زواج بالصدفه

الجزء(3)

....في مكان اخر.....
محمد : عبدو لازم تمشي المطار تستقبل عمك واولادو
عبدالله : حاضر
وليد : انا كمان حأمشي معاك
محمد : بصلو بكره المساء
عبدالله : تمام
مها : اخر مره جو قبل خمس سنوات
محمد : اي اشتقت لي احمد والله
مها : وانا كمان اشتقت ليهم وخاصه لسوسن
محمد : اي وايمن وسامي اما بتو الدلوعه ايمان
مها : تتذكر المره الفاتت لمن نزلو السودان رفضت تطلع من الغرفه ورفضت تسلم الناس
محمد : كانت ممتحنه الشهاده بس كانت صغيره
مها : اي كان عمرها 17 وكانت عنيده شديد
وليد : ههههه تعبتكم للدرجه دي
سهى : انا كنت بمشي ليها في البيت وبنذاكر سوا وبنتونس يمكن لاني قدرها
مها : اي ما كانت بتحب غير سهى
عبدالله : انا ما متذكر اني قابلتها قبل كدا
وليد : انا شفتها كم مره بتسلم من بعيد وبتمشي هههههههه كانت خوافه وخجوله
محمد : ههههه ربنا يحفظا
...
.........ونرجع لبطلتنا

ايمو....
طول الطريق كنت بفكر كيف حأقضي الاسابيع الثلاثه دي بدون اصدقائي وجامعتي ومقالبي وكيف اتأقلم مع السودان واهلي اووف بكره الاحساس دا بس كلها ثلاثه اسابيع وارجع لحياتي
احمد : بنوتي الحلوه بتفكر في شنو
ايمان : بابا كنت بفكر في الثلاثه اسابيع دي يا ريت تنتهي سرعه
احمد : ما حتحسي بيها مع العرس واجواء الفرح
ايمان : بتمنى
سوسن : حبيبتي لو شفتي التعامل والحب في السودان يمكن تقرري ما ترجعي لندن
ايمان : مستحيل
سوسن : نشوف
...بعد انقضاء ساعات السفر واخيرا وصول الاسره الكريمه ..استقبلوهم عبدالله ووليد .......سلمو عليهم كلهم بس استغربو في ايمان كانو بعاينو ليها نظرات غريبه( كانت لابسه منطلون وتشيرت عالكمر وفاكه شعرها ولافه الطرحه في رقبتا) لمن شافتهم مخلوعين رفعت يدها وسلمت عليهم........
ايمان :(باستغراب ) هاي
لمن اتكلمت طلعتهم من شرودهم ......
عبدالله : اوو اهلا
وليد : ما تقولي لي انتي ايمان
ايمان : ايوا
احمد :(بضحك) اخر مره شفتوها كانت صغيره
سوسن : ايمو حبيبتي الطرحه ما
ايمان : للرقبه الطرحه نغطي بيها الشعر ..والله فهمت
سوسن : طيب لي ما بتنفذي ما دام فهمتي
ايمان : ماما بليييز
عبدالله : اتفضل يا عمو نكمل كلامنا في البيت
احمد : تسلم يا ابني
......بعدا ركبو العربيه (طبعا ايمان ركبت قدام جمب عبدالله لانها بتحب تقعد في المقعد القدام ...) ايمان وامها وابوها ركبو مع عبدالله ...سامي وايمن ركبو مع وليد .....واثناء ما هم في الطريق ......
ايمان : اوووف حاسه بسخانه
سوسن : ايمو حبيبتي مكيف العربيه في وشك
ايمان : بس كمان سخانه ......انت زكرني اسمك
عبدالله :(بضحك) انا عبدالله
ايمان : بلييييز علي المكيف للاخر
عبدالله : اوكي
ايمان : سوري بس انت العريس صح
عبدالله : ايوا
ايمان : اسفه بجد لاني ما باركت ليك ....الف مبروك بتمنى ليك زواج سعيد
عبدالله : تسلمي وعقبالك
ايمان : نو نو نو بليز ادعي لي باي حاجه تانيه بس زواج لسه بدري
عبدالله : هههههه لي
ايمان : لاني حتى الان لم اعثر على فارس احلامي
عبدالله : فارس احلامك
ايمان : ايوا
عبدالله : (ببسمه)ممكن توصفي لي
ايمان :(بفرح وتخيل) لازم يكو
احمد : ايمو
ايمان : ايوا بابا
احمد : كفايه ثرثره
سوسن : ههههه انت بتعرف بتك مستحيل تسكت
ايمان : اوف طيب سكت
احمد : لو سكتي لحدي ما نصل عندك شوكولا
ايمان :(بفرح) عادي بسكت
احمد : بتحداكي
ايمان : ايمو عمرها ما خسرت تحدي
احمد : نشوف
عبدالله :هههههههه
........ايمان سكتت نفسها بصعوبه لانها بتحب الكلام شديد ...وبدا ابوها يتونس مع عبدالله لحدي ما وصلو البيت ونزلو من العربيه ........
ايمان : واو اخيرا كسبت التحدي
سوسن : ههههه انتي وابوكي مجانين
عبدالله : هههههههه حلوين
ايمان : احم يلا مستر بابا لازم تجهز هديتي
عبدالله : ادخلو ارتاحو ....ايمان الثلاجه مليانه شوكلت
ايمان : واو يلا ندخل سريع
احمد : عبدالله اترحم علي الشوكولا
ايمان : بابا
عبدالله : هههههه
وليد : مالكم واقفين في الحديقه
ايمن : انا بعرف السبب منو( ونظر لايمان)
سامي : هههههه
ايمان : اوف ياخ
.........دخلو البيت استقبلوهم استقبال حار وسلامات احر ....وفضلوهم وطبعا ايمان وسهى سلامهم خاص هههه احضان وبكا ..بعد خلصو السلام قعدو كلهم في الصالون ضيفوهم ( معروف ضيافة اهل السودان ) ...وقعدو في الونسه والضحك كلهم مستغربين من لبس ايمان (شكلها بريطانيه بس ههه)
مها : ايمو ما شاء الله عليكي بقيتي قمر
ايمان :(بخجل) تسلمي خالتو
محمد : ما شاء الله عليكي بس لبسك دا
احمد : بعرف يا محمد بس ما تخاف بتنا مرسخين فيها الاغلاق والادب بس انا ما مقيدا في اللبس
سهى : ايمو بتصلي كيف بالملابس
سوسن : عندها حجاب الصلاه ...ايمو دي مسلمه في الصلاه بس اما في الطلعات والحفلات حتى الطرحه بتختها في رقبتها
ايمان : ماما الايمان في القلب....بليز ما تعلقو في لبسي
مها : بس يا بنتي
ايمان : انا كثييير تعبانه
مها : سهى وصليها غرفتها
ايمان : تصبحو علي خير
مها : لازم تتعشي
ايمان : لا ما جعانه بس تعبان
محمد : ما تكوني زعلتي من كلامنا يا بتي
ايمان : نو يا عمو مستحيل ازعل منكم انتو اهلي كمان
محمد : تسلمي
........طلعت ايمان مع سهى وصلتها الغرفه وسهى نزلت عشان ايمان تاخد راحتها ........ايمان دخلت الحمام اخدت دش وغيرت ملابسها ببجامه تلتربع ورمت نفسها في السرير ...ونامت نومآ هنيئا ......

يتبع.......
اووف والله ايدي خدرت من الكتابه ...