زواج بالصدفه

الجزء(10)

مره اليوم وانتهى 🌞وجاء يوم العرس من الصباح وبيت محمد جايط بالمعازيم والبيت في ابهى زينه🎊🎉🎈🎆🎇🎊🎉🎊🎈والطباغ جهز كل احلى الاكلات وجاء زمن صلاة الجمعة الرجال لبسو جلاليب الصلاه البيضاء والعريس يخلو ليهو الجلابيه طالع حلو كلهم فاتو الصلاه وبعدا عقدو وكل الناس في قمة فرحهم وسوسن بعد العقد اتصلت لايمان وكلمتها وباركت ليها بس ايمان كانت زعلانه 😞 لانها بقت في عصمة زول ما بحبها💔 ... بعدا سهى جات وساقتها الكوفير وجهزوها بس ايمان رفضت تلبس الفستان الحجزتو سحر ..سهى حاولت تقنعها بس رفضت💔......
سهى : ايمو كل عروس بتلبس فستان ابيض
ايمان : ما بيهمني انا ما حألبس الابيض غير للشخص البحبو 😞💔ودا قرار نهائي
سهى : بس كيف حتحضري الحفله بدونو
ايمان : ارجوكي سحر ما تحاولي معاي
ست الكوفير : اوف اهدو العروس كثير حلوه ومع الحنه والميكب حتطلع احلى بالبلدي 🙂
سهى : والحفله
ست الكوفير : العروس قمر مافي زول حيفكر في الفستان
سهى : تمام حأمشي اجيب ليها توب الجرتق وانتي جهزيها بس هي ما لبست توب قبل كدا
ست الكوفير : بسيطه انا بثبتو ليها...وشعرها ناعم وطويل حأعمل ليها تسريحه بسيطه
...بعد سهى جابت التوب والأكسسوارات الخبيره جهزتها ولبستها التوب عملت ليها تسريحه حلوه ختت ليها التوب في نص راسها وثبتتو وعملت ليها منكير احمر واكسسوارات ذهبيه والتوب احمر بذهبي وشبط كعب عالي باللون الذهبي ومع الحنه طلعت نجفه ست الكوفير حصنتها وربطت ليها حريره في ايدها .... وسهى لبست فستان كبدي بابيض مع شبط ابيض وساعه بيضاء واكسسوارات كبديه وميكب خفيف وتسريحة حلوه وقعدت تصور ايمان وتتصور معاها 📱 وبعد وصل العريس وايمان ختوها بالقرمصيص ( دا قماش متوسط بختو بالعروس لمن يلبسوها بلدي)  وسهى مسكتها من ايدا وطلعو برا لقو العريس ومعاهو وليد وايمن وسامي ...والعريس لابس بدله سوداء ومع حنتو والهلال 👌.... كلهم اتخلعو لمن لقوها لابسه بلدي ...ايمن وقف جمب ايمان ومسكها من ايدها ووداها لحدي العربيه وركبها وهمس ليها براحه وقال ليها اهدي انا معاكي🙂 وعبدالله ركب جمبها وايمن ساق العربيه وسهى ركبت مع سامي ووليد... وصلو الصاله وكلهم نزلو ورا العرسان وعبدالله نزل ونزل ايمان ومسكها ودخلو الصاله ومن جو داخلين شغلو ليهم اغنية زفه🎵🎶 لحدي ما وصو الكوشه وقعدو وكلهم جو باركو ليهم بس ايمان رفضت تفتح وشها وكلهم قالو العروس خجوله وبدت الحفله وكلهم بقو يرقصو ونزلو العريس رقصو معاهو وبعدا نزلو العروس جمب العريس وقفت جمبو شويه وامها وابوها ومها وهاله رقصوها شويه ورجعت الكوشه قعدت فيهو وعبدالله مندمج مع المعازيم والحفله بتونس وببشر ليهم عشان يظهر انو طبيعي وفرحان بالزواج ..بس ايمان كانت منتظره بفارغ الصبر عشان يخلص الحفله.... واثناء ما هي بتفكر جو شلة بنات باركو ليها وفتحو وشها بس هي كانت مدنقره وابت ترفع راسها كلهم قالو عروس خجوله... بعد البنات فاتو جاء ولد مد ليها يدو وقال ليها مبروك ولمن رفعت راسها اتصدمت وحاولت تخطي وشها.....
عادل : مافي داعي انا بعرف كل شي
ايمان : كيف
عادل : عبدالله صديقي المقرب وبحكي لي اي شي بسعدو او بزعلو
ايمان : ما دمت بتعرف كل شي خليهم ينهو المسخره دي انا تعبت من كل شي
عادل : لازم تكوني صبوره
ايمان : اكتر من كدا يا عادل
عادل : اصلا الحفله لمدة ساعه والساعه قربت تخلص
ايمان : طيب 😐
عادل : ايمان بعرف انك مجبوره وزعلانه بس عبدالله كمان قلبو اتكسر💔 من اكثر بت هو بثق فيها عشان كدا ما تلوميهو علي شي
ايمان : انا ما بلومو علي اي شي...انا بعرف كيف احل كل شي 🙄 انا بصلح كل شي
عادل : بعرف انك عاقله وحتعملي الصح
ايمان : (بصوت واطي)  حأرجع كل شي لطبيعتو وكأنو ما حصل 🙃
عادل : قلتي شي
ايمان : لا ☺
...بعدا الحفله انتهت وساقو العرسان البيت وجرتكوهم وبعد الجرتك ايمان ودعت اهلها😭 وركبو العربية ايمن وصلهم لحدي الفندق 🏨 ورجع ...وهم من دخلو من باب الفندق رشوهم بالورود 🌸🌼🌸 لحدي ما دخلو جوا وبعدا رحبو بالعرسان والحمال شال ليهم شنطهم لفوق وادوهم مفتاح الغرفه 🔑 ووصفو ليهم الغرفه ولمن ماشين على غرفتهم وقفهم مدير الفندق.....
المدير : العرسان الف مبروك
عبدالله : تسلم الله يبارك فيك
المدير : انا مدير الفندق
عبدالله : اهلا بيك
المدير : نحن عندنا قوانين في الفندق دا
             اولا : اي عرسان جداد بنرشهم بالورود من باب الفندق
            ثانيآ : كل اسبوع بنعمل حفله للعرسان
            ثالثآ : اول يوم للعرسان العريس لازم يشيل عروستو من باب الفندق لغرفتهم
          رابعآ : هديه للعروسين
         خامسآ : الخادم لمن يجي الغرفه بيضرب الباب مرتين عشان ما يزعجكم وحتلقو الشاي او الاكل جمب باب الغرفه.
دي كل قوانينا وبتمنا ليكم إقامه مريحه وسعاده دائمه
عبدالله : ان شاء الله وشكرا ليك حنحاول ننفذ القوانين
المدير : اتفضلو غرفتكم وما تنسا القانون😀
عبدالله : تمام
...عبدالله شال ايمان وايمان ختت ايدا في رقبتو ( عشان ما تقع بس ما تمشو بعيد 😁)  واثناء ما هو ماشي بيها ايمان قعدت تعاين ليهو🙄 لحدي ما وصلا  الغرفه عبدالله ما كان مركز معاها... لمن دخلو جوا الغرفه كانت مزينة بالورود حتى السرير مزين بالورود وبالورود كاتبين
Happy marriage (A and S🥀😍)
ايمان لافه وبتشوف في الغرفه وعبدالله من شاف الكلام دا اتزكر كل شي حصل وطلع الزهور كلها والزينه وكباهم في الارض بعصبيه وبقا يغرب في الزينه وجرا ملاية السرير في الارض وغرب الغرفه كلها وكب كل شي في الارض وايمان كانت مصدومه 😯😨 واقفه وبتشوفو خافت منو عديل 😱😨 وقعت في الارض وقعدت تبكي 😭😭😭😭 عبدالله لمن شافها بتبكي فات جنبها بعصبيه وبقا يصرخ فيها....
عبدالله :(بصراخ) انتي الببكيكي شنو اه جاوبيني
ايمان : 😭😭😭😭
عبدالله : احكي بتبكي لي انتي😡 خسرتي شنو ولا شي طبعا اما انا خسرت كل شي كنت مجهز الغرفه الحلوه دي وباحلا زينه للبنت الحبيتها ووثقت فيها كانت اول بنت اعجبت بيها بس للاسف هي 😤
ايمان : ( زادت البكاء) 😭😭😭😭😭😭😭
عبدالله : ( بصرخه)  اسكتيييييييييي
ايمان : (كتمت البكاء وقعدت تشهق) 😶
عبدالله : انا طالع ولمن ارجع ما القاكي بالحاله دي 👈 واضح
ايمان : ( هزت ليهو راسها)
..عبدالله طوالي طلع وقفل الباب بقوه وايمان قعدت تبكي بكاء شديد وتتكلم..
ايمان : 😭😭😭 آه يا ماما وبابا وينكم... كيف حأتحمل اسبوع كامل مع الوحش دا  آه  آه  😭كيف اتجرأ يصرخ فيني ماما و بابا عمرهم ما صرخو فيني آه آه😭😭 وكمان بيصرخ فيني عشان الحقيره الهربت خلتو بس انا ذنبي ايه 😭😭😭
... ايمان قعدت تبكي لحدي ما نامت في الارض 😴

... اما عبدالله طلع من الفندق وساق عربيتو باعلا سرعه وغضبان واتذكر لمن صرخ في ايمان واتزكر بكاها وقام ضرب الدركسون بغضب وندم لانو صرخ فيها وهي ما عندها ذنب... ساق العربيه واتجه لشقة عادل وضرب ليهو الباب عادل لمن شافو اتخلع....
عادل : عبدو 😯
...عبدالله طوالي دخل جوه وقعد في الكرسي
عادل : عبدو حاصل ليك شنو ايمان طردتك ولا شنو 😀
عبدالله : لا ( وحكى لعادل كل شي عملو)
عادل : والله بالغت يا عبدو انت ليه ما بتسيطر علي غضبك والبت ذنبها شنو.. هي كمان مجبوره زيك ونفسي اعرف انت زعلت عشان سحر.. سحر الما قدرتك ولا ختت ليك مكانه وما همها غير سعادتها... حتى ما حكت ليك عشان تبطل العرس
عبدالله : وكمان كسرث ثقتي... بتعرف انا اعجبت بيها وقررت انو نبني علاقة جديه
عادل : طيب قول لي ايمان اذتك في شنو... عشان اهتمت بسمعة اسرتك واسرتا ولا عشان ضحت عشانهم ولا عشان اتخلت عن احلامها عشانكم ...احكي يا عبدو البت دي خلطت معاك في شنو
عبدالله : خلطت لانها قبلت بي وهي عارفه انا باني احلامي مع غيرها
عادل : ووين البت الانت باني احلامك معاها.... وينها هي زاتها الكسرت احلامك صح
عبدالله : بعرف بس ما قادر اتقبل ايمان كزوجه
عادل : ما بظن هي تتقبلك حتى لو انت اتقبلتا... انت عندك جوهره في حياتك وبتفتش في الحجر بس لمن تخسرها حتعرف قيمتها
عبدالله : انا غلطة في حقها
عادل : امشي اعتذر ليها ..وحاول اتعرف عليها اكثر
عبدالله : طيب
....بعدا عبدالله طلع من شقة عادل ورجع الفندق..

-----------------------------------------------------------

......لو كنتو محل ايمان حتتصرفو كيف ؟😬

.... ورايكم شنو في عبدالله ؟ 👦

.... ورايكم شنو في شخصية عادل ؟🙂