زواج بالصدفه

الجزء (16)

صباح اليوم التاني ايمان صحت بدري عشان تطلع الجامعه واخدت دش ولبست بنطلون ابيض وقميص أبيض وشبط ابيض وميكب خفيف ( حتى الطرحه البتختها في رقبتها خلتها نهائي)  ونزلت تحت كلهم كانو نايمين الا ايمن وسامي... ايمان قعدت شربت معاهم الشاي بهدوء وقرت تبدأ تنفذ خطتهم هي وعبدالله.....
ايمان : ايمن انت متذكر عادل 😇
ايمن : اكيد ودا بتنسي 🙂
ايمان : انا شاكة انو معجب بسهى😏
...طبعا سامي لمن سمع الكلام دا اتشرق بالشاي وقعد يكح 😸ايمان طوالي عملت نفسها بريئه...
ايمان : سلامتك يا سامي
سامي : 😐 عادي بتحصل
ايمن : انتي متأكده انو معجب بيها
ايمان : ظاهر عليهو معجب لانو قبل كم يوم اتصل لي واتكلم عن سهى كثييير
ايمن : والله هو بستاهل كل خير
ايمان : انا اتأخرت علي الجامعه يلا باي
ايمن : ايمو وين الطرحه
ايمان : اتنازلت عنها
ايمن : بس يا ايمو
...وقبل ما يتم كلامو ايمو طلعت ولمن وصلت الباب قالت ليهو باااي وطلعت طوالي (هربت منو) .. ايمن وسامي بعد شربو الشاي اي واحد طلع شغلو..
.. عبدالله حس بزول بيصحي فيهو قايلها ايمان ولمن فتح عيونو 👀 شاف رزان قعدة جمبو في السرير وبتصحي فيهو اتخلع طبعا........
عبدالله : انتي
رزان : عبدو قوم نشرب الشاي (ركزو في نشرب دي 😒) الزمن اتأخر
عبدالله : رزان لو سمحتي اطلعي
رزان : بس يا عبدو
عبدالله : برا 😬( عجبني ليها اللصقه😏)
...رزان قامت طلعت بره الغرفه وهي بتتكلم مع نفسها,,  مستحيل استسلم بالسهوله دي ومصيرك تكون لي يا عبدالله وايمان دي تنساها نهائي بس اصبر وشوف حأعمل شنو 😏,, ولسه بتتكلم مع نفسها نزلت تحت وسوسن شافت الحصل كلو 😤 وكانت زعلانه شديد.... عبدالله بعد ما رزان طلعت قفل باب الغرفه من جوه واخد دش وبدأ يجهز حالو وبقا يتكلم مع نفسو ,, اووف دي شنو الما بتخجل من حالا وما عندها احترام ابدا😬 لو ما كانت بت خالتي كان عرفت كيف اتصرف معاها 😤 افضل شي انزل الشركه لأني لو قعدت معاها في البيت حتفقدني اعصابي 😤,, بعد عبدالله اتجهز نزل شرب الشاي مع عمو احمد وخالتو سوسن ورزان ......
سوسن : عبدو انت طالع مكان
عبدالله : اي نازل الشغل
احمد : لا يا ولدي انت لسه تعبان اخد اليوم راحه وبكره ممكن تنزل
عبدالله : لا انا بكون مرتاح في الشغل🙂 وانا اصلا ما تعبان متعود علي السفر
...سوسن طبعا فهمت كلام عبدالله وعرفت انو ما داير يقعد مع رزان في البيت.....
سوسن : كويس بس ارجع بدري عشان ما تتعب
عبدالله : تمام يا خالتو
احمد : خلاص يا عبدو يلا نمشي
...بعدا احمد و عبدالله طلعو الشغل وفضلت رزان مع سوسن 😐 سوسن كمان اتجهزت وطلعت شغلا وقبل ما تطلع البت البتنضف ليها(حبشية) جات... المهم اتكلمت معاها وطلبت منها تجهز الفطور لرزان وتجهز ليهم الغداء طوالي رزان اتدخلت......
رزان : خالتو انا بجهز الغداء
سوسن : لا ما تتعبي نفسك
رزان : ما فيها اي تعب انا بكون مبسوطه لمن اطبخ
سوسن : طيب خلي ريل (اسم الحبشية) تساعدك تمام
رزان : تمام
سوسن : ريل نضفي الغرف كلها تمام والطبخ خليهو لرزان
ريل : حاضر ماما
سوسن : تمام انا حأحاول ارجع بدري
...بعدا سوسن طلعت واي زول استلم شغلو.....
...في الجامعه ايمان كانت قعده مع شلتها وبراجعو وبعدا كان عندهم مراجعه مع دكتور دنجرس ودخلو القاعه للمحاضره 😐 والدكتور بدأ يراجع بعد ساعه القاعة كلها دايره تنوم 🕜💤 الدكتور صعب بس شرحو بنعس... اما لارا دي نامت عديل 😴( قاعد قداما ولد طويل عشان كدا الدكتور ما شافها) وايمان خلاص نعست وغمضت عيونا وخلاص دايره تدخل لنومه حلوه كدا بس الدكتور قطعا......
دنجرس : انتييييي 🗣
ايمان : (بخلعه)  انا 😨 (طبعا النوم طار)
دنجرس : لا بتكلم مع الحيطه تعالي هنا سريع 🗣
ايمان : اسفه دكتور بس
دنجرس : قلت ليكي تعالي هنا
...ايمان قامت ومشت في المنصه الدكتور وقفها جمب البروجكتر وقال ليها...
دنجرس : اشرحي الكلام الانا شرحتو ليهم قبل شويه
ايمان : بس انا
دنجرس : ما عارفه صح😠
ايمان : اي 😑
دنجرس : لمن تنومي اكيد ما حتفهمي اي حاجه وبعد اسبوع امتحاناتكم 😠
ايمان : دكتور انا جاهزه للامتحان بس
دنجرس : بس شنو
ايمان : (فكرت شويه ولقت ليها كذبة)  بس يا دكتور امس ولدي كان مريض وبعد جبتو من المستشفى سهرت جمبو الليل كلو ما نمت الا الصبح 😕😫😖
دنجرس : انتي متزوجه 😒😠
ايمان : اي يا دكتور
.الدكتور اتلفت علي القاعه وقال ليهم...
دنجرس : صحبتكم دي متزوجه
كلهم : اااااي
دنجرس : طيب ربنا يكتب سلامة طفلك
ايمان : 😃 امين
...بعدا ايمان رجعت مكانها بثقه وقعدت لمن المحاضره خلصت كلهم قعدو يضحكو وطبعا لارا يادوب صحت من النوم(مسكينة فاتها الاكشن)....
لارا : بتضحكو لي 😕
ستيف : هههههه فاتك الاكشن كلو
..وحكو ليها كل الحصل زعلت منهم عشان ما صحوها تحضر الاكشن 😂😂😂
لارا : والله زعلانه منكم كلكم 😐
مايكل : هههههه ما تزعلي حتى نحن ما كنا عارفين انو ايمان حتعمل كدا
ستيف : لكن بالغتي يا ايمان بيبي عديل ههههههه
ايمان : المهم انقذت نفسي
مايكل : المشكله لو اتكلم مع عمك مصطفى
ايمان : بتمنى ما يفضحني
...باسل جاء من ورا قعد جنبهم وضحك وقعدو يتونسو ويضحكو وبعدا اخدو المحاضره البعديها وطلعو .......
...بعد يوم طويل ومتعب رجعو كلهم البيت واتلمو في طاولة العشاء عدا سامي وايمن كانو نايمين .. طبعا رزان طبخت الاكل وبعد كلهم قعدو ياكلو ويتونسو رزان طوالي نطت وقالت.....
رزان : (بدلع) حرام عليكم ما في زول شكر لي طبيخي
ايمان : 😒
عبدالله : طبخك كويس😬
احمد : الاكل حلو 😐
رزان : تسلم يا عبدو 😘وانت كمان يا عمو 😁
ايمان : الاكل عادي ما شايفه فيهو شي مميز 😒
رزان : 😬
..سوسن لمن شافت بتها زعلانه طوالي غيرت الموضوع....
سوسن : احمد
احمد : ايوا
سوسن : ما بتتمنى تبقى جد ❤
احمد : بتمنى ❤😍 وانتي تبقي حبوبه
سوسن : ايمو متين حتجيبو لينا بيبي عسل زيك وزي عبدو 😍
...ايمو طبعا اتخلعت لمن اتشرقت بالاكل وقعدت تكح. عبدالله اداها كباية موية وهو مبتسم 😏......
سوسن : صحة حبيبتي
احمد : انتي بخير
ايمان : بخير
احمد : زي ما قالت امك عاوزين بيبي يشبهكم 
سوسن : احلى حفيد
رزان : اعتقد انهم ما حيفكرو يجيبو اطفال لانو الظروف الاتزوجو فيها 😏ما اعتقد الزواج دا ليهو مستقبل 😏
سوسن : رزان 😡
رزان : اسفه خالتو بس دي الحقيقه 😕😏
عبدالله : (بعد قام وضرب الطاوله بيدو) رزان 😡اياكي تتدخلي في علاقتنا 😤 وإلا حتشوفي شي ما يعجبك
ايمان : عبدو أهدى 😩
احمد : اقفلو موضوع الزواج دا وتاني ما عايز اسمع نفس الكلام فهمتي يا رزان 😤
رزان : حاضر عمو اسفه 😩
عبدالله : 😡
ايمان : انا عندي مزاكره يلا تصبحو على خير 😩
سوسن : حبيبتي ما تزعلي
ايمان : ماما انا ما زعلانه 😩
..بعدا ايمان باست امها وابوها وطلعت غرفتها طوالي وقعدت تبكي 😭😭.. بعد ايمان طلعت عبدالله اتلفت لرزان واتكلم معاها بغضب .....
عبدالله : كدا ارتحتي صاح 😡
رزان : ما قصدت ازعلا 😭( بتنزعل دموع التمثيل)
احمد : عبدو خلاص ...رزان ما تبكي خلاص حصل خير
سوسن : 😒(اتكلمت بهمس),,  شاطره في التمثيل,,
عبدالله : 😡 تصبحو على خير
احمد : وانت من اهلو 🙂
سوسن : وانت بخير 🙂
رزان : 😞😭
...عبدالله طلع غرفتهم ايمان لمن حست بيهو جاي مثلت نايمه والدموع ظاهره في عيونا عبدالله مسح ليها باقي الدموع المبلله رموشا وخطاها كويس ونام جنبها 😴 
...تاني يوم ايمان صحت بدري و لقت عبدالله صاحي وجاهز عشان يطلع......
عبدالله : صباحك خير🙂
ايمان : صباح النور 🙂
عبدالله : اسف على كل شي قالتو رزان😞
ايمان : للاسف ما قالت شي خلط عشان كدا عادي واي شخص لو عرف حقيقة زواجنا حيقول نفس الشي 😕
عبدالله : مهما كان دي حاجه بتخصنا ومافي داعي اي شخص يتدخل في علاقتنا 😐
ايمان : بس رزان كلامها صح لانو نحن حنتطلق بعد شهرين و حاجه 😞😩
عبدالله : صح بس لسه ما اتطلقنا ويمكن في الشهرين دي تحصل حاجات كثيره صح😬
ايمان : المهم انت ما تعصب من رزان لانو المسكينه ما قاصده شي😕 (مسكينه قال والله انتي المسكينه يا ايمو) 
عبدالله : انسى رزان دي ياخ يلا انا طالع😕
ايمان : بدري كدا
عبدالله : ايوا الليله عندي شغل كثير
ايمان : اوكي
...عبدالله طلع وايمان اخدت دش وغيرت ملابسها وقعدت زاكرت شوية وبعدا سمعت صوت الباب فتح رفعت راسها لقتها دي رزان......
ايمان : اهلا رزان صباح الخير🙂
رزان : اهلا 😕
ايمان : اتفضلي عاوزه حاجه😐
رزان : وين عبدو كنت عايزاهو ينزل يشرب الشاي😏
ايمان : 😬 ما بعرف
رزان : اوكي انا نازله تحت وانتي كمان انزلي اشربي الشاي
ايمان : 😒
..بعد رزان طلعت ايمان قعدت تتكلم مع نفسها قالت,, انا حاسة انو رزان دي بتحاول تغيظني باي طريقه بس انا لسه بتجاهل حركاتها دي 😬 بس نفسي اعرف هي عاوزه تصل لشنو 😕😬 الافضل اهتم بإمتحاناتي واتجاهلا اوووف ربنا يصبرني 😬,,
بعدا ايمان كملت مزاكرتها ولبست وطلعت الجامعه رفضت تشرب الشاي عشان ما تقعد مع رزان... ومرت الايام ورزان كل يوم بتحاول تتقرب من عبدالله ودائما بتستغل المواقف عشان تغيظ ايمان بس ايمان صابرة وبتحاول تتجاهلا بقدر الامكان وبتحاول تكون طبيعية معاها .. ايمان نزلت امتحاناتها وكانت بتحاول تضغط نفسها لانو اخر سنة ليها ولازم تتخرج بإمتياز وكانت بعد الامتحان بتقعد مع اصدقائها تراجع معاهم وبقدر الإمكان بتبعد عن مشاكل رزان😬 وكل يوم بتحب عبدالله اكتر❤ بس بتتجاهل مشاعرها لانها مفكرة انو عبدالله لسه بحب سحر😩 عشان كدا ما دايره تخرب حياتو او يضطر يواصل علاقتهم عشان يرضي ابوهو وتكون علاقتهم حب من طرفها ومساومه من طرفو ....مرت الايام وفي يوم ايمان كانت في غرفتها بتذاكر جاتها رزان وقعدت معاها شوية وفجاة رزان قامت صرخت بأعلى صوت وقالت لايمان في حاجه في رقبتي واثناء ما ايمان ماسكة رقبتها وبتشوفو ليها كلهم جو داخلين الغرفه ورزان لمن سمعت صوتهم طوالي بقت تبكي 😭 .....
سوسن : رزان في شنو حصل ليكي حاجه
ايمان : لا ماما ال
..رزان قاطعتها قبل ما تتم كلامها.....
رزان : 😭😭خالتو 😭😭
..رزان جرت حضنت سوسن وقعدت تبكي....
احمد : ايمو في شنو
ايمان : ما بعرف بابا هي قبل شوية كانت كويسه
عبدالله : 😕 طيب مالها
رزان : 😭😭😭😭
سوسن : حبيبتي موجوعه ولا شنو
رزان : لا 😭😭 ايمان
احمد : ايمان مالا 😕
عبدالله : ايمان ؟
سوسن : حبيبتي اهدي واحكي لينا الحصل
رزان : ايمان 😭 ضربتني كف وووكمان خنقتني 😭
ايمان : 😱 انا
احمد : ايمان كيف يعني
سوسن : ولي ايمان تعمل كدا
رزان : 😭 كنت بتكلم معاها وسألتها من عبدالله وعلاقتهم قامت ضربتني كف وقالت لي ما تتدخلي في علاقتنا واياكي تقربي من عبدالله لانو عبدالله دا خاتم في إصبعي ولمن شاكلتها قامت خنقتني وانتو شفتوها 😭
عبدالله : 😨لا مستحيل ايمان تعمل كدا 😡
رزان : 😭 يعني انا كضابة
ايمان : 😩 لي تكضبي فيني يا رزان انا عملت ليكي شنو 😡 (ايمان كانت مصدومة من تصرف رزان واتهامها الباطل) 😭
رزان : عمو 😭خالتو 😭 صدقوني هي عملت فيني كدا
احمد : استغفر الله 😐 ما عارف اقول شنو بس بتي مستحيل تعمل كدا 😬
سوسن : انا كمان بتي ما ربيتها ترفع يدها في زول 😕
رزان : عبدو صدقني 😭
عبدالله : 😬😡(عبدالله عارف انو دي حركات من رزان وكان نفسو يمسكها ويضربا بس ما عندو دليل انها كذابة)
احمد : انا ما بقدر احكم عليكم بس لو لو اتضح انك كذابه يا رزان 😬😡
سوسن : رزان امشي غرفتك اغسلي وشك وارتاحي وانا بعرف اتصرف كيف مع ايمان 😬
..طبعا رزان طلعت وفرحت الانتصار على وشها 😏 وبعد ما طلعت..
احمد : بس يا سوسن
سوسن : احمد انا بعرف كيف اتصرف لو سمحت ما تتدخل 😕
عبدالله : بس يا خالتو لسه الحقيقه ما ظهرت😤
سوسن : ما مهم يلا انتو انزلو تحت عاوزه اتكلم مع ايمان على انفراد 😬
عبدالله : بس يا خالتو 😕
سوسن : عبدو لو سمحت انت واحمد اطلعو 😐
عبدالله : حاضر خالتو 😞
..بعدا عبدالله واحمد طلعو بره الغرفة وخلو ايمان مع سوسن وايمان كانت بتبكي 😭

//////////////////////////////////////////////////////////
   اجيب ليكم رزان تخنقوها ؟😉
تتوقعو سوسن حتتصرف مع ايمان كيف ؟
ما تنسو التعليق والتصويت بحبكم 😘