رحنه وصعدنه بدولاب الهوه اني وبابا ومحمد وحدنه وماما وام محمد وحد
وافتر دولاب الهوه وشفنه احله منضر بغداد وجمال الجزيره وهناك اكو عرس ونباوع عليه محمد شوف العريس اشلون يركص بابا باع العروس اتخبل بدلته اشوكت البس بدله مثل هاي
لج بابا عيب شنو هل حجي بعدج اصغيره
شذى، زين بابا حباب بعيد ميلادي جيبلي بدله هوه عيد ميلادي بعدله ٥ اشهرر
وبقينه انسولف لحد ماابو دولاب الهوه كال انتهه الوقت. ونزل ماما وام محمد وووراهم اني بابا ومحمد بابا ينزل محمد اني كتله وحدي انزل اعرف كال لا انتضري مو الدولاب مواكف لازم اني انزلج نزل محمد واني كمزت وحدي من كمزت عثرت ووكع ع كصتي ووفقدت الوعي امي اتصيح وتبجي وبابا كال موكتلج انتضري وكصتي تنزف الناس التموو. جابو مي لبابا غسل وجهي وايضرب بيه علمود اكعد فتحت عيني بس اشوف كلشي مغوش وجسمي يرجف بردت بهل اثناء اسمع صوت مو مثل اصواتهم ايكلي شذى اترجاج كومي حياتي شذى لخاطري كومي ابوي عافني وراح وصوتي راح وانتي اعوفيني كعد كتله محمد انته تحجي همه ملتهيه بيه ممنتبهيله لحد مكلتلهم محمد انته كاعد تحجي صوتك رجع ام محمد كامت اتهلهل وامي يالله محمد حجه احضر يابخت وكعت شذى خلتك تحجي جابوو وصله شدو كصتي وطلعنه من الجزيره اني متعوره بس فرحتي بمحمد من حجه ممصدكه سمعت صوته نسيت حته الضربه والالم وخوفي من اشوف دم اخذني بابا ضمد كصتي ومحمد ويانه وماما وخاله ام محمد رجعوو للبيت لان بابا ايخاف ع ماما وع حملهه رجعنه والمضمد كال اني زينه واني بعالم ثاني اريد محمد يحجي صار صوت محمد مثل الموسيقه احب اسمعه مثل الاغنيه مااريده يسكت رحنه بالشارع كعدنه ع الرصيف وهستوه كالي الحمد ع السلامه كتله الله ايسلمك واجني اسيل ومنى
اسيل، هاولج شذى اشلونج اشبيهه كصتج
منى، عوفيهه يمعوده راحت للجزيره واتونست قابل اشبيهه وحته مكالت راح اروح تره احنه منحسد
شذى، هلو بيجن والله يااسيل وكعت من الدولاب الهوه واني كاعد انزل
وانتي يامنى كولي الحمدلله على السلامه مو كاعده اتعاتبين وانتي امبينه متحسدين عينج ورانه حته اتعورت عبالج مشفتج من صعدنه بالسياره وغميتيني ليش هيج ليش متبطلين من هاي الحركات
حجه محمد، انشالله مابيهه شي وديناهه للمضمد
اسيل ومنى، 😮😮 بحاله صدمه
اسيل، ممممحمد انته تحجي والله لو يتهيئلي
منى، اي ولج حجه بله غنيلنه خلي نسمع صوتك
شذى، اي من وكعت شو محمد كام ايصيح
منى، موهاذ من الحب
اسيل، اشبيج منى متعرفين تحجين همه اصغار شنو هل حجي
محمد، منى انتي شعليج اي احبهه شعليج انتي كام ايصيح
شذى، محمد كافي لتحاجيهه هاي متكبرر
راحت منى كالت ل ابوي عموو محمد ايكول اني احب شذى اجه بابا ايصيح شذى انتو اصغار شنو هاذ الكلام مره ثانيه لتعيدوهه عيب
شذى، صار بابا
بيوم من الايام اجه محمد ايدور ع قاصه ايجمع بيهه افلوس
واجه اليوم الي بي عيد ميلادي شهرر ٤ يوم ١٥
ومحمد وامه رايحن للسوق امي شايفتهم
امي، ها ام محمد اشلونج
ام محمد، الحمد لله الله ايخليج
اشعجب جاييه للسوق
امي، والله جايهه اكمل احتياجات عيد ميلاد شذاوي
وانتوو معزومين مو تنسونه
ام محمد، انشالله محمد اكل قلبي اشلون مااجي واحنه جايين نشتريلهه هديه
امي، ام محمد ليش اتكلفين روحج
ام محمد، لا مبناتنه كلافه شذى بنتي وبعدين الفلوس مو مني من محمد
امي. شوف الحض انوب من محمد حمودي حبيبي وصلت هديتك امي ميحتاج ضم افلوسك اشتريلك حاجه بيهه واني اشتريلك هديه وانته وديهه لشذى عود منك
محمد، لا مااقبل ولا اريد اني اريد اشتريلهه
امي يله براحتكم يله ام حمودي اني اترخص مع السلامه انتضركم بلليل
ام محمد، الله وياج
محمد اشبيك ضجت من كالتلك هيج محمد،. ماما اني جبت القاصه علمود شذى ليش اتكلي اني اجيبهه الهديه
اصلاً اني عندي افلوس ماما اني احب شذى وسمعتهه اتكول لاابوهه اريد بدله مثل مالت العروس
وراح محمد واشتره البدله ب ٢٥ الف هوه مجمع مصرفه التنطي اله امه علمودي خطيه
واجونه بليل جنت لابسه بنطرون وبدي امي جابتهن الي
وخلينه الكيكه وكصيناهه
وشربنه عصيرر نحله محلى امي جايبته كلش طيب ايخبل
واجه وكت الهدايل وانطاني محمد الهديه مالته وفتحته بدلت احلامي اتخبل كلش حلوه ولبستهه واجيتهم وام محمد كامت اتكلي طالعه عروس واني ☺️☺️ خجلانه ومصدكه روحي وشغلت امي المسجل وكمنه نركص والبدله حلوه اتخبل شكرت محمد وبسته لان جابلي البدله ومحمد عايش الدور ويضحك مثل ضحكت العريس الشفناه بالجزيره ويركص نفسه
ومرت الايام والاشهرر وامي قرب يوم ولادتهه وراحت وياهه ام محمد وجابت امي ولد. وسماه ابويه حسين
ونور البيت حسين واسولف بي وين مااكعد واحبه واخاف عليه ومحمد كام ايغار لان اسولف عن حسين وبقت علاقي وحبي لمحمد مثل قبل بس هوه ايحس انو كمت افضل اخوي عليه
صار عمر حسين سنه وسويناله عيد والتمن البنات اسيل ومنى واني ومحمد وام محمد بحيث صرنه عائله وحده احنه وبيت ام محمد
بيوم عيد ميلاد حسين محمد كام ايحوص عود هوه كبرر وكام ايدور اسوالف سخيفه رحت للمطبخ ولحكني وكلي اذا اتحبيني اتبوسيني كتله لا اني احبك بس ماابوسك استحي وغلط هاذ الشي محمد زعل
صادف عيد ميلاد محمد وره عيد ميلاد حسين بشهرر
وامه كالت لاامي محمد احسه ايريد عيد ميلاد بس يستحي يحجي عود هوه كبرر ههههههه
انشالله راح اسويله عيد ميلاد عكب باجرر
بيوم عيد ميلاد محمد اني عندي بس ١٠ الالف شجيبله هديه مااعرف
سئلت امي كالت جيبيله عطرر بماانو هوه هسه بعمر المراهقه ويحتاج هاي الشغلات انسويله تشكيله حلوه مال عطر ومعطرر وريكسونه وغلفتهن امي واخذناهن سويناله العيد ميلاد طبيت اني مرتبه نفسي واخذت حمره اشويه من امي بدون متدري خليت وطبيت لابسه فستان قصيرر حلوو وردي شافني محمد انصدم حاله شعري وهوه متعود ايشوفني ضافرته وخاله لوون ع شفتي سلمت عليه وكتله كل عام وانته بخيرر
واخذته ع صفحه كتله محمد اني عندي هديه اريد انطيكياهه كال وينهه ابتسمت
وكتله غمض اعيونك غمض اعيونه. وبسته كتله هاي البوسه الردته بعيد ميلاد حسين طبعا بساعته فرح فرحه كال شذى تره من اكبر اريد اتزوجج اني استحيت كتله شنو هل حجي دخل نكبرر كال والله بس ايصير عمري ٢٠ اتزوجج ورحنه اكلنه كيك
وكملنه وكلمن راح اهله وبقيت اني احلم بمحمد واشلون ايريد يتزوجني عود صدك والبس بدله واتمكيج ويشتريلي غرفه واغور منى
لان تكرهه محمد واتضوج لان ايحبني واكوم اركص واضوجهه فلفل وكمت احلم احلام ماانزل الله بها من سلطان
وثاني يوم ام محمد اتخربطت واجه محمد ايصيح ايريد امي اتروح الهه
راحت امي غسلت وجهه وكعدته وسوت الهه عصيرر وطبخت الغده الهه ورجعت النه كالت زينه يمكن ضغطهه هابط واستمرت ام محمد ع هاذ الحال يوميه متخربطه وامي اتروح الهه
لهنا وانتهه البارت الثالث والتكمله ع باجرر
💋💋
أنت تقرأ
اغتصاب الطفوله
Cerita Pendekيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
