زواج بالصدفه

الجزء(14)

واخيرا وصلو لندن ايمان كانت مبسوطه شديد و طايره من الفرح😁 واول ما وصلو البيت جرت غرفتها وشغاله تتكلم....
ايمان : واخيرآ والله اشتقت ليكي يا خرفتي 😘 واشتقت لكل ركن منك لا اشتقت لكل ركن في لندن 😇I love you London 💃
ايمن وصل شنط ايمان لغرفتها ولقاها مبسوطه وتتكلم براها 😅...
ايمن : لو كنت عارفك حتنبسطي كدا كان جبتك لندن من بدري
ايمان : مبسوطه شديد و طايره من الفرح 😆
ايمن : دايما يا رب 🙂
ايمان : مشتاقه لأصدقائي شديد ونفسي اشوفهم هسي 😩
ايمن : الليله ارتاحي وبكره بتشوفيهم 🙂
ايمان : اوكي
...ايمن طلع وايمان بدت ترتب شنطتها في الغرفه وبعدا نضفت ورتبت غرفتها وبعدا اخدت دش ولفت المنشفه حوالينا وطلعت من الحمام (هي متعوده تطلع بالمنشفه في غرفتها) كانت مبسوطه وبتغني وفجاه شافت عبدالله قدامها 😱😳.. جرت دخلت الحمام 🚻 وبعدا اتذكرت انها ما عندها لبسه جوه بقت تتكلم معاهو.....
ايمان : عبدالله ممكن تناولني لبسه 😶
عبدالله : ابيت😏
ايمان : بليز
عبدالله : اطلعي شيليها براكي😏
ايمان : بطل بياغه ياخ عارفني ما بقدر اطلع كدا 😒
عبدالله : طيب😕 قولي بليز حبيبي
ايمان : 😒 لا مستحيل اقول كدا
عبدالله : طيب راحتك وانا ما بطلع من الغرفه😏😎
ايمان : بليز عبدو 😢 والا ببكي وبصرخ😤
عبدالله : طيب ما ناقص صداع 😌 بديكي ليهو
ايمان : ثانكيو🙃
...عبدالله فتح شنطتها عشان يشوف ليها ملابس لقاها فاضيه... فتح الدولاب شال ليها لبسه وقبل ما يقفل الدولاب لمح شي بيلمع ولمن شالها لقاها الهديه الهداها لايمان☹🎁 عرف انو ايمان ما فتحت الهديه... رجعا مكانها ومدا ليها اللبسه بعد لبست وطلعت كانت غضبانه طبعا😤😡.....
ايمان : اوووف😡 عبدالله
عبدالله : مالك😏
ايمان : اولا انت شنو جابك غرفتي 😤 وثانيا شنو العباطه دي
عبدالله : اولا انا زوجك عشان كدا حنكون في غرفه واحده🙃 ثانيآ حبيت اسمع كلمة حبيبي منك 🌚
ايمان : مستحيل نكون في غرفه واحده 😒 وامشي حبيبتك تقول ليك حبيبي👊
عبدالله : اهدي مافي داعي تعصبي🌚
ايمان : اوف بالجد انت واحد غياظ😒
عبدالله : اوكي.... يلا ماشي اخد دش ما فاضي ليكي 😌
ايمان : علي اساس انو انا الفاضيه ليك ثقيل 😒
...عبدالله دخل الحمام اخد دش وطلع شعرو بنقط مويه ايمان شافتو وقامت جابت ليهو المنشفه ......
ايمان : الزول لمن يستحما في حاجه بسموها منشفه 😒 ما قاعده في الحمام صوره👊😤
عبدالله : خايفه علي 😏
ايمان : اكيد لا خايفه علي غرفتي 😤
عبدالله : ولي تخافي علي غرفتك مثلا😕
ايمان : لانك حتبللا لي وانا بحب غرفتي تكون مرتبه ونظيفه فهمت😒
عبدالله : لا ما فهمت انا بفهم الساعه 12 ولسه ما جات😒
...عبدالله نط في السرير ورقد....
ايمان : 😒😤اووف
عبدالله : 🌚 مشكلتك
ايمان : اسمعني يا عبدالله لو حتقعد في الغرفه دي لازم تعرف القوانين 😤 اولا ما تنط لي في السرير ثانيا الغرفه لازم تكون مرتبه ونظيفه ثالثا ممنوع تقرب من سريري☹😤
عبدالله : وانوم وين يعني😶
ايمان : في الكرسي او تحت علي راحتك 🤨
عبدالله : ما بكون مرتاح ياخ وبحس كل عظامي اتكسرو😤
ايمان : مشكلتك😒
عبدالله : بالجد انتي واحده بلا احساس 😤
ايمان : معليش يوم وزعو الاحساس ما كنت موجوده😒
عبدالله : 😤 انا ما برتاح الا في السرير ☹ وما دام ما عندك احساس انا حأنوم في السرير
ايمان : لا😤
عبدالله : اذا عندك اعتراض نومي تحت او في الكرسي 😬 انتي حره
ايمان : 😤 بفضل انوم في اي مكان الا معاك👊😤
عبدالله : اوكي تصبحي على خير ونومه مريحه😌
ايمان : غياظ😤
...عبدالله رقد في السرير واتخطى وايمان رقدت في الكرسي وما مرتاحه في نومتا وشغاله تتقلب في النهاية استسلمت ورقدت في السرير😶 عبدالله لسه كان صاحي....
عبدالله : في زول قال حينوم في الكرسي او تحت الارض 😏
ايمان : اووف ما مشكلتك ☹ وارقد في الطرف الشمال من سريري وما القاك في الطرف دا سمعت😒
عبدالله : انا ما بجي بس المهم انتي ما تجي هنا😏
ايمان : وشنو البجيبني😒
عبدالله : تصبحي على خير 🌚
ايمان : 😒
...صباح اليوم التاني ايمان صحت بدري عشان تطلع الجامعه واخدت دش ولبست بنطلون اسود وفنيله بيضاء وفوقها جكيت احمر وشنطه حمراء وساعه سوداء وجزمه بيضاء( عشان اثار الحنه ظاهره) 🌚 طلعت مزه وسرحت شعرها ونزلتو في كتفها وختت الطرحه في رقبتها 😅( كالعاده طبعا) ونزلت تحت شربت الشاي (الباقين كلهم نايمين لسه تعب السفر ما طلع) وطلعت وصلت الجامعه 😇 ولفت شوية في الجامعه وكل الطلبه شغالين يسلمو ليها وبعد كملت لف( لانها اشتاقت ليها شديد😗) وبعدا فاتت مكتب المدير (مصطفى) وطوالي جات داخله المكتب وبصوت عالي قالت.....
ايمان : عموووو😃
مصطفى : اووووه بنوتتنا المشاغبه 🤗
ايمان : والله اشتقت ليكم يا عمو
مصطفى : كيف اخبارك واخبار اهل السودان 🙂
ايمان : كلهم بخير 😇 وعمو محمد بسلم عليك شدددديد😁
مصطفى : الله يسلمو😇 كنتو حتجو بعد ثلاثه يوم
ايمان : صح بس انا اصريت نرجع لاني بالجد زهجت 😣
مصطفى : احمد حكى لي كل الحصل هناك 😕 اسف على كل شي حصل ليكي بس انتي عارفه القسمه
ايمان : بعرف عمو وانا بحاول اتأقلم🙂
مصطفى : كل شي حصل لخير 🙂
ايمان : اها كيف الجامعه بدوني 🤪
مصطفى : 🤣🤣ههههه هاديه كثير والدكاتره مبسوطين بس فقدناكي
ايمان : انا رجعت عمو🤪 وحأولع الجامعه
مصطفى : المحاضره بعد نصف ساعة 🕒 اوكي
ايمان : اوكي عمو حأمشي اسلم أصدقائي... باي عمو
...طلعت من مكتب المدير ومشت المكان المفضل ليهم ولقتهم كلهم قاعدين 😇وقفت وراهم و.......
ايمان : انا جييييييت😍
كلهم : ايمووووو
ايمان : اشتقت ليكم 😍😍😍
...طوالي جرت حضنت لارا😘 وبعدا ستيف ومايكل وقعدت معاهم....
لارا : اقرصوني😅 ما مصدقه انو ايمان جنبي😘
...ستيف قرصا في ايدا 😁....
لارا : آه 😒 ستيف
ستيف : ما قلتي اقرصوني
ايمان : 😂😂 انتو ما بتتغيرو ابدا
مايكل : كانو معذبني عذاب شديد🤕 مزعجين بشكل
ايمان : اشتقت لونستكم وكل شي فيكم😘 بحبكم
لارا : 😘
مايكل : وانا قلت الجامعه منوره لي😊
ايمان : منور بيكم😍
ستيف : صح ود عمك جاء معاكم ولا
ايمان : 🙁 جاء معانا.. وكمان مشاركني غرفتي😩
لارا : اذا كان زواجكم عالورق لي يشاركك غرفتك
ايمان : 😩لانو اسرتنا ما عارفه 🤕
مايكل : انتو قررتو شنو😕
ايمان : لسه ما قررنا اي شي 😣
ستيف : 🕒 زمن المحاضره 😮
ايمان : مع منو
لارا : dangerous 😕
ايمان : خلونا نجري 😮
....بعدا جرو القاعه والحمدلله دنجرس دخلهم وبعد المحاضره خلصت كملو ونستهم وبعد اليوم انتهى عملو طلعة حلوه عشان رجعت ايمان 😍 وكانو مبسوطين شديد وقضو يوم حلو❤
...ومره شهر ونص بحلوها ومرها🙂 وايمان وعبدالله كل يوم بتعلقو ببعض اكتر بس ما بظهرو لبعض ☺ايمان مبسوطه مع أصدقائها وفي البيت بتتناقش مع عبدالله في موضوع غرفتها(اتعودت تتشاكل مع عبدالله😅) ... عبدالله نزل في الشركه مع عمو احمد وامتحانات ايمان فضل ليها شهر بس وايمان خايفه ومتوتره 😬 وفي يوم رجعت البيت و كانت تعبانه وطلعت غرفتها طوالي شافت عبدالله برتب ملابسو في الشنطه 👀.....
ايمان : واخيرا قررت تطلع من غرفتي🙃
عبدالله : لا قررت اطلع من لندن😌
ايمان : بتهزر صح😕
عبدالله : لا مسافر السودان😇
ايمان : لي😕
عبدالله : ماشي افتش عروس😉
ايمان : 😬عروس
عبدالله : ايوا😉 بعد اربع شهور حأكون حر😏
ايمان : بس لسه ما بقيت حر🙁😬
عبدالله : 😂😂😂😂 بالجد وشك بضحك
ايمان :😒👊
عبدالله : طيارتي اسي 🙃 مافي توصل بالسلامه
ايمان : الله معاك😬
...عبدالله طلع وهو بضحك😂 ونزل ودع عمو وخالتو وطلع مع ايمن.. وصلو المطار وسافر ✈
ايمان اخدت دش وغيرت ورقدت في السرير وبتذكر في عبدالله ..وبعدا بقت تتكلم مع نفسها....
ايمان : لي افكر فيهو 😖 بالجد واحد متخلف... قبل ما نتطلق ماشي يفتش عروس ☹ بس كيف بابا سمح ليهو يسافر... افضل شي بكره لازم استفسر من بابا😕 😴😴😴
... صباح اليوم التاني ايمان صحت وبعد جهزت للجامعه نزلت تحت قعدت شربت الشاي مع اهلها ....
احمد : ايمو مستعده للامتحانات
ايمان : اكيد بابا بتك دائما مستعده😌
احمد : المره دي كمان الاولى او الثانيه 😇
ايمان : ان شاء الله 😇
سوسن : احمد عبدالله من سافر طمنك عليهو
احمد : لا يمكن ما لقا فرصه عشان يتصل
سوسن : ربنا يعونو
احمد : امين
ايمان : 😬 انا طالعه الجامعه
... ايمان ركبت عربيتها وسايقه وبتتكلم براها..
ايمان : بابا وماما واقفين معاهو 😬 يمكن هو شرح ليهم كل شي واننا حنتطلق بس كيف يقيفو معاهو😬 اوووف راسي ضرب من التفكير...
...واثناء ما هي بتتكلم قربت تعمل حادث بس مسكت فرامل وبتاع العربيه التاني مسك فرامل وعرباتهم بيناتهم ثلاثة خطوات والاثنين نزلو تحت.....
ايمان : 😡 انت ما شايف الطريق ولا ما بتعرف السواقه
... : اهدي يا انسه😕 وانتي الغلطانه
ايمان : 😬 المهم بعد لي عربيتك من طريقي
... : مافي اسفه ساي
ايمان : 😤 افتح لي الطريق والا حأضرب عربيتك
... : انا باسل 🙂 اتشرفت بمعرفتك
ايمان : انا جنية 😤
باسل : 😂 طيب حأفتح ليكي الشارع ... ان شاء الله نلتقي مره تانيه وفي ظروف افضل
ايمان : 😬
...باسل فتح ليها الشارع واي زول فات في طريقو... بعد مرور كم يوم ايمان كانت قعده مع شلتها وبراجعو سمعو زول بينادي ........
...: جنية 🧚‍♀ يا جنيه
ستيف : نحن عندنا طالبه في الجامعه دي اسمها جنية🤣🤣😂
مايكل : 😂😂 نفسي اشوف الطالبه دي
لارا : 😨 شوفو الولد الهسي بينادي جاي علينا يمكن يكون مجنون
ايمان : وينو
...لارا وصفت ليها.....
ايمان : 😨 لا لا لا
لارا : ايمو لي اتخلعتي كدا
...وقبل ما لارا تتم كلامها وصلهم وسلم عليهم واتلفت لايمان.....
باسل : التقينا مره تانية يا جنية 🙃
ايمان : 😮😣
ستيف :😂😂😂😂
لارا : 😂 ايمان
مايكل : 😂😂 انتي الجنية
ايمان : اووف بطلو عبط ياخ😬
باسل : انتي كل ما القاكي بتكوني معصبة ولا بتعصبي لمن تشوفيني
ايمان : اسفه كنت معصبه في اليوم داك سوري 😅
باسل : بتحصل عادي 🙂
ايمان : انا ايمان
باسل : اتشرفت بمعرفتك 🤝
مايكل : انت من وين باسل
باسل : انا سوداني بس درست في القاهرة واخر سنه قررت اتخرج من هنا 😇
ستيف : مريت بظروف 😕
باسل : لا بس لانو عمو شكر لي الجامعه دي كثير
لارا : عمك
باسل : عمو مصطفى
ايمان : 😨 عمو مصطفى بكون عمك
باسل : ايوا 🙂
ايمان : انت ولد عمو مصعب😮
باسل : بتعرفي من وين
ايمان : دائما عمو مصطفى بحكي لينا عنكم🙂
باسل : وانتي بنت عمو احمد 😮
ايمان : ايوا 🙂
باسل : تشرفت بمعرفتك مره تانية🤝
ايمان : اسفه على كل شي 😕 واتشرفت بيك 🤝
ستيف : طلعتو بتعرفو بعض🙃حلو
مايكل : بعدا بقيت واحد من الشلة يا باسل
لارا : اهلا بيك في الشلة
باسل : لي الشرف انضم ليكم
... وباسل بقرا نفس تخصصهم وبقو براجعو مع بعض بس ايمان كانت فاقده شي وبقت عصبية شويه بس حتى هي ما عارفه مشكلتها شنو؟🤥

في السودان.........

عبدالله : 😬 والله الصفقه دي صعبه شوية
عادل : 😕 ما شايف فيها صعوبه انت لو تعبان ارتاح شويه وواصل
عبدالله : ما تعبان بس زهجان 😣 ومتضايق ☹
عادل : 😏 انت من جيت السودان زهجان ومتضايق 😏 يعني اشتقت ليها بالسرعه دي
عبدالله : عادل😒
عادل : دي الحقيقه🌚
عبدالله : اصلا انت عارف حقيقة علاقتنا😔
عادل : بعرف 😕 بس انت بتحبها
عبدالله : كيف احبها في شهرين 😮
عادل : الحب ما داير زمن داير لحظات ومواقف بس
عبدالله : لا ما في اي حب بيناتنا🙁
عادل : طيب ما اشتقت تشوفها وتسمع صوتها 🙃
عبدالله : لا ما اشتقت ليها
عادل : طيب حيجي يوم وتعترف🌚
عبدالله : حتى لو انا حبيتها 😕 هي ما بتحبني
عادل : انت ما قادر تعترف انك بتحبها اكيد هي كمان حتنكر المشاعر دي 😕
عبدالله : اووف انسا خلينا نرجع لموضوع الصفقة
عادل : 🌚 اووف دي ايمان بتقولا
عبدالله : 😒
عادل : خلينا نرجع للصفقة😅