زواج بالصدفه

الجزء(7)

..الحفله فضل ليها يوم واحد وسهى لبست واتجهزت عشان تطلع لاقتها ايمان...
ايمان : نازله وين
سهى : طالعه مع عبدالله
ايمان : لا ما لازم ترهقي نفسك
سهى :بس
ايمان : عبدالله ممكن يمشي مع اي شخص تاني
مها : صح كلامك يا ايمو
ايمان : احكي معاها يا خالتو
سهى : ماما انتي عارفه عبدالله متعود انا اختار ليهو
مها : ممكن ايمان تمشي معاهو
ايمان : لا خالتو انا ما بعرف زوقو
مها : انتي بس امشي معاهو واختاري ولو رفض خليهو يختار براهو
سهى : صح كلام ماما
ايمان : اوكي
سهى : تسلمي حبيبتي
ايمان : كل شي بهون عشانك انتيمي
...عبدالله جاء لابس وجاهز......
عبدالله : سهى نمشي
مها : لا يا ابني سهى المره الفاتت تعبت لمن نزلت السوق حتمشي معاك ايمان
عبدالله : اهم شي راحتها ..ما مشكله انا بمشي براي
مها : لا ايمان حتمشي معاك
عبدالله : بس
مها : يلا ايمو
عبدالله : تمام نمشي يا ايمان
ايمان : خمس دقائق اغير بس اوك
عبدالله : اوك
... ايمان لبست فستان دانتيل اسود وشبط اسود بكعب صغير وسرحت شعرها ذيل حصان وختت الطرحه في شعرها وميكب خفيف ونزلت ....
سهى : ايمو الاسود يليق بك 😘
مها : ما شاء الله عليكي ربنا يحفظك
ايمان : امين
عبدالله : نمشي
ايمان : يلا
.. عبدالله طلع قبل ايمان بس ايمان مشت لامها وابوها كلمتهم وطلعت بره ركبت العربيه وطول الطريق بتتونس مع عبدالله وبتحكي ليهو عن الجامعه واصدقائها ومقالبها وعبدالله مندمج في الونسه والضحك ( ثرثاره ما بتقدر تسكت ولا لحظه) لحدي ما وصلو محل الملابس... محل كلو من قزاز مرصوص فيهو بدل اشكال وانواع وجلاليب الحنه اشكال وانواع كل شي غرافي وفظيع ..دخلو المحل وبدو يشوفو البدل ...........

..ايمو.....
لفيت في المحل وبفتش في البدل لحدي ما عيني وقعت علي بدله سوداء بس شكلها فظيع وعجبتني شديد ..فيها شي مميز جذبتني اخدتها ومشيت لعبدالله عشان اخد رأيو.......
.....
ايمان : عبدو جرب دي
عبدالله : بالجد حلوه شديد عجبتني
ايمان : جد
عبدالله : ايوا كنت حأختارو لو شفتو نفس زوقي
ايمان : جربو
...عبدالله شال البدله وفات غرف القياس عشان يجربو وايمان لفت محل ملابس الحنه ولاقت عامل قعد يتكلم معاها.....
العامل : يا عروس
ايمان : بتتكلم معاي
العامل : ايوا زوجك حلو بس انتي احلى 😍
ايمان : معليش بس دا اخوي اوكي
العامل : ممكن رقمك
ايمان : شوف يا استاذ انت عامل ونحن زباينك وافضل تتعامل بالاساس دا والا حتشوف شي ما يعجبك
العامل : صدقيني انا اعجبت بيكي بالجد الاسود حلو عليكي وجمالك غرافي
ايمان : 😤 خلصت
العامل : اسف لو ازعجتك بس لفتي نظري وانا بحب الصراحه
ايمان : وانا بحب الملاكمه و اخدت تدريب للدفاع عن النفس وكمان بحب الضرب قبل كدا ضربت واحد ثقيل زيك للان لسه ما اتعالج 😒😒 ولو حابي تكون في محلو ما عندي مشكله 😏
العامل : بعتذر يا انسه
ايمان : 😒 Cut your face
العمل : sorry 😥
....عبدالله لبس البدله وجاء لاقا العامل ماشي ...البدله طلعت قدرو وكأنو صانعنو ليهو.....
عبدالله : رايك شنو يا ايمو
ايمان : روعه handsome Boy 👌👌
عبدالله : thanks
ايمان : لو عندك بدله تانيه عجبتك ممكن تقيسو
عبدالله : لا دي حلوه خلاص اخترتا
ايمان : اوك رايك شنو في لبسة الحنه دي ..ابيض مطرز بالاحمر والذهبي
عبدالله : حلو نفس ذوقي
ايمان : تجربو
عبدالله : لا دا علي مقاسي
ايمان : والنعال
عبدالله : جاهز اشتريت النعال والساعه والهلال
ايمان : اوكي نمشي
عبدالله : انتي ما عاوزه اي شي
ايمان : لا
عبدالله : العامل دا ازعجك
ايمان : حاول بس وقفتو في حدو
عبدالله : لازم اتكلم معاهو 😡 عشان يعرف حدودو💪
ايمان : عبدو مافي داعي خلينا نمشي
عبدالله : هاكي المفتاح 🔑  انتظريني في العربيه 
ايمان : اوكي 🙂
..ايمان طلعت قعدت في العربيه بعد نصف ساعه كدا عبدالله جاء شايل اكياس التسوق ختاهم في المقعد الورا وركب.......
عبدالله : اسف اتأخرت صح
ايمان : عادي ما مشكله
..عبدالله طلع كيس هدايا واداهو لايمان....
ايمان : دا شنو
عبدالله : هديه🎁
ايمان : معليش بس ما بقدر اقبلا
عبدالله : انا ما زي اخوكي لو بتعتبريني اخوكي اوصديقك لازم تقبليها
ايمان : بس لي
عبدالله : اعتبريها هدية عرسي 😇
ايمان : ما بقدر ارفض هدية عرسك.. شكرا ليك
عبدالله : ما عاوزه تشوفي ممكن ما يعجبك
ايمان : لا الهدية مقبوله ولو كانت اي شي ...بيكفي انك قدرتني وهديتني😂 
عبدالله : شكرا ليكي 😃
ايمان : علي شنو
عبدالله : لانك اتسوقتي معاي
ايمان : عادي انت زي اخوي
عبدالله : تسلمي
ايمان : ربنا يسعدكم... بس انا جعانه بجد
عبدالله : هههههه نمشي اقرب كافتريا اوكي
ايمان : اوكي
-----------
في مكان اخر...... '''''//////
...: حبيبتي ارجوكي ما تتخلي عني
...: انا اسفه
...: انتي ما بتحبيني
...: بحبك بس انا اسفه
...: ارجوكي ما تتخلي عني انتي اغلى شخص في حياتي ولو اتخليتي عني حأموت
...: انا مجبوره ارجوك ما تزيد وجعي
...: في حلول كثيره حبيبتي
...: انت عارف انو مافي حل حأشتاق ليك ومهما حصل قلبي حيفضل يحبك
...: انا بحبك ومستحيل اتخلا عنك
...: اسفه...... وقطع الاتصال
///////////////////////////////////////////////////////