تاني يوم ايمان صحت علي صوت امها......
سوسن : ايمو ايمو
ايمان : 😴 خمس دقائق ماما
سوسن : يلا حبيبتي الساعه 9
ايمان : اوك
...ايمان صحت بنعس ودخلت الحمام اخدت دش وصلت و غيرت لبست بجامه طويله مرسوم فيها 🐻 ونزلت تحت قبل ما تصل الصاله اتزحلقت بحاجه و....
ايمو.....
نزلت من السلم و قبل اصل نهاية الدرج اتزلقت بحاجه و جيت واقعه من فوق السلم ( كنت حاقع واضرب راسي بس) كنت بصرخ😰 باعلى صوت وغمضت عيوني بس فجاه حسيت بيد مسكتني وجراني عليهو اتمسكت بيهو وفتحت عيوني👀 واستعدلت سريع وشكرتو
......
ايمان : شكرا بجد كنت حأتسكر
عبدالله : عفوا بس انتبهي علي نفسك
ايمان : تسلم وثانكيو مره تانيه
عبدالله : 🙂
ايمان واصلت طريقها ووصلت الصاله ولقتهم كلهم مجتمعين.....
ايمان : صباحو
كلهم : صباحك خير
مها : نحن شربنا الشاي وفطرنا. امشي المطبخ وافطري مع سها
ايمان : حاضر خالتو
ايمان وسهى قعدو يفطرو مع بعض في طاولة المطبخ .......
ايمان : انتيمي حاسه بيكي ما طبيعيه
سهى : انا بخير بس تعبانه شويه
ايمان : (بقلق) تعبانه
سهى : ما تخافي تعب بسيط وبيروح بس عندي طلب ممكن
ايمان : انتيمي طلباتك اوامر
سهى : انا تعبانه وما بقدر امشي السوق مع عبدالله ممكن انتي تمشي معاهو
ايمان : لا ما بقدر.. لاني ما بعرف زوقو وكمان انا ما متعوده
سهى : بليز قلبي والله تعبانه و..
قبل سهى تكمل كلامها خطت ايدها في راسها ايمان خطت يدها في راس سهى لقتو مسخن خافت ونادت
ايمان : ماما عمو بابا خالتو
كلهم دخلو المطبخ وهي كانت خايفه 😱 وما عارفه تتصرف خاته يدها في راس سهى وبتبكي 😥 وسهى فقدت الوعي.... عبدالله شال سهى وصلها غرفتها ورقدها وكلهم خايفين عليها وايمان جرت المطبخ جابت مكمدات ومويه بارده وبدت تعمل ليها مكمدات...وابو سهى اتصل للدكتور وجاء باسرع وقت... بعد فحصها اداها إبره 💉 وطلع بره غرفتها وطمنهم.....
محمد : (بخوف) دكتور حالتها كيف
مها :(بخوف) حالتها سيئه بتحتاج مستشفى
دكتور : لا حرارتها بتنزل وهي بخيراطمنو
عبدالله : ليه حرارتها ارتفعت
دكتور : تعب وارهاق وهي جسمها ضعيف ما بتحمل
احمد : بنيتها ضعيفه
دكتور : اديتها حقنه خافضه للحراره وحتتحسن.... بس محتاجه راحه
محمد : تسلم دكتور
دكتور : بالعافية ان شاء الله
...عبدالله طلع مع الدكتور والباقين دخلو يطمنو عليها لقو ايمان قعده جمبها وماسكه ايدها وبتبكي طمنوها و بعد ساعتين 🕒 صحت سهى واطمنو عليها ونزلو وايمان قعدت معاها.......
ايمان : انتيمي حاسه بحاجه
سهى : حاسه بألم في طبلة اضاني
ايمان : ليه
سهى : لانو في شخص قعد يبكي في اضاني
ايمان : اسفه
سهى : بهزر معاكي يا مجنونه
ايمان : (بحزن) خفت عليكي كثير
سهى : ما تخافي ...يلا ابتسمي
ايمان : 🙂 ما تخوفيني عليكي
سهى : حاضر يا قلبي...... اخبار لارا واصحابك شنو
ايمان : لاااااااا
سهى : في شنو يا مجنونه
ايمان : من وصلت ما تصلت ليهم حيقتلوني
سهى : انتي ما شغلتي الشريحه
ايمان :لا ما شغلتها
ايمان جرت غرفتها وطلعت تلفونها ودخلت الشريحه وعملت خدمه واتصلت للارا اسكاي صوره وصوت وبعد كم رنه .....
ايمان : لارا
لارا : ايمو 😍 مشتاقين كثيييييييير
ايمان : وانا مشتاقه ليكم اكثر
لارا : نسيتينا يا بياعه بجد زعلنا منك لقيتي اهلك ونسيتينا
ايمان : سوري حبيبتي كنت مشغوله كثير... انتو دائما في القلب
لارا : اجواء العرس كيف
ايمان : لسه الاجواء ممله .. كل المرح حيبدا الاسبوع الجاي
لارا :حلو
ايمان : وين مايكل وستيف
لارا : خليتهم جوا الكافي عشان اتكلم معاكي براحه لانهم مزعجين
ايمان : بليز عاوزه اتكلم معاهم
لارا : اوك
دخلت لارا جوا الكافي وقعدت بين ستيف ومايكل وكملت كلامها....
لارا : ايمو ديل المجانين
ستيف : ايمو مشتاقييييييين
مايكل : مشتاقين كثيير
ايمان : كثيييير والله اشتقت ليكم وللجامعه وللندن كلها
ستيف : صراحه الدكاتره ارتاحو منك هههههه
ايمان : بقيت مؤدبه 😁
ستيف : ما عملت مقالب
ايمان : نهائي
ستيف : احي السودان انا هههههه
ايمان : اكيد الدكاتره اشتاقو لي وعمو مصطفى وصلو ليهو تحياتي
ستيف : الجامعه بقت شينه بدونك
ايمان : الايام ما بتمشي سريع بدونكم
ستيف : احسن اجواءكم من المحاضرات الممله دي
ايمان : هههههه
لارا : ستيف كفايه دور مايك
مايكل : ايمو
ايمان : مايك شوق خاص ليك
مايكل : كميات والله
ايمان : الجديد شنو
مايكل : زهج بس اشتقنا لمقالبك
ايمان : اشتقت للدكاتره ههههههههه
مايكل : بس هم ما اشتاقو ليكي ههههههه
ايمان : سلمو لعمو مصطفى
مايكل : العرس حيخلص متين عشان ترجعي
ايمان : لسه اسبوعين وكم يوم
مايكل : استمتعي
ايمان : بحاول
لارا : ايمو لا تنسي صوري لينا كل اللحظات اوكي
ايمان : حاضر
ستيف : ايمو ما لقيتي فارس احلامك هناك
ايمان : لا وانا ما بفتشو... حتتلاقا عيونا وقلوبنا ويجمعنا القدر
مايكل : قصص الحب تبدأ من نظره
ايمان : ما تخلوني ادخل عالم الخيال
لارا : ايمو حبيبتي لازم نودعك المحاضره قربت
ايمان : المحاضره مع مين
لارا : dangerous
ايمان : اوكي باي
لارا : باي
ستيف : اتصلي لينا دائما ما تنسي
ايمان : اوكي
مايكل : خلي بالك من نفسك ايمو
ايمان : اوك وانت كمان
...ودعت اصدقائها قفلت الخط وفاتت خرفت سهى......
سهى : ساعتين ولا ثلاثه ساعات ونسه
ايمان : اشتقت ليهم
سهى : الاصدقاء حلوين شديد
ايمان : انتي اصدقائك وين
سهى : بعد التخرج اتفرقنا ..هسي انتي وسحر صديقاتي وايمن وسامي ووليد اما عبدالله دا ليهو مكانه خاصه لانو اخ بطعم اب وصديق
ايمان : ربنا يحفظك ويحفظهم
سهى : امين
ايمان : ممكن تحكي لي عن سحر
سهى : سحر😍 صديقتي من الطفوله لانو ابوها وابوي اصدقاء شديد دائما بنزورهم وبزورونا ودرست معاي في جامعه واحده بس تخصصاتنا كانت مختلفه بس حتى في الجامعة كانت اقرب صديقه لي بس سحر كتومه ومستحيل تظهر لزول المها
ايمان : صداقه قويه وقديمه...بس لي سحر ما بتثق فيكي
سهى : بتثق فيني بس بطبعا كتومه ما بتشارك المها مع زول بس دائما بتشارك سعادتها
ايمان : حلو كثير... احلى شي الانسان يشارك فرحو بس الحزن الافضل ما تزعج الناس بيهو
سهى : بتخت سعادة الجميع فوق سعادتها
ايمان : مميزه بجد
سهى : انا بحبها شديد وليها مكانه خاصه
ايمان : بتستاهل... احكي لي عن قصة حبها هي وعبدالله🙂
سهى : هي ما حكت لي عن حبها لعبدالله بس عبدالله بحبها شديد وبحترمها وبحبها من الطفوله بس ما بظهر لاي شخص بس انا اختو وبفهم كل شي عنو
ايمان : واو بالجد قصة حبهم حلوه 💕
سهى : حلوين مع بعض
ايمان : بتمنى ليهم السعاده من كل قلبي
سهى : جوعتيني بأسئلتك الكثيره
ايمان : سوري انتيمي بس انتي عارفه اني فضوليه
سهى : يلا ننزل
ايمان : بس انتي لسه تعبانه
سهى : ما تخافى انا كويسه بعد اخدت الحقنه اتحسنت
ايمان : بس
سهى : حبيبتي انا كويسه بس الارهاق والتعب ما بتنفع معاي لانو جسمي ضعيف شويه
ايمان : لازم تبعدي عن الارهاق والتعب.. وما دمت موجوده مستحيل اخليكي تتعبي
سهى : حاضر دكتوره ايمان
ايمان : شطوره يا مريضتي
سهى : هههههه مجنونه يلا ننزل
ايمان : يلا حبيبتي
..... نزلو تحت اتغدو وقعدو كلهم اتونسو ومرت الايام من تزيين لترتيب وجهزو البيت لحفلة الحنه وفضل للحفله يوم و.....
-————————
رايكم وتعليقاتكم تهمنى وبتمنى تعجبكم الروايه واسفه على الاخطاء اعذروني لانها اول روايه في واتباد 😘
أنت تقرأ
زواج بالصدفه
Randomتتحدث عن فتاة مشاغبه ولطيفه وحنونه وبريئه(نصف سودانيه ونصف غربيه).... وعن شاب قوي الشخصيه وقاسي من الخارج ولكنه لطيف وقلبه رقيق من الداخل (سوداني ) ....حنتعرف كيف كان لقاءهم وزواجهم عن طريق الصدفه .... البارت الاول حأكتب ليكم فيهو بعض الشخصيات وتوض...
