زواج بالصدفه

الجزء(2)

في طريقها للقاعه ايمان شايفه الطلبه بضحكو فيها وبتحامسو
الطالب 1 : هههههه تاني مكتب المدير
الطالب2 : دي لازم يدخلوها كتاب جينس للمقالب
الطالب3: ههههه دي فاتت كتاب جينس
الطالبه1: هههه لكن ظريفه ...علي الاقل بتنتقم لينا من الدكاتره
كلهم : ههههههههههههه
...ايمان سامعه بيحكو عنها اتبسمت وواصلت طريقها( لانو دي ما اول مره يحكو عنها ) بس سمعت صوت بناديها ........
...: ايمان ايمو
ايمان : ستيف
ستيف : (بنفس متقطع) يا مجنونه مالك بتمشي سرعه كدا
ايمان : ( ببسمه) جايه من مكتب المدير
ستيف : الضحيه منو المره دي
ايمان : استاذ مزعج
ستيف : ما تقولي لي عشان شاكلك في المحاضره
ايمان :( بضحك) اكيد
ستيف : والعقاب شنو
ايمان : (بزهج)نفس عقاب المره الفاتت
ستيف :( بضحك) شاي
ايمان : اكيد .....الزمن لازم نلحق المحاضره
ستيف : تمام
...وصلو القاعه وقعدو جمب شلتهم الفاشله
( تعارف سريع علي باقي الشله .......
لارا ...... اول صديقه لايمان
ستيف......صديق الاسره ( ابوه وابو ايمان اصدقاء)
مايكل.(مايك).....تبع الشله بحب ايمان شديد
ديل الاربعه مدمرين الجامعه وما برضو في بعض ابدا ودائما بتعاقبو مع ايمان لانهم بساعدوها في تنفيذ العقاب)
بعد المحاضره طلعو علي الكافتريا عشان يتغدو ..
ايمان : لازم نتغدا سريع عشان انفذ العقاب
مايكل :(بنظرة حب) حقيقه شايك حلو
ايمان : تسلم بس ما بحب اعملو وكمان للكم الهائل من الدكاتره ديل ..كدا اوووفر شديد
لارا : ههههه ومقالبك دي ما اووفر
ستيف : ايمان والمقالب ...الله يعونا نحن
ايمان : ما تحسسوني بالذنب ياخ
ستيف : انتي مستحيل تحسي بالذنب بالذات في المقالب هههههه
ايمان : اووف اوكي اطلبو الاكل انا جوعانه شديد
مايكل : اوك
............

نرجع للسودان .............

محمد : عبدو الف مبروك يا ولدي كل شي تمام والعرس حددنا بعد شهر
عبدالله : الله يبارك فيك بابا
مها : انت عارف يا محمد انا حسيت انو سحر دي ما موافقه
محمد : يمكن بتخجل بس لانها وافقت
عبدالله : ما تخافي يا ماما كل شي بخير وانا بحبها وهي بتحبني
مها : ما دام بتحبك كلو خير
محمد : انا اتصلت لعمك احمد وقال حيجي قريبآ
عبدالله : ربنا يجيبو بالسلامه
مها : امين
سهى : انا لازم امشي السوق
وليد : انا شخصيا ما بمشي معاكي
عبدالله : سهى حبيبتي انا بمشي معاكي
وليد : اي دلعا بس لمن تتزوج تاني منو بدلعا
عبدالله : وليد عندنا اخت وحده لو ما دلعتها ادلعك انت
وليد : اووف مزعجين
سهى : (طلعت لسانا )ههههه

...........
ايمان اتونست مع اصدقائها ورجعت البيت دخلت غرفتها واخدت دش ومسكت كتاب قعدت تقرأ ( كتاب روايات لانها بتحب القراءه) لحدي زمن العشاء نزلت تحت تتعشا مع العيله وفي طاولة العشاء

احمد : يومك كيف حبيبتي
ايمان : (بضحكه)عادي
ايمن : (قرب من اضانا وهمس) الليله المقلب في منو
ايمان : (بهمس) استاذ مزعج
ايمن : (بهمس) والعقاب
ايمان : (بهمس) شاي لكل الدكاتره ..عليك الله عمو دا ما ببالغ
ايمن :( بهمس) عقاب بسيط انا لو في محلو بخليك تنظفي حوش الجامعه
ايمان : شرير
سامي : سامعكم انا
ايمان : (بضحك)المهم بابا ما يسمع
سوسن : بتتهامسو في شنو انتو الثلاثه
ايمان : ولا شي ماما
احمد : ركزو معاي عندي موضوع مهم
كلهم ركزو .....
احمد : ولد عمكم محمد عرسو بعد شهر ونحن لازم ننزل السودان بعد اسبوع عشان نساعدهم ونقيف معاهم
ايمان : الف مبروك ليهو بس انا ما ماشه
احمد : لازم تمشي عشان تتعرفي علي اهلك اخر مره ابيتي تطلعي تسلميهم كلهم بقولو عليك انطوائيه بس انتي هسي عاقله نوعا ما
ايمان : بابا نوعا ما
سامي : ههههههههع
ايمن :خههههههههه
سوسن :ههه
ايمان : اوك بابا بس والجامعه
احمد : ما تخافي اخدت ليك اذن من مصطفى(المدير)
ايمان : اوووف يعني مافي مهرب
احمد : لا مافي
ايمان : (بزعل) اوكي
سوسن : خليكي متفائله شويه
ايمن : ايمو ممنوع المقالب هناك اوك
سامي : خلي الثلاثه اسابيع دي تمر علي خير
ايمان : (بضحك) ما بوعدكم بس بحاول
احمد : مافي زول اتفاجئ بموضوع الزواج غير ايمان
ايمن : عبدالله صديقي وكلمني بدري
سامي : انا كمان مصادق وليد وكلمني
ايمان : هههههههه بس انا مصادقه نفسي وبس
احمد : مصطفى قال حيصور ليكي المحاضرات البتفوتك
ايمان : ما تكلفو لانو لارا وستيف ومايكل حيتكفلو بالموضوع
احمد : اوك .. بس انتي لي ما بتصاحبي سودانين
ايمان : هههه بابا كفايه عندي ايمن وسامي
احمد : اصلا ما بتتعلمي ..لكن لازم تتزوجي واحد سوداني
ايمان : بابا زمن الزواج دا لسه
احمد : انتي خريجه السنه دي
ايمان : بابا انت عارف انا برفض فكرة الزواج المدبر والتقليدي
احمد : ايوا عارف
ايمان : انا عاوزه واحد يحبني واحبو واكون اميرتو زي قصة ساندريلا
ايمن :هههههههه
سامي : ههههههههه قسما انتي شافعه
احمد : هههه ربنا يديك البتحلمي بيهو
ايمان : امين با بابا ..بس اوعدني تاني ما تفتح لي موضوع زواج
احمد : بوعدك
( ايمان كانت بتحلم بالزواج عن حب بس ما بتعرف انو قدرها شي تاني )
تاني يوم الصباح صحت ايمان ولبست منطلون جنز مشرط وقميص ابيض عالكمر ونعال ابيض كعب وسرحت شعرها وكالعاده ختت الطرحه في رقبتا ونزلت .......
ايمان : صباحو يا اجمل بابا
احمد : صباحو حبيبي
سوسن : صباحو يعني ما شايفه غير ابوكي
ايمان : اسفه صباحو يا اجمل قمر
سوسن : صباحك نور
ايمان : الكسولين نايمين
سوسن : ايوا يا الكسوله الثالثه صاحيه بدري لي
ايمان : عندي محاضره بدري
احمد : ايمو حبيبي ...خطي راسك
سوسن : الف مره بقول ليكي الطرحه للشعر ما للرقبه
ايمان : اوكي اوكي باي
طلعت من البيت سريع ( هربت منهم) وركبت مع السواق وصلا الجامعه ....نزلت بكل ثقه ودخلت الجامعه ..طالعه عسل وجادعه الطرحه في رقبتا ( ما بتسمع الكلام ) لاقت شلتا البايظه ........
ايمان : شباب اخباركم ( فاتت قريب سلمت لارا بالاحضان)
ستيف : تمام وانتي اخبارك يا عسل
مايكل : طالعه مزه
لارا : نفس الكلام بتعيدو ليها كل يوم هههههه
ايمان : عندي ليكم خبر مزعج
كلهم: احكي
ايمان : (بحزن)الاسبوع الجاي نازله السودان لانو ولد عمي عريس ولازم نحضر عرسو
لارا : (بزعل)حنفقدك
ستيف : مبروك وعقبالك
ايمان : لا انا لسه ياخ
مايكل : الف مبروك
ستيف :(بمزاح) يمكن تلقي ليك عريس هناك ما معروف
ايمان : لا انا ما حابه اتزوج سوداني وكمان زواج تقليدي نو نو
مايكل : احلى شي زواج عن حب
ايمان : صح حب ورومانسيه
ستيف : مجنونه
لارا : انا كمان بحبذ الزواج عن حب
ستيف : (نظرات حب ) صح حلو
ايمان : بس ما عاوزه اسافر حأشتاق ليكم
مايكل : كل يوم حنتكلم معاكي صوره وصوت لمن تزهجي مننا
ستيف : الجامعه حتكون هاديه لثلاثه اسابيع
ايمان : الدكاتره حيكونو فرحانين ومرتاحين المده دي
لارا : (بدموع)بجد حنشتاق ليكي
ايمان : لا تبكي حبيبتي كلها ثلاثه اسابيع وبرجع اولع الجامعه
ستيف : زمن المحاضره
ايمان : المحاضره مع منو
ستيف : دكتور مزعج
ايمان : هههه يا ويلي انا بقعد ورا
مايكل : دكتور دنجرس (dangerous) ما جاء
ايمان : نفسي اعمل فيهو مقلب
ستيف : دنجرس دا بقتلك
لارا : ابعدي عن الشر حبيبه
ايمان : ليهو يوم

كلهم دخلو القاعه وقعدو ورا وطبعا الدكتور عرفها وشغال يحمر ليها ههههه المهم المحاضره انتهت واليوم انتهى عادي ومره الاسبوع بسرعه وجاء زمن السفر .....ودعت اصدقائها وودعت بيتهم ولندن والي السودان ..........

نشوف الحيحصل شنو والاحداث المنتظراها في السودان؟