رجعت للبيت واتغديت وافكر برائد واحس اساس داخل قلبي جديد عليه معقوله حبيته من اول لقاء
لااشحبيته بعدني معجبه بي بعدني مااعرف عنه اي شي
بين التردد والخوف من الحب قررت ان اكون بطله و أواجه مخاوفي
صرت اخابر رائد وهوه ايخابرني نتواصل ونطلع ونطب واروح الاهله وياه واشوفهم
وكل هاذا واهلي كلشي ميدرون
لان اخاف افاتحهم بالموضوع
وبعد عنا وقلق
قررت افتح قلبي
بعد ماصرت فراشه وافتر بلبيت بسبب الحب قررت احجي
واكول بصوت عالي
رائد
ياهله وميت هله بعيون 👀 رائد
اني احبك
يبوووووووووو اتكلي احبك شجاوبج
طارن بعد كلهن. ولاضلن ع البال
اذا اكول اني احبج اجذب يابنت الحلال
اموت عليج اعشقج احسب يوم يوم لهاي الكلمه اشوكت تطلع من قلبج
وطلعت وسمعتهه واحس روحي فرت من الفرحه
❤️ ❤️ ❤️ ❤️ ❤️ ❤️ ❤️ ❤️
تدرين ارتاحيت هسه عبرت نص الطريق وبقه النص الثاني
اريد اجي اطلبج من اهلج
اني..... ااااا لا رائد اني افاتحهم بلموضوع ياله انته تجي
رائد..... حقج هاذا اهلج واتعرفين مايتهم
الج يومين واجي حته اذا مرضوو بخطبتي الج
اني.... اوك اريد اسمعك شي
رائد.... كلي أذانٌ صاغية
احبك يابعد عمري واضل بحبك اتباهه
واذا اهلي سبب فركاك اموتهم وحق طه (طاهه)
رائد.... الله الله الله اكول حبي خوما صدك اتموتيهم
اني..... الله عليك لا يمعود هذول اهلي اموت عليهم بس هاذا تعبير مجازي وتعبير عن مشاعري
رائد.... اروح فدوه ونذر للمشاعرر والاسمج من يمرر
اني..... ههههه طلعت تعرف ترتجل
رائد.... اعجبج فنان شامل بس ضربني القدرر بوري هههههههههه
اني.... ههههههه يله اني اروح واوافيك بالاحداث
رائد.... قبل لترحين تدرين اذا وافقوو اهلج وصار البالي
اسوي. بيج المصايرر
اني.... يمه همزين كلت علمود اني الغي الموافقه مالتي.
بعدين شتريد اتسوي
رائد.... مو اكلج المصاير ههههه لا لتخافين يعني ادللج
يله روحي وانتضر البشاره
اني ... اوك بايي.
رائد ..... باي
لكيت ماما وبابا كاعدين يتغدون قررت افتح الموضوع وشيصير خلي ايصير
بسم الله الرحمن الرحيم
ماما بابا.
اريد احاجيكم وره الغده بموضوع
بابا... كولي ليلو هسه لان وره الغده عندي موعد اني وامج
اني..... بابا اكو ولد متقدملي. ومعجب بيه وهاي ثالث مره يطلب ايدي وايدز البنات عليه وايريد يجيك بس اني كلت اشوف شنو رئيك بالموضوع ياله علمود ميصير احراج
ماما...... منو ابن منوو منين عرفتي اهله مستواهم المادي
اني...... لحضه ماما اشويه اشويه
اسمه رائد جان زميلي. بالمعهد
ومراقبني طيلت فترت الدراسه
عنده مطعم يشتغل بي هوه وصديقه
خريج معهد فنون حاله من حالي
عنده اثنين خوات واخ واحد وامه
ووالده متوفي
وبيتهم ع كدهم وعايشين من شغل المطعم وممحتاجين احد يكفل عيشتهم
بابا.... انتي منين عرفتي كل هاي المعلومات؟
اني..... بابا اني رحت لااهله والتقيت بيهم
ماما...... بدون علمنه صاير تتحركين.
اني...... ماما اني مو صغيره ودائمن انتو مشغولين
صح مدلليني بس مو دائماً الدلال حلوو محتاجه انسان ايحبني واحبه وانكون اسره اني مو صغيره. عمري احله عمر للزواج واذا عدكم اعتراض اني تحت امركم بس اقنعوني بكلام معقول
بابا..... ياباباتي ياحبيبتي احنه مرافضين فكرة زواجج بس ع كلامج هاذا الولد حالته الماديه موزينه حته ميكدر ايسفرج وايسد احتياجات
ماما.... من رخصتك ابو ليلى ومو بس هيج هيه عايشه بنص خير وخدم وافلوس تتحمل تطلع من هاذا القصرر واتروح ابيت اصغير ومكتض
. اني..... ماما بابا اني الولد حبيته لاهمتني افلوس ولاهمني سفرر ولا همني بيت تدرون بيه تفكيرري اهواي اوسع من هيج اني احبه واحس هوه الرجل الانسب اليه
ليش رافضينه قبل لتعرفونه لمجرد مركزه الاجتماعي
بابا.... خلي يجي الساعه ب 10الصبح يوم الاثنين انطي عنوان مكتبي واني اشوفه واسئل عنه.
ماما.... من كل عقلك مفرط ببنتك اتعيش هيج عيشه
اني.... ماما كافي انتي ماديه وهمج الفلوس والمركز اني مو مثلج
ماما... اني الماديه وكاعد اسوي كل هاذا علمودج
اني... لا مو علمودي بابا عنده خير من الله افلوس وانتي مجلبه بالمستشفى متكلفين نفسج تتفرغين لبنتج كله علمود الفلوس حياتج ماركة ملابس وجنط واحذيه حته اكلج الي تاكلي عوزج اتكولين ماركه
كافي عايشه الطبقيه وماعندج كل عداله وتنضرين للعالم بعينج الصغيرر
ومتدرين كلنه نموت وندفن بنفس التراب ماكو قصور مشيده
عيطت وصيحت وهضمتهه لامي بكلامي واني صعدت ابجي وهيه بقت تبجي واتصيح الله ايخلصنه من هاذا الداهيه الي اجانه وقلب مخج متفتهمين شي انتي من الدنيا
وضل البيت كئيب وهيه طلعت وبابا هم واني الخدم ايوسون بيه ضلوو
وتكول متحب الفلوس
الى اللقاء في الجزء السادس
زينب محمد 💋💋💋💋
أنت تقرأ
اغتصاب الطفوله
Short Storyيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
