اغتصاب الطفوله

لايفرقنا الا الموت البارت (1)

ليس لي في هاذهِ الدنيا مكان وحتى اذا شعرت بالامان يتلاشى في ثوان الى بقلب امي اجد كل الحنان

اني ليلى دااكتب الكم الساعه الواحده ليلاً من داخل المستشفى امنيتي اكمل قصتي قبل لا تكمل حياتي
اعرفكم بنفسي
ليلى
عمري 22سنه
سمره ودنفوشه يعني سمينه
الوحيده الامي وابويه بين قوسين المدلل ه

اتمنه اعيش قصة حب احس عندي نزف بالرومانسيه زياده عن اللزوم احب الحب والحياة والفرفرشه والضحك وكلشي ايونس والحمد لله كلشي متوفر عندي اله الحب
المهم اني كلش مدلل ه وكلش ايخافون عليه ماما وبابا
ايخافون عليه خوف بقلق كلشي مااسوي وكل طلاباتي اوامر بحيث ايضوجوني
بيتنه كلش جبيرر وعدنه خدامه وطباخه وسايق ماما مديرة مستشفى وبابا يشتغل بالدوله دون ذكر مركزه
احب اشتغل واتحرك َاساعد حته الخدم بشغلهم لاكن اهلي ايخافون عليه ميخلوني اسوي شي
من يبقه البيت فارغ اروح للطباخه ام سعدي اكلهه علميني اريد اطبخ لروحي اتعارض بس بعدين تقتنع لان اضل الح عليهه فتعلمت منهه كلش اهوايه شغلات وطبخات واني منا احب الاكل يعني الاكله من ايدي لوز تطلع
مستواي زفت بالدراسه لان ميحبون ايضغطون عليه اهلي ابد يعني نجحت رسبت عادي عند هم المهم اني مرتاحه واني هم اختصرت المسئله كملت ثالث متوسط ورحت معهد فنون جميله قسم نحت كلش احب العب بالطين والمعهد جوه يختلف ونسه وضحك وفرفشه حياة ثانيه بالنسيه اليه عكس بيتنه لان كلش اضوج من جو الاهتمام واهلي ميقنعون اني كبرت واتحمل مسؤليت نفسي وقراراتي بكلشي عدهم اني طفله صح كلشي متوفر اليه بالبيت بس اني احب اطلع واتونس ويه صديقاتي
خلصت سنوات المعهد َواتخرجت وجنت معجبه بشخص ويانه بالدوام كلش مرتب وشخصيته حلوه رغم بساطت حياته جنت من اشوفه قلبي ايدك وايديه ترجف مااعرف ليش بس اني متأكده حبيته من طرف واحد المهم اتخرجنه واني مااعرف اي شي عنه جانت فرصتي الوحيده اشوفه واحجي وياه بالدوام بس كلام صطحي ولا مره سولفنه وحدنه اني بهيج شغلات مو جريئه.

مره من المرات واني طالعه ويه صديقاتي لا كاني
بالمول يمه من شفته احس قلبي رجف وبالي شرد وضليت صافنه بغير وادي سلم عليه واتاخرت يله رديت السلام بين لهفت قلبي ولمعت اعيوني اتذكرت هوه هسه متزوج عيب هيج اسوي كافي ياقلبي يجيك غيره لتفضحني
اخ منجن ياعيوني لتنزلن دمعجن هسه
كابرت وبلعت البجيه
وكال السلام عليكم
اني ........... رائد وعليكم السلام
رائد.. اشلونج ليلى اشلونكم بنات شلون احوالكم وره التخرج
اني... الحمد لله والبنات هم زينات وهاذا حالنه نفتر بالمولات والاسواق شنسوي
رائد... هاهاها
اني... اشلونك واشلون زوجتك
رائد...... 😲😲😲😲😲😲

انتهى هاذا البارت والقادم اجمل
#زينب محمد