راحت بيبي العصر اتحاجي خاله ام هشام اني رحت وياهه لان كلش ضايجه واريد احاجي هشام
دكت الباب بيبي طلعت الهه خاله
بيبي،،،،،، السلام عليكم انتصار اشلونج
خاله ام هشام،،،،،، هله بيج خاله وعليكم السلام انتي اشلونج . اتفضلي اتفضلي
دخلت بيبي للبيت واني وياهه
بيبي،،،، حبيبه ام هشوم اني جايتج بموضوع اشويه خاص ومستعجل
خاله ام هشام،،،،،، اتفضلي خاله كولي
بيبي،،،، خاله ابو سعاد شافج اليوم واجه كالي ايريدني اخطبج اله ايكول هيه حريصه ع الجهال واتحبهم وانشالله اتكون الهم مثل امهم اني كلتله خاف متقبل لان زوجتك اقاربهه وعيب منهه كال كليلهه وشوفي قبلت خير ع خير مقبلت هاهيه
خاله ام هشام،،،،،،. والله ياخاله ام محمد احرجتيني اني اكيف يجيني رجال مثل ابو سعاد وماالكه احسن منه مثل متعرفين اني ع الله وع هشام احسبله يوم يوم اشوكت يكبر علمود ايلمني
بيبي،،،، يمه القرار راجع الج اني راح اعوفج يومين اتفكرين
احمد شاريج ورايدج اتسنديه وره موتت مرته وهوه ايساعدج وايربيلج ابنج
بيبي،،،، اني رايحه الج يومين فكري ورجعيلي جواب.
حاجيت هشام كتله ابويه ايرد يتززوج امك
كال اي احسن علمود انعيش ابيت واحد
كتله زين. انته تقبل ايصير ابويه ابوك
كال اي شكو بيهه اني احب عمو احمد
كولوو حاجاني هشام وقنعني
خاله رجعت جواب موافقه بس خلت شرط ميتممون الزواج هسه بعد شهرين علمود ايصر لوفاة امي ٣ اشهر ونص
عدت التلث اشهر
وراحوو ابويه وعمامي وجدو وبيبي وخطبو خاله ام هشام من اهلهه. وابوهه قبل وهيه قبلت بس مهر وخطوبه ع سكيتي
لا هوسه ولاابد
وره الخطوبه بسبوع اتزوجوو
لبسوهه فستان ابيض واحنه هم اشترولنه ملابس حلوه واخذنه صور بس هيه طلعت اتجنن
وهشام واخواني لبسوو قوط ويه بابا واحنه البنات لبسنه بدلات
كلش اهواي صورنه وفرحانين
اني يوم عن يوم كمت احب خاله لان هيه ام هشام وكلش احب هشام وعاشو ويانه بيتنه يعني مااعرف شعبر عن فرحتي اصبح بوجهه امسي بوجهه من اضوج احاجي
عده العرس وبده الجد.
اني جبيره او مراهقه بنضر الناس بحيث كامو يحجون اشلون اني وهشام الغريب بنفس البيت خاصه هشام هم مراهق ومن كصتي من حجي العالم اضطر بابا ان يوديني البيت جدي اعيش اهناك علمود اخذ راحتي ومالبس حجاب كدام هشام.
صرت مثل ضل بيبي اتحبني واتخاف عليه
بس
من رحت اهناك وشبعت مذله كمت كل فتره وفتره اروح الاهلي صرت عند اعيال واني طفله. نسوان عمامي. عذبني يتأمرن عليه كلمن من صفحه
البارت الجاي احله انتضروني
أنت تقرأ
اغتصاب الطفوله
Short Storyيحتوي هاذا المحتوى ع مجموعة قصص كل قصه 10بارتات 1قصة شذى (اغتصاب الطفوله ) 2قصة سعاد (سعادة ) 3لا يفرقنا الا الموت (ليلى ورائد)
