زواج بالصدفه

الجزء (18)

ايمان و عبدالله كانو مبسوطين لانهم نفذو خطتهم وبعد ما فطرو عبدالله طلع فوق عشان يتجهز لصلاة الجمعة ايمان لحقتو وقالت عاوزه تتكلم معاهو😃......
ايمان : عبدو
عبدالله : نعم
ايمان : بكره مشغول ولا فاضي
عبدالله : انتي عاوزاني في شي
ايمان : لا بس أصدقائي حابين يتعرفو عليك😇
عبدالله : حلو انا كمان حابب اتعرف عليهم 🙂
ايمان : اوكي بكره فاضي
عبدالله : اكيد (حتى لو ما فاضي حأفضا عشانك❤)
ايمان : اوكي بكره حنخلص الامتحانات وعاملين طلعه بسيطه كدا ...بعد الامتحان بتصل ليك تمام 🙂
عبدالله : طيب 😇
...بعدا عبدالله اخد حمام وطلع للصلاة.. ايمان كمان اخدت دش وصلت وعندها حاجات مهمة في شنطة السفر نزلتو وبقت تطلع في حاجاتها واثناء ما بتفتش شافت الهدية 🎁متزكرنها الهداها ليها عبدالله طلعتو ختتو في السرير وكملت باقي حجاتها ورفعت الشنطه وجات قعدت في السرير والمره دي اصرت انها تفتحا وتشوف فيها شنو ولمن فتحتها لقت فيها علبة قافلة فتحت العلبة لقتو سلسلة شكل قلب❤ بالذهبي مكتوب فيهو I love you  والسلسلة بتتفتح ولما فتحت السلسله فيهو محل لصورتين طبعا عجبها شديد😍😍 ولقت رسالة مع العلبه ...فتحت الرساله وبقت تقراها عبدالله كاتب فيها.....

    "" ايمو المشاغبة😁 انا بشجعك علي حلمك وبتمنى تلقي فارس احلامك عشان كدا ما لقيت افضل من الهدية دي لمن تلقي فارس احلامك ختي صورتو وصورتك كمان وخلي السلسلة دي دائماً في رقبتك كوني سعيده دائما😇 """

...ايمو كانت مبسوطه شديد و طايره من الفرح قامت شالت صورتها وقصتو وشالت صورة عبدالله من دولابو وقصتو❤ ودخلتهم في السلسلة وقفلتو بعدا لمت باقي الصور ودخلتهم في السلة ووقفت في المراية ولبست السلسله وبتشوف في نفسها😍 وكانت فرحانه شديد 😁وخاتة يدا في السلسلة وبتتكلم مع نفسها "يا الله كثثثثثثثثير حلو وراقي كمان والاهم من حبيب قلبي اححح بحبك كثير عبدو 😘"
..بعدا ايمان نزلت تحت وساعدت امها في تجهيز الغداء ورصو في الطاولة وكلهم اتلمو للغداء......
سوسن : واو حبيبتي سلسلك حلو😻
ايمن : حلو كثير
سامي : هداكي ليو زوجك😉
عبدالله : 😍💓
احمد : حلو
رزان : 😡
ايمان : تثلمووو
..بعد اتغدو ايمان ساعدت امها في المطبخ وبعد شربو الشاي واتونسو وطلعو غرفهم... ايمان بعد طلعت غرفتها لقت عبدالله قاعد في السرير وشغال بالتلفون📱.............
ايمان : شكرا
..رد ليها وهو لسة مدنقر في تلفونو .....
عبدالله : العفو
ايمان : 😒
..بعدا خت التلفون وتاني رجع اتكلم معاها.....
عبدالله : سعيد الحظ منو 💓😕
ايمان : بتقصد شنو😕
عبدالله : انتي لبستي السلسله ودا دلاله على انك لقيتي فارس احلامك صح؟
ايمان : ايوا
عبدالله : طيب سعيد الحظ منو
ايمان : ه هو ص صراحه 😖
عبدالله : لي اتوترتي كدا احكي عادي اعتبريني صديقك 😐
ايمان : صراحه انا بحبو بس ما بعرف اذا هو بحبني 💓
عبدالله : شنو بس كيف ؟
ايمان : انت بتعرف الحب ما بياخد اذن 😕
عبدالله : طيب ممكن اعرف مين القلبك اختارو 😕
ايمان : ص صراحه اانا نعسانة تصبح على خير 😁
عبدالله : وإنتي بخير 😐
...ايمان رقدت في السرير واتخطت وعبدالله اشتغل بالاب شوية ورقد جنبها وباسها في راسها 😙ونام جنبها بس ايمان كانت صاحية وحست بيهو لمن باسها وكانت مشوشة اذا كان بحبها ولا لا ونامت علي كدا...
...تاني يوم من الصباح ايمان صحت واتجهزت لقت عبدالله نايم باستو في خدو 😙ونزلت طلعت الجامعه ولاقت شلتها وكلمتهم بجية عبدالله وبعدا دخلو الامتحان وبعد خلصو فطرو مع بعض وبعدا طلعو كلهم قعدو في حديقة وايمان اتصلت لعبدالله ووصفت ليهو الحديقه واثناء ما هم منتظرينو😶........
لارا : ايمو ما تقولي لي انو الولد الجاي علينا دا زوجك😯
...ايمان اتلفتت لقت عبدالله جاي عليهم....
ايمان : ايوا هو زاتو😁
لارا : وسيييم😃
...لمن قالت كدا ستيف ضربا في ايدا....
لارا : ستيف بطل ياخ😑
ستيف : وسيم دا انا صح😐
ايمان : ما تبدو شكلكم عبدو وصل 😑
عبدالله : مرحبآ شباب
ايمان : دا بيكون عبدالله
مايكل : اتشرفنا بيك
ستيف : نورتنا
لارا : اهلا وسهلا بيك في شلتنا
باسل : مرحب بيك
ايمان : عبدو حأعرفك علي شلتي... حبيبتي لارا  وستيف ومايكل وباسل 😇❤
عبدالله : اتشرفت بمعرفتكم
ايمان : باسل بكون ولد اخوهو لعمو مصطفى
عبدالله : ولد عمو مصعب اتشرفنا
باسل : الشرف لي
..قعدو اتونسو مع بعض واتعرفو علي عبدالله اكتر ...
لارا : ووواو ايمو سلسلك فظيييع 😻
ايمان : تثلمي حبيبة 😘
..الشباب كانو بتونسو مع بعض والبنات مع بعض.......
لارا : دي هدية من عبدو صاح 😏
ايمان : ايوا 😁
لارا : فظيع بالجد انتي محظوظة وسيم وحنون وزوقو عالي 😇
ايمان : وستيف كيف 😉
لارا : انتي عارفه صديقك المجنون 😒👋
ايمان : ربنا يجمعكم انتو المجانين الاتنين 😂
... كملو ونستهم وبعدا فاتو كافتريا اتغدو فيها وكملو قعدتهم وونستهم ستيف ولارا كل شوية بتشاكلو (زي الكديسة والفاره) بس بحبو بعض شديد❤ ومايكل بتونس مع ايمو ويضحكو ( عبدالله ماسكو الغيرة) ايمو لمن تتلم مع اصدقائها جنها هزار ولعب كانت مبسوطه وبتضحك من قلبها 😁وعبدالله مركز معاها واليوم عدا بكل فرح وخلص وايمان وعبدو رجعو البيت تعبانين وعبدالله طلع الغرفه ايمان دخلت المطبخ تشرب موية لقت رزان جوا المطبخ ولمن رزان شافت ايمان اتوترت واتخلعت😨 بس ايمان ما ركزت معاها بعد شربت الموية طلعت غرفتها ولمن وصلت غرفتها حست بدوخه ونعس عبدالله لاحظ ليها وقبل ما تقع مسكها وشالها رقدا في السرير😴 ..قايلها تعبانه ووقعت من النعس بعد رقدها باسها في راسها😙(كل يوم لازم يبوسها عشان ينوم مرتاح😉) ورقد جنبها وقبل ما ينوم سمع صوت الباب فتح ولمن قام واتلفت علي الباب شاف رزان😒 جوه الغرفة ولابسة روب نوم فوق الركب😑 ( وقحة وما بتستحي) عبدالله لمن شافا اتخلع وقام سريع😨..........
عبدالله : انتي شنو الجابك هنا ودا شنو اللابساهو دا😡
رزان : عبدو 😍
عبدالله : اول شي امشي استري نفسك وبعدا نتكلم 😡😤
رزان : عبدو انا بحبك 😍
..وبقت تقرب منو وعبدو منزل راسو تحت وبتكلم معاها(ادب واحترام😎) ......
عبدالله : اخجلي من حالك واطلعي برا قبل ما افضحك قدام الناس كلها😤
رزان : بس كلهم نايمين لاني كبيت ليهم منوم عشان نكون مع بعض عبدو انا بحبك وحأفضل احبك بس ايمان ما بتحبك 😤 عبدو حبيبي بس اديني فرصة 😤
عبدالله : رزان اطلعي برا قبل ما ارفع يدي فيكي👋
رزان : عبدو انا مستعدة اقضي معاك الليلة دي(البت دي جاده 😶😱)وبعدا نتزوج انا وانت وانسى ايمان وطلقها لانها مستحيل تحبك بس انا بحبك
عبدالله : 😡😡😡
..رزان قربت من عبدو سريع وحضنتو... عبدالله لزاها وضربا كف👋لمن وقعت وبقت تبكي (تستاهل 😤)😭😭😭 .....
عبدالله : رغم كل حركاتك البتعمليها انا للان محترمك لانك بت خالتي بس انتي اتعديتي حدودك 😤 اياكي تقربي مني فهمتي انتي لو ما بتحترمي نفسك انا بحترم نفسي 😡وما تحلمي اني اتزوجك لاني مكتفي بزوجتي وبحبها فهمتي😤 .. وانتي ما بتساوي حتى ضفرها فهمتي
رزان : 😭😭😭😭
...عبدو مسكها من معصمها بقوة ورماها بره الغرفه و.....
عبدالله : المرة دي رميتك بره الغرفه بس المرة الجاية حأرميكي قدام ابوكي واحكي ليهو كل شي فهمتي😡😤
رزان : لا ارجوك 😭😭
عبدالله : اياكي تاني اشوف وشك دا قدامي لاني ممكن ارتكب فيكي جريمة😤 اختشي علي حالك واخجلي من عمايلك دي
رزان : 😭😭😭😭😭
...عبدالله قفل الباب في وشها وكان غضبان شديد لانو ما قايل رزان حتوصل للمرحلة دي وكان في قمة غضبو وخجلان لانو دي بت خالتو تعب من التفكير بلع حبة مهدء ونام ....رزان رجعت غرفتها بتبكي 😭😭😭😭وبتتكلم مع نفسها قالت "" عبدو رفضني ودا كلو بسبب الحقيره ايمان😭 قال بحبها كيف يحبها وزواجهم مجرد صدفه ولازم ينتهي 😭😭بس حتدفعي الثمن غالي يا ايمان😡 حتندمي على كل شي حصل اذا ما دمرتك ما بكون رزان وعبدو حيتقبلني غصبآ عنو وحتشوفو انتقامي 😡😡😡"""
صباح اليوم التاني رزان صحت ومعصمها بيوجعا لانو عبدالله ضغط عليهو شديد لمن محمر... فاتت المطبخ و ختت فيهو تلج.. سوسن لقتها ولمن سألتها قالت وقعت عليهو(😶)واي زول يسألها بتقول كدا.... كلهم كانو متحيرين كيف نامو بالسرعه دي بس رزان خايفه وساكتة وبتبعد عن طريق عبدالله (عشان عارفة النتيجة😁) وكل يوم بتكره ايمان اكتر😡 في يوم بعد عبدالله طلع الشغل.. ايمان كانت قعده براها في غرفتها بتقرا في كتاب رزان جات داخله الغرفه ............
رزان : 😤 انتي سبب كل مشاكلي
...ايمان قفلت الكتاب وختتو ووقفت فوق😒......
ايمان : انا ما قلت ليكي تستئذني بعداك تدخلي غرفتي 😑😏
رزان : 😂😂😂 مسكينة انتي ما عارفة البحصل وراكي
ايمان : قصدك شنو 😶
رزان : قبل كم يوم لما معصمي وجعني بتتذكري 😶
ايمان : ايوا والمشكلة شنو 😑
رزان : 😂انتي عيونك مغمضة وواثقه في زوجك ثقة عمياء 😂 بتعرفي في اليوم داك عبدالله قال لي اكب ليكم منوم عشان نكون مع بعض ونجحت خطتنا وقضينا احلى ليله انا وعبدو 😏
ايمان : مجرد تفاهات وكذب عبدو مستحيل يعمل كدا انا واثقة فيهو 😒😨
رزان : عارفاكي ما حتصدقيني بس اتقبلي حقيقة انك مجرد زوجة بديلة 😏 وعبدو حيطلقك ويتزوجني افهمي كويس انك زوجة بديلة 😏
...ايمان طوالي ضربتها كف 👋 ومسكتها من ايدها....
ايمان : انا مستحيل اكون زوجة بديلة بس انتي مجرد فاشلة وما محترمه لانك بتقربي من راجل متزوج 😡😤
رزان : 😭فكي ايدي يا ايمان وامشي حاسبي زوجك علي العملو زوجك هو الغلطان لانو بحبني وانا بحبو إنتي الواقفه في طريقنا 😭
ايمان : رزان 😤 اطلعي بره من غرفتي 😭
رزان : نصيحة ابعدي من طريقنا لانو عبدو كمان شايفك مجرد زوجه بديلة صدقيني هو قال لي كدا بنفسو 😭😏😭
ايمان : (بصراخ)  اطلعي برا 😡😭😤
...بعد رزان طلعت ايمان قعدت تبكي 😭😭😭 وبعد بكت فاتت غرفة امها وحكت ليها كل شي امها قالت الا تمشي لرزان بس ايمان وقفتها ورقدت في حضن امها (الام دائما هي الامان وهي البتهدينا وبتحس بزعلنا ربنا ما يحرمكم من امهاتكم 😘)....
ايمان : ماما بالجد انا خلاص ما قادرة اتحمل
سوسن : حبيبتي انتي لازم تتكلمي مع عبدالله
ايمان : حأتكلم معاهو بس كلام رزان صح لانو اي شخص عرف زواجنا حيقول عني زوجة بديلة 😭😭😭😭
سوسن : حبيبتي دا القدر واي زول بقول عنك زوجة بديلة بكون واحد متخلف و مريض.. انتي ضحيتي عشانا وعشان سمعتنا 😘
ايمان : تعبت من كل شي 😖
سوسن : اصبري وكل شي حيتحلا 😘
ايمان : حاضر ماما 😔
...بعد ايمان اتكلمت مع امها ارتاحت شديد وكانت منتظرة المساء بفارغ الصبر عشان تتكلم مع عبدالله.. ورزان كانت مبسوطه عشان زرعت الشك في ايمان ومنتظرة طلاقهم بفارغ الصبر (حتتصدم)..... المساء عبدالله رجع البيت ودخل غرفتهم لقا ايمان بتلف في الغرفة ماشة وجاية وكانت متوترة... عبدالله سلم عليها ما ردت ليهو.. طوالي دخل الحمام اخد دش وطلع ولسة ايمان بتلف في الغرفة......
عبدالله : ايمان ايمان
ايمان : نعم
عبدالله : متوترة كدا مالك في اي مشكلة
ايمان : ممكن اسألك سؤال
عبدالله : اكيد
ايمان : اانت بتعتبرني زوجة بديلة 😭
عبدالله : انتي مجنونة 😤 مستحيل اعتبرك كدا 😑 دا منو القال ليكي كدا 😡
ايمان : ولا زول.. بس حصل شنو في الليلة الرجعنا فيها من الحديقة
عبدالله : 😶 لا ما حصل شي
ايمان : عبدو رزان حكت لي كل الحصل وقالت لي........,, ايمان حكت لعبدالله كل شي,,
عبدالله : استغفر الله 😤رزان كل يوم بتصدمني فيها اكتر كل الحصل هو,,  وحكي لايمان كل شي,,
ايمان : 😨 دا كلو حصل بس لي ما حكيت لي
عبدالله : ما حبيت اعمل مشكلة او افضحا لرزان بالنهاية هي بت خالتي.. اسف على كل شي حصل بسببا
ايمان : انا اسفه لاني شكيت فيك اسفه عبدو بس رزان 😭😭😭😭😭
عبدالله : ايمو دي ما غلطتك اهدي
...ايمو لسه كانت بتبكي عبدالله حضنا 🙈 ايمان بعد هدت زحت منو وعبدالله اصر انو يمشي يشاكل رزان بس ايمان منعتو بس عبدالله بعد ايمان دخلت الحمام عشان تاخد دش طلع من الغرفة وفات لرزان ..رزان من شافتو فرحت...................
رزان : عبدو 😍
عبدالله : كيف اتجرأتي تجرحي ايمان بكلامك 😡
رزان : انا ما اتكلمت معاها 😑 واذا قالت اي شي فهي كضابة
عبدالله : انا بعرف منو الكضاب ومنو الصادق😤 عشان كدا افضل تبعدي من طريق ايمان😡 ودا اعتبريهو اخر تحزير مني 😡
...عبدالله طوالي مشا خلاها غضبانه عشان خططا فشلت وقررت لازم تتخلص من ايمان 😤(البت دي ما طبيعية 😨) ...تاني يوم ايمان صحت لقت عبدو مافي قامت اخدت دش وصلت ولمن جات عشان تنزل من السلم  رزان كانت وراها رزان لزتها😱 واتدردقت لحدي ما وقعت تحت 😨😭

//////////////////////////////////////////////////////////////
  تتوقعو الحيحصل لايمان شنو ؟😨
  ورزان نهايتها حيكون كيف ؟😶
   انتو لو محل ايمان حتسامحوها ولا لا ؟😑