع نفسي بالصلاة كون اموع واخفف الحمل عليكم
بس وصيتي الكم محمد ديرو بالكم عليه هوه رجال اني ادري بي وبطل يكدر ايعيش بدوني
ام شذى حبيبتي اختي ابريني الذمه تعبتج وياي بس الله يشهد عليه انتي اكثرر مني اختي اختي الي ماسئلت عليه ولا ع ابني حسافه اكول عليهه اختي انتي اختي
ابو شذى اخويه الي عاشر ابو محمداشهرر وكف بعينه الزاد والملح ودار باله عليه وع ابني وخلاني بمحل خواته اتشكر منك كلش اهواي وحاللني واهبني
شذى حياتي انتي اني احبج وامنيتي اتصير جنتي بس بعدكم اصغارر وبعد ماتكدر ازوجكم هسه اخاف من اتكبرون تتغير نضرتكم واحد للثاني واتصيرون بذمتي اكبروو واذا بقيتوو ع هاي علاقتكم امج وابوج موجودين همه اهل محمد وشيئمرون محمد حاضر وينفذ
محمد حبيبي ياروح وقلب امك يافرحت سنيني ونور اعيون الي صار بيك املي بعد مامات ابوك وجنت اشوفك شمعه اتضوي حياتي ومااردت اكسرك هاذ الانكسار بوفاتي بس المرض اقوه مني والقدر هيج انكتب انشالله الجاي من حياتك احله
حمودي يابعد امك اني عايفتلك ٣٠ مليون بالبنك اتئمن بيهه مستقبلك وتتزوج منهه هذني افلوس بيعت البيت
والشغله الي كلكم متدرون بيهه اني مسويت عمليه ولا رحت للهند
الدكتور صديق حماي كمل التقارير الطبيه علمود ايشوفهن الدكتور الي بلهند ومن شافهن الدكتور كال حالتهه متقدمه ومترهم الهه العمليه رحت اسبوع بالمستشفى علمود ايراقبون حالتي والدكتور كالي متفيدج العمليه ونسبت نجاحه ١٠ بالميه كال الباقي من عمرجهرين ونتمنه الله ايمد بعمرج اكثر من شهرين والاعمار بيد الله
وهاي اني كدامكم عشت اربع اشهر بدل الشهرين بس كلش تعبت منهن لان جسمي ميتحمل شي بعد كلش تعبت
حسوني حبيبي خاله دير بالك ع محمد صير مثل اخوو وانته اخوه الزغيررر عضيده ضلعه ع كولتك ههههه
ختامي الهذا الفديوو الله يحفضكم ويبعد عنكم الشرر
وابروني الذمه ومع السلامه
اتذكرني حمودي بقرآة الفاتحه اروحلك فدوه هاي بوسه الك مع السلامه
شذى، انته الفديوو واحنه بحالهه يررثى لها كلهه تبجي ومحمد شابك ابويه ويبجي واني ابجي ع رجل امي
انتهينه من البجي
ومرت شهرين ومحمد بعده كاعد ويانه بلبيت وامي كالتلي حجابج بعد متنزعي كدام محمد عيب وحرام
اني ضجت ليش هيج كالتي اني احلم بمحمد وحاسبته زوجي منه هسه وخاصه خاله حرزت ع انوو محمد يتزوج شذى
كمت. كلماايمر علينه شهر ايزيد الحجي عليه وع اهلي اشلون شذى كبرت ومحمد وياهم بلبيت.
ومره ابو منى كال الابويه انته اشلون مئمن امبقي محمد ابيتك وهوه مراهق وبنتك مراهقه ميصير هيج متخاف عليهه
ابويه ضاج كاله ليش اتكول هيج محمد مربينه عله ادينه حاله حال حسين وواثق بي اني كل الثقه
بده ايزيد الحجي وابويه كام ايضوج وميتحمل احد يحجي هيج
وصل الحجي لخال محمد وعرف ورث محمد ٣٠ مليون طمع بمحمد وبنفس الوقت راد ايزوجه لبنته لمى اني ماادري اخت خالد لمى من عمري بس بعدين انصدمت بيهه
بيوم من الايام الضهرر جنت راجعه من مدرستي المتوسطه وحدي والجوو كلش حارر امشي ودست ع كزازه ضربت رجي صفح وشكتهه صار عندي هبوط بالضغط من شفت الدم ووكعت بالكاع فاقده الوعي
محسيت ع روحي اله ورجال كبير شايلني كمت ابجي نزلني عوفني حباب كال لتخافين انتي اليوم عندي
اني شبعت بجي نزلني بهيكل مال بيت بنفس المنطقه مالتنه لزمني فتح سحاب الصدريه
ومن بعيد شافتني منى اجتي تركض كلتلهه منى همزين اجيتي
منى كالت ولج شذى متستحين تردين اتنزعين ملابسج كدام هاذ الرجال اليوم اله اكل لاابوج
راحت تركض لاابويه اني مصدكت اجتي علمود ايعوفني هاذ الرجال
اجه ابويه كام وضربني كدامه كتلني وكام يحجي ع الرجال
كله اني وياك عشائرياً تستغل الطفله
هوه كل الابويه اني هيه بتك نزعتلي اني كلشي ممسوي ولاارايد شي منهه واذا اتريد اتطم عارك زوجنياهه واذا مزوجتنياهه افضحكم فضيحه
اخذني ابويه للبيت مدمايه هوه كتلني وااني مشكوكه رجلي
اجه محمد شافني اخذني هوه وامي للمستشفى عالجوو رجلي وضلو ايسئلون بيه سولفت الهم كلشي محمد اقتنع بس امي اتاثرت بكلام ابويه وخافت من الفضيحه ومن انفضح حته عمام محمد ميخطبوني لاابن اخوهم
اني طلعت من المستشفى خيطوو رجلي ووخلولي مغذي ومحمد مكابلني وكاعد ولازم ايدي ايكلي لتعوفيني بس انتي البقيتيلي شذى ياقلبي ولج والله اموت عليج واذا صار شي بيج اموت وراج وهاذ الرجال اله اكتله اني اعلمه.
شذى، محمد دخيل الله ودخيلك عوفه خلي ايولي
بقه هاذ الرجال يوميه يجي ايحاجي بابا ايكله اذا متزوجنياهه اله افضحكم بنتك مو شريفه وبعد محد ياخذهه وضليت اني بس ابجي ماادري وين راح اصفه واشراح ايصير بيهه
وانتهه البارت الخامس
أنت تقرأ
اغتصاب الطفوله
Truyện Ngắnيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
