زواج بالصدفه

الجزء (11)

وصباح اليوم التاني ايمان صحت من النوم لقت نفسها في السرير والغرفه مرتبه كأنو ما حصل حاجه واتذكرت الحصل بالليل و شكل الغرفه وانها كانت نايمه في الارض ... وشافت عبدالله نايم في الكرسي حمرت ليهو 😒 وقامت وقفت في المرايه شافت نفسها بملابسها وشعرها طاير... دخلت الحمام اخدت ليها دش وغيرت ملابسها ببجامه طويله وسرحت شعرها كعكه ...بعدا سمعت دق في الباب فتحتو لقتو النادل جاب ليهم شاي وحليب وكيك ومزينين ليهم الصفرة وختو ليهم ورود حمراء 🌹 شالتو منو واتشكرتو....
ايمان : ممكن اسألك🙂
النادل : اكيد مدام 😇
ايمان : مين نضف الغرفه امس
النادل : السيد عبدالله امس جاء متأخر ونادا الخدم عشان ينضفو الغرفه وانتي كنتي نايمه يا مدام السيد شالك رقدك في الكرسي وبعدا نضفو الغرفه وسألنا اذا اتعشيتي ولا لا لما قلنا ليهو المدام ما طلبت عشاء شاكلنا كلنا 😬
ايمان : دا كلو حصل 😯
النادل : ايوا يا مدام وزوجك دا عصبي بجد
ايمان : بعرف😬.. اوكي شكرا ليك
...النادل فات وايمو دخلت الصفرة جوه وختتو في التربيزه الجمب عبدالله وقالت....
ايمان : سيد وحش 😒 انت ما بتعرف البزعل ايمان بحصل ليهو شنو 😏 انا لو ما خليتك تندم ما بكون ايمان احمد وحتشوف 😒
...ايمان كبت شاي ساخن في الكبايه وختتو جمب عبدالله وبراحه مسكت يدو ودخلت ليهو اصبعو في الكبايه(حرام عليكي يا ايمو) وبراحه جرت دخلت الحمام.... عبدالله اتخلع ونطا قام من الكرسي ودخل اصابعو في المويه البارده...... ايمان طلعت من الحمام كأنها ما عارفه شي لقتو خاتي يدو في مويه بارده ابتسمت ابتسامة نصر براحه وجات جمبو وسألتو.....
ايمان : في شنو 🙄
عبدالله : ولا شي ايدي اتحرقت بالشاي
ايمان : (بهمس) اريتك تتحرق انت
عبدالله : قلتي شنو
ايمان : (ببرائه) قلت ليك سلامتك
عبدالله : تسلمي
ايمان : صح عاوزه اقول ليك ما عاوزه منك اي اعمال غيريه 😒 تاني ان شاء الله لو نايمه في النار ما تلمسني واضح
عبدالله : كان لازم ينضفو الغرفه
ايمان : ما مشكلتي 😒
عبدالله : وانتي زوجتي يعني ما فيها حاجه لو لمستك
ايمان : حابه اوضح ليك شي مهم نحن متزوجين بالاجبار وعشان اهلنا ما اكتر وزواجنا بس علي الورق فهمت
عبدالله : لا ما فهمت انا وعدت بابا اديكي حقوقك كامله وانا حأجرب اعمل كدا
ايمان :(بغضب) 😡 انا ما فأرة تجارب عشان تجرب الزواج معاي... الزواج لازم يتبنى علي الثقه والحب والاحترام وبدونهم ما بيكون في اي معنى للزواج 😭😭😭 وانت لا بتحبني ولا بتثق فيني ولا حتى بتحترمني 😭😭😭😭 انت قايلني ما عندي قلب اه احكي ...
عبدالله : ايمو انا ما قصدي كدا انا وعدت بابا ادي فرصه لزواجنا بس بقصد كدا
ايمان : انا ما عاوزه اي فرصه معاك... انت متذكر امس عملت شنو صح
عبدالله : انا اسف علي كل شي حصل امس
ايمان : عبدالله الاسف عمرو ما صلح شي انا ما عاوزه الزواج دا وانت كمان عشان كدا نحن لازم نتطلق
عبدالله : انا مستحيل اطلقك😬 ما تحلمي حتى بالطلاق انا وعدت بابا انو
ايمان :(بصراخ) بكفي ✋ بعرف انك وعدت ابوك عدت لي الكلام دا الف مره😭.... بس نحن لازم نتطلق بعد سته شهور
عبدالله : ايمان اهدي
ايمان : لا ما بهدا انت بحق ليك تعصب وانا لا لي 😭انا بكرهك عبدالله بكر....
وقبل ما تتم كلامها داخت ووقعت ( اغمي عليها) عبدالله جرا مسكها وشالها رفعها في السرير وحاول يصحيها وبينادي عليها ...
عبدالله :(بخوف) ايمان ايمان اصحي ايمان😨... انا اسف دا كلو بسببي😣 افتحي عيونك ايمان..
... حاول يصحيها ورشاها مويه بس بدون فائده لانها ما صحت.. عبدالله خاف شديد خطاها باقرب توب وشالها جرى بيها اقرب مستشفى... بعد الدكتور فحصها......
عبدالله : (بخوف) دكتور ايمان كيفها اه
الدكتور : هي بخير ما تخاف 🙂
عبدالله : لي فقدت الوعي وما صحت حتى لمن رشيتها مويه
الدكتور : لانو جسمها ضعيف عندها كم يوم ما اكلت وما قاعده تنوم صح
عبدالله : اي الايامات دي كانت صعبة عليها
الدكتور : انتو عرسان
عبدالله : ايوا
الدكتور :  الف مبروك وحاول خليها مبسوطه وما تزعلا وما لازم ترهق نفسها
عبدالله : حاضر يا دكتور
الدكتور : هسي ركبت ليها سيروم لمن يخلص ممكن تطلعا ...بس هي نايمه وهسي بتهلوس
عبدالله : ممكن اشوفا
الدكتور : اكيد بس ما تزعجا
عبدالله : حاضر . وشكرا ليك 🙂
.... بعد الدكتور فات عبدالله دخل الغرفه لقا ايمان نايمه ومركبين ليها السيروم جاب كرسي وقعد جمبها ايمان بدت تصحا وبعد صحت لقت نفسها في المستشفى حاولت تقلع السيروم بس عبدالله وقفها وقال ليها لازم تخلصيهو ما ردت ليهو... ولما خلص السيروم جاء الدكتور طلعو ليها وقامت عاوزه تمشي بس داخت تاني وقربت تقع عبدالله مسكا وسندا وطلعو من المستشفى وركبا العربيه رجعو الفندق.. رقدها في السرير وطلب اكل جابو ليهم الاكل بس ايمان رفضت تاكل...
عبدالله : ايمان لازم تاكلي انتي ليكي كم يوم ما اكلتي وجسمك بقا ضعيف
ايمان : ما عاوزه
عبدالله : الجوع ما بيعالج شي
ايمان : ما مشكلتك
عبدالله : كويس انا موافق
ايمان : علي شنو
عبدالله : علي الطلاق.. بعد سته شهور بنتطلق كدا انتي مرتاحه
ايمان : اي 😀
عبدالله : بس اذا رفضتي تاكلي ممكن اغير رأي
ايمان : لا خلاص باكل
... ايمان اكلت مع عبدالله وبعدا نامت شويه وقامت اخدت حمام وغيرت ملابسها بمنطلون جنز ابيض وقميص كبدي وشبط كبدي وطرحه بيضاء ختتو في رقبتها وسرحت شعرها كعكه واتعطرت... عبدالله سألها....
عبدالله : ماشه مكان
ايمان : لا نازله تحت لكافترية الفندق حابه اشرب قهوه
عبدالله : اطلبها ليك
ايمان : لا حابه اغير جو زهجت من قعدت الغرفه
عبدالله : خلاص حامشي معاكي
ايمان : لا حابه اقعد لحالي شويه
عبدالله : تمام
..ايمان نزلت تحت قعدت في الكافتريا وطلبت قهوه وقعدت تشرب القهوه وبعد خلصت طلعت بره الفندق اتمشت شويه جمب الفندق واثناء ما هي بتتمشى شافت سحر ومعاها ولد 🙄😱ايمان اتخلعت لمن شافتها بس سحر ما لاحظت لايمان ...ايمان جرت الفندق عشان تكلم عبدالله..

-----------------------------------------------------------
  البارت دا قصير بس ما لقيت فرصه عشان اكتب بس ان شاء الله البارت الجاي حيكون طويل 🤠