اخذت التلفون من زينب علمود اخابر خاله ام هشام فسجلت رقم هشام وطلع مسميته زينب شمم اني كلش ضجت كمت ارجف رحت للرسائل لكيتهه خاله قفل عليهن خابرت الخاله ام هشام سلمت عليهه وكلتلهه اعتذرتله واحنه بخير وانطيت التلفون لزينب
يوم الاربعاء داومت نص دوام وطلعت وحدي للشقه الي كلي عليهه هشام نلتقي بيهه بيوم الخميس وجنت ممصدكه زينب وهشام بينهم علاقه وبهل سرعه معقوله حبهه ورادهه وخاني ضليت اكل بروحي مااريد اطب واشوف زينب وهشام وانصدم وصارجسمي كله يرجف وادعي ياربي ميصير الي ابالي اني احب هشام مااريد اخسره بس اذا لكيتهم سوه اموتهم
دكيت الباب ودكيت ودكيت ومحد طلعلي درت وجهي اريد انزل واني مرتاحه وقلقه بنفس الوقت وانفتح الباب طلعلي صديق هشام كال اهلا سعاد اتفضلي كتله هشام اهنا كال لا كتله شكرا بس لتكوله اني اجيت لهنا
كالي اوك محتاجه شي تردين اخابره اني كتله لا شكرا
رجعت واني خايفه وومااعرف شسوي وبس ابجي ومااكدر اواجهم ولااحجي رجعت اخذت حبوب منوم ونمت للثنتين بلليل ياله كعدت
التلفون حاركه هشام حرك وامه وابويه مخابرين ايسئلون اشبيه ممداومه لان راجعه وحدي والبنات كايلات الهم نايمه من الضهرر لليل وضال بالهم لكيت زهراء كاعده وسولفتلي كلشي فكمت ابجي وصارحتهه كلتلهه هيج وهيج السالفه اني شاكه ب زينب وهشام زهراء كالت لا يمعوده اصلا هشام اخونه وحته زينب رغم علاقاتهه بس اتحبه وتحترمه كااخ
كلتلهه ليش اخذهه ع صفحه بالجزيره
زهراء كلتلي مسئلتي اذا هيج ضنيتي بيهم
تره حرام عليج هيج اتفكرين بيهم هاذا خطيبج واتعرفنيه من ونتوو اصغار العني الشيطان واتركي هاي الوساوس
حجي زهراء طمني كلش واحس رجعلي عقلي وصورت هشام اتغيرت وبدت تنضف بعيني
للصبح كاعده بقيت ف اتصلت ع خاله وبابا و طمنتهم وكمت بدلت ورحت للكليه لكيت هشام منتضرني.
وبده ايرزل
انتي وينج اتصل عليج وماكو
وادز رسائل اشبيج
شنو الغيرج
ليش من اجينه لهنا هيج صار حالج
اني اعتذرتله وكتله الدكتوره حاجتني كالت مستواج هاذا الاسبوع نزل وكلش ضجت طلعت من الدوام واخذت حبوب منومه ورحت نمت لان التفكير كتلني
هشام،، اذا ع الدكتوره انروح وانحاجيهه سوه واذا عليه اني مزعلان منج بس زعلان عليج
بعد جبدي اشبيج اريد اشوفج مورده مثل قبل ولج غير انتي قلبي يابعد قلبي وعمري وحياتي اني اموت عليج
اني،، وانته حياتي وكل يوم من حياتي حلوو انته الي سويته وبيك ووياك اني عايشه بسعاده وبدونك اني بهم وقهرر اترجاك لتخيب آمالي ولتعوفني بيوم من الايام
هشام،، منو كالج اني اعوفج شنو هاذا الحجي يله روحي لمحاضراتج ونلتقي اليوم العصرر اجيج اخذج للشقه
اني،، ميخالف انتضرك
هشام،، خلي زينب اتمكيجج واتعدلج
اني،، ليش شنو موحلوه لو بيه شي لو مااعرف اتمكيج زينب زينب لاحسه مخك
هشام،، علكيفج يابه اشدعواج اني شكتلج اتغارني من زينب لج بابا غير زينب تعرف اتسوي هاي السوالف وكتلج زينب. ياجلمه ردي لمجانج
اني،، اي خلي اترد جلمتك احسن
عاد كالي اضحكي عمي كلشي لتخلين الحلوو حلو من كاعه
ضحكت وكتله اي هيج كول احبك
أنت تقرأ
اغتصاب الطفوله
Short Storyيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
