صباح اليوم التاني صحت ايمان متأخره كالعاده ( الخلا عادتو قلت سعادتو) اخدت دش وصلت ( دا صلاة الصبح ولا الضحى يا ايمو ) ونزلت ببجامتها القصيره دي ...امها مسكتها من ايدها وطلعت معاها الغرفه وقفلت الباب ..........
سوسن :(بغضب) ايمو دا شنو
ايمان : شنو
سوسن : لبستك دي
ايمان : ماما البجامه دي تحت الركبه ودي اطول بجامه عندي
سوسن : حبيبتي في بيتنا بتلبسي اي لبسه انتي حره بس هنا لا لانو البيت دا فيهو اولاد اولا وثانيآ ما حلوه تلبسي كدا قدام عمك وخالتك ..حمدلله انهم ما في زول شافك
ايمان : (بحزن) اسفه ماما بس انا ما فكرت في المواضيع دي لاني متعوده علي ملابسي
سوسن : حبيبتي ما مشكله بس كوني حذره في لبسك
ايمان : حاضر ماما بس انتي ما تزعلي ...لاني ما بقدر علي زعلك
سوسن : خلاص حبيبتي خليكي في غرفتك وانا بجيب ليكي بجامه طويله من سهى
ايمان : (ببسمه)اوك مدام ماما
....امها جابت ليها بجامه طويله ومعاهو طرحه كمان ...ايمان لبست البجامه وسرحت شعرها وكالعاده لفت الطرحه في رقبتها ونزلت(قلت ليكم ما بتخلي عاداتها) .........
ايمان : صباحكم خير
احمد : كيف اصبحتي بابا
ايمان : تمام
احمد : طيب شنو المزعل قمرك من الصباح ( قصدو سوسن لانو ايمو بتقول ليها قمري)
ايمان : نفس المشكله بابا.....
محمد : ان شاء الله نمتي مرتاحه
ايمان : حمدلله ....وين سهى؟
مها : سهى في المطبخ بتساعد رولا (رولا : اسم الحبشيه)
ايمان : ممكن امشي اساعدهم
مها : انتي بتعرفي تطبخي؟
ايمان : اكيد
سوسن : مها صح بتي متربيه بره بس بتحب الطبخ وبتساعدني طوالي
مها : انتي ما عندك حبشيه
سوسن : عندي بس بتجي تنضف وترتب بس انا بحب اطبخ بنفسي
مها : حلو
......... اثناء حديثهم ايمان مشت المطبخ ........
ايمان : صباحو انتيمي(طبعا بتقول لسهى انتيمي)
سهى : صباحو يا قلبي
ايمان : صباحو يا عثل ( للحبشيه)
رولا : صباحك خير
ايمان : خلوني اساعدكم شويه وبعدا عاوزاكي في موضوع مهم انتيمي
سهى : اوكي قلبي
ايمان : انتيمي انا مصدعه بجد
سهى : اجيب ليكي بندول
ايمان : لا كباية قهوه
سهى : خمس دقائق بس
.......بعد ايمان شربت القهوه ساعدتهم بتجهيز الفطور .....بعدا طلعت فوق مع سهى ..........
سهى : ايمو
ايمان : انتيمي محتاجه ملابس
سهى :حبيبتي دولابي كلو ليكي ما تستاذني
ايمان : ما بتقصري حبيبه بس انا عاوزه اتسوق
سهى : بس
ايمان : حابه اتسوق للعرس كمان ..عاوزه فستان حلو للعرس
سهى : حنة العروس الاسبوع الجاي وحنة عبدالله كمان
ايمان : طيب نروح عالشوبنج (سوق)
سهى : طيب نمشي.. سعد قشره .. للفستان وبعدا نشري ليك ملابس بيت اوكي
ايمان : اوكي
سهى : كنت ماشه السوق مع عبدالله ممكن نمشي الثلاثه مع بعض ...بكره مناسب معاكي
ايمان : اوك ما عندي مانع .....عندي طلب تاني ممكن
سهى : تؤمري يا حبيبتي
ايمان : عاوزه كرت بقصد شريحه
سهى : انا عندي شريحه جديده ما اشتغلت بيها
ايمان : حليتي لي مشكله ..تسلميلي يا احلا انتيم
سهى : عادي حبيبه ...نمشي السوق بكره
ايمان : اوك
...ايمو وسهى كملو ونستهم ونزلو تحت فطرو كلهم وقعدو في الصاله( احمد ومحمد ) و(سوسن ومها)و(ايمان وسهى وعبدالله ووليد وايمن وسامي)
.... خلونا نشوف كل مجموعه بتكلم في شنو....
احمد : شغلك ماشي كيف
محمد : ممتاز واولادي ما مقصرين معاي
احمد : ربنا يحفظهم
محمد : ويحفظ ليك اولادك كمان ..ما شاء الله ونعم التربيه
احمد : تسلم
محمد : صراحه يا احمد اخوي كنت بفكر في شي
احمد : احكي
محمد : كنت بفكر نزوج اولادنا لبعض ...امنيتي ازوج عبدالله لايمان بس عبدالله اختار عروستو ...فكرت ازوج ايمان لولدي الثاني وليد
احمد : صراحه يا اخوي انا ما عندي مشكله بس انا وعدت ايمو تختار الزول المناسب ليها ..وانا ما بجبر بتي علي زول ...وعدتا ما افتح معاها موضوع الزواج
محمد : زواج الغصب ما حبابو يا اخوي ..انا بسأل ايمان بس اول ربنا يتمم لعبدالله ولمن نفضى نشوف موضوعها
احمد : ان شاء الله
محمد : اخبار البورصه شنو .......
(خلونا نخلي رجال الاعمال ونشوف زوجاتهم..............
........
سوسن : اخبار العروس شنو
مها :(بحزن) كويسه
سوسن : مها في مشكله ولا شنو
مها : حقيقه يا سوسن انتي عارفه قلب الام وانا حاسه في حاجه حتحصل لولدي
سوسن : بعد الشر عنو ..ادعي ليهو بس
مها : حاسه انو سحر دي ما بتحب ولدي
سوسن : ما تخافي يمكن لانها عروس متوتره وخايفه بس
مها : ان شاء الله
سوسن : نمشي ليها زياره بكره
مها : اتفقنا
...................( نشوف الشباب بيحكو عن شنو.................
قعدين في هدوء كدا واي زول شغال بتلفونو(جيل التكنولوجيا) لحدي ..........
ايمان : اووف انتو ما بتملو من التلفونات دي ..ختو التلفونات دي في الطاوله سريع ..عندي ليكم موضوع ..
...كلهم ختو التلفونات في الطاوله ..........
ايمان : رايكم شنو بدل الملل دا نلعب Question and answer
سهى : قصدك صراحه وتحدي
ايمان : بالضبط
وليد : بحب اللعبه دي
سامي : انا كمان
عبدالله : بس اللعبه فضاحه
ايمن : اي كاشفة الاسرار
ايمان : اوكي خلونا نكشف بعض الاسرار ...جيبو القزازه
بشكر كل المتابعين وبتمنى تعجبكم الروايه وبتمنى تصلني آرائكم لانها تهمني وتعليقاتكم كمان
أنت تقرأ
زواج بالصدفه
Sonstigesتتحدث عن فتاة مشاغبه ولطيفه وحنونه وبريئه(نصف سودانيه ونصف غربيه).... وعن شاب قوي الشخصيه وقاسي من الخارج ولكنه لطيف وقلبه رقيق من الداخل (سوداني ) ....حنتعرف كيف كان لقاءهم وزواجهم عن طريق الصدفه .... البارت الاول حأكتب ليكم فيهو بعض الشخصيات وتوض...
