فتحت عيني بالمستشفى
وماما يمي
وبابا واكف بعيد ايباوع
واني حاقده عليه لان هيج ضربني
اجه الدكتور. وكال الحمد لله ع سلامتج بنتي
انشالله مابيج شي ضربتج الي ابراسج خفيفه
اني هنا صفنت كتله اني ممضروبه مابيه شي
كالي لا والدج كال داخت ونزف خشمهه ووكعت ع الدرج وانشك راسهه
احنه ضمدنا الجرح ميحتاج خياط اشويه بس نتاكد ماعندج نزف داخلي و
انطلعج من المستشفى
راح الدكتور
دك تلفوني والمتصل رائد فتحت التلفون وحاجيته.
رائد..... الو اشلونج حياتي
اني...... الحمد لله زينه
رائد..... اشبي صوتج خومااتعاركتي ويه ابوج لان رفضني
اني..... مااكدر اسولف هسه لان اني بالمستشفى
رائد..... بيا مستشفى وليس اشصاير احجي لتشلعين كَلبي احجي ليلى موتيني
اني.... رائد تعال ع هاذي المستشفى وانطيته العنوان
دقايق ودخل رائد واعيونه عليه. كوه سلم عله اهلي لان ماخذ موقف من بابا ع السواه وياه
واباوع ع عيونه
ايريد يسئلني وايكولي اشلون وليش هيج صاير بيج
واعيوني اتكله اني بخير مادامك انته يمي
رائد..... خاله ام ليلى اشبيهه شنو الصاير
ماما..... احنه نحترم جيتك لهنا وتسئل ع حالهه بس بصفتك شنوو جاي زميلهه لو حبيبهه تره احنه بمجتمع عربي محد يتقبل هيج موضوع
ع العموم هيه زينه تكدر تتفضل
بابا..... واني مو كتلك من اليوم انته بطريق َوهيه بطريق
اني.... حجيت ماما بابا اشبيكم وياه اني احبه وانتو تدرون كلش زين ومهمها اتسون اني اريد رائد وراح اتزوجه. عود انتو اتحبوني من اتسوون هيج
والله اكتل روحي واخلص
رائد..... ليلى اشبيج اتخبلتي شنو اتكتلين روحج ديري بالج واذا بسببي كاعد اتصير هاي المشاكل اوعدكم بعد متشوفوني بس اني مااكدر اعوفهه احبهه ولو اخر يوم بحياتي يبقه هم اتزوجهه
اني..... شبعت بجي عله حجيه
حضنته وضليت ابجي ومااعرف اشلون حضنته
ومحسيت اله بابا جره وطلعه وهوه اعيونه مغوركه ادموع
وطلع رائد وبعد مااراح اشوفه
ومن طلع وصلتني رساله منه
____________________________________
رائد
مع السلامه ياروح رائد وقلبه عبالج راح اعوفج
لو راح انساج
ماارتاح اله اتصيرين مرتي
انتي بس اطلعي من المستشفى وشوفي اشراح اسوي
بس انتي لتحجين بيه كدام اهلج بعد
خلي ينسوني
مع الف سلامه
#################
ضليت ابجي حيل لحد ما اغمه عليه ااجه الدكتور انطاني مهدء وكلهم عدهه انهيار عصبي
ديرو بالكم عليهه
صرت اسمع حجيهم بس مااكدر احجي
مابيه حيل لحد مانمت
أنت تقرأ
اغتصاب الطفوله
Contoيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
