زواج بالصدفه

الجزء (12)

ايمان شافت سحر وطوالي جرت الفندق عشان تكلم عبدالله ودخلت لزت الباب ودخلت الغرفه عبدالله اتهجم وخاف....
عبدالله : ايمان في شنو خلعتيني
ايمان : (بنفس متقطع)  ااانا شفت سحر ببب بره الفندق
عبدالله : 😨 سحر 😡 وين
ايمان : بره الفندق
عبدالله : بره
...عبدالله طلع مع ايمان بره الفندق ولقو سحر في نفس المكان الايمان شافتها فيهو... عبدالله طوالي مشا عليها وهي لسه ما شافتو بس ايمان وقفت في طريقو...
ايمان : عبدالله عاوز تعمل شنو
عبدالله : 😡 داير تفسير لكل شي عملتو
ايمان : اتكلم معاها براحه ما تعمل مشكلة
عبدالله : 😡 انتي ما تتدخلي
..عبدالله لزه ايمان وفات طوالي لسحر.. سحر كانت بتتونس مع الولد المعاها بس عبدالله مسكا من ايدا ولفتا عليهو وبدون ما يقول اي حرف ضربا كف 👋 لمن وقعت في الارض ...الولد (طبعا دا حبيبها عاصم) المعاها رفعا من الارض وصرخ في عبدالله... عبدالله ما رد ليهو ومد اصبعو لسحر وبدا يشاكل فيها.....
عبدالله : مبسوطه صح😡 وفرحان بعد كل العملتيهو ما فكرتي في مشاعر اي زول انسي مشاعري او مشاعر اهلي طيب ما فكرتي في مشاعر اهلك😡... امك كل يوم بتبكي وابوكي ما قادر يرفع راسو من الذل وبتمنى موتك 😡
سحر :😭😭😭😭 ع ع عبدالله
عاصم : اياك تتجرأ تمد يدك في سحر مره تانيه فهمت 😡 وما تصرخ فيها
عبدالله : انت ما تتدخل والا ما حيحصل خير
سحر : 😭😭 عاصم خلينا نمشي
عبدالله : سحر 😡 مستحيل اخليكي تمشي معاهو تاني ... من هنا حنمشي بيتكم واسلمك لعمو الهادي
سحر : لا مستحيل
عاصم : سحر ما حتمشي اي مكان فهمت 😡 وابعد من طريقنا ...وما تدخل في حاجه ما بتخصك
... عاصم لزا عبدالله ومسك سحر من ايدا وماشي بس عبدالله غضب 😡 ومسك عاصم من قميصو وعاوزين يتشاكلو بس ايمان مسكت عبدالله وسحر مسكت عاصم... سحر ساقت عاصم سريع وركبت اقرب تكسي ومشو خلوهو واقف .. عبدالله حاول يلحقهم بس ايمان مسكتو ....
عبدالله : 😡 لي مسكتيني
ايمان : يعني عاوز تعمل شنو مثلا 😬 حتضربا يعني ولا حتتشاكل مع حبيبا.. فكر بعقلك شويه
عبدالله : اي بتشاكل مع حبيبا... المهم تعرف خلطتا وترجع لاهلها وتعتذر
ايمان : يعني لو اعتذرت حيتغير شي... وهي اصلا ما ندمانه 😡 يعني حتغصبا علي الاعتذار
عبدالله : انتي ما شفتي حالة اهلها... عمو الهادي في قمة غضبو وخجلان من عملت بتو وخالتو هاله كل يوم بتبكي وزعلانه علي بتها 😞
ايمان : انا بعرف حالتهم بس سحر لو ما ندمت ورجعت اعتذرت براها مافي شي حيتصلح 😐
عبدالله : كان لازم اوديها لاهلها... لو ما انتي وقفتيني💪 كان علمت خطيبا درس ما حينساهو 👊
ايمان : كدا حتعقد الامور اكثر 😬 ولو اخدت سحر بالغصب لعمو الهادي كان كتلها او ضربا وممكن يطردا من البيت 😬🙄 بس لمن ترجع براها ممكن قلبو يلين
عبدالله : 😤 ما بيهمني
ايمان : انت بتحبها صح 🙄 وعاوز ترجعها عشان تتزوجها ؟
عبدالله : 😡😤🚶
...عبدالله غضب وعصب وما جاوب ايمان وفات خلاها واقفه وركب عربيتو🚗وساقها وفات ..وايمان رجعت الفندق دخلت غرفتها وفتحت تلفونها📱 لقت مكالمات كثييييره من اصدقائها وامها وابوها واخوانها ..اول شي اتصلت لامها...
سوسن : حبيبتي
ايمان : قمري والله اشتقت ليكم شوق 😍😭
سوسن : حبيبتي نحن كمان اشتقنا ليكي... كيفك انتي
ايمان : انا بخير ماما 😭
سوسن : كيفو عبدالله
ايمان : ماما خلينا نسافر من هنا 😭خلينا نرجع لندن بليز 😞
سوسن : حبيبتي انتي بتبكي لي 😯
ايمان : مشتاقه ليكم بس 😭 واشتقت لأصدقائي وللندن حابه ارجع
سوسن : عبدالله ما اذاكي بشي صح احكي عبدالله عمل ليكي شي ؟😨
ايمان : لا ماما عبدالله بيعاملني كويس وما أذاني بشي 😥 بس انا حابه ارجع لندن
سوسن : حاضر حبيبتي... بابا عاوز يتكلم معاكي حأديهو الموبايل
احمد : اميرتي الحلوه
ايمان : بابا 😭 اشتقت ليكم
احمد : اميرتي نحن كمان اشتقنا ليكي.... اليومين ديل مرو كأنهم سنتين
ايمان : بابا خلينا نرجع لندن
احمد : بس يا روحي لازم نعمل ليكم جرتك وغداء بعد ما تتمو سبع يوم
ايمان : بس يا بابا لازم اخلص الجامعه وانا خريجه السنه دي وغبت اسبوعين والامتحانات بعد شهرين بس 😨😥 والحاجات دي كلها ما مهمه لانو دا كلو مجرد تمثيل
احمد : صح الجامعه مهمه بس
ايمان : بابا اذا ما اتصرفت وحليت الموضوع دا انا حأموت😭😭 صدقني بابا انا متضايقه شديد ومخنوقه 😭😭😭😭بابا بليز شوف حل
احمد : اهدي حبيبتي خلاص كل شي طلبتي حيتنفذ حاحاول اشوف حل بس ما تبكي 😞 اوكي اميرتي
ايمان : تسلملي يا احلى بابا بحبك كثييييير
احمد : وانا كمان بحبك يا اميرتي
ايمان : 😇 تسلملي
سوسن : انت وبتك بتتكلمو في شنو
احمد : دا كلام خاص بين الاب وبتو
ايمان : بابا سلم على الكل وعلي اخواني الحلوين سلام خاص
احمد : طيب حبيبتي... ادي التلفون لعبدالله
ايمان : ما موجود طلع😓
احمد : طيب حبيبتي باي
ايمان : باي😐
...ايمان بعد خلصت المكالمه مع ابوها اتصلت لاصدقائها 📱.....
ايمان : لارا 😍 ستيف😍 مايكل😍
لارا : يا روحي اشتقت ليكي وكيفك وكيف حصل معاكي كل دا 😥
ايمان : حبيبتي ما بعرف كيف اتحملت كل شيء كنت بتمنى تكونو معاي
لارا : كل شيء حيتحلا
ستيف : ايمو يا قلب والله مشتاقين
ايمان : ستيف والله انا مشتاقه ليكم اكثر😍
مايكل : ايمو كيفك انتي وكيف حصل ليكي كدا
ايمان : مايك اشتقت ليك 😍انسى كل شي حصل انتو اخباركم واخبار الجامعه
مايكل : نحن بخير وانتي😓
ايمان : بخير 😥
لارا : حبيبتي كيف حتكوني بخير بعد الحصل دا
ايمان : بحاول انسى كل شي
لارا : انتي معاهو في غرفه واحده 😱
ايمان : ايوا 😬 للاسف
لارا : يعني انتي وهو... بقصد
ايمان : انسي كل شيء حبيبتي... عندي خبر حلو جايين لندن قريبا 🙂
لارا : ووواو احلى خبر 😯
ستيف : واخيرا لندن حتنور والدكاتره حيتصدمو😁
مايكل : واخيرا حنشوفك 🙂
ايمان : بقيت محترمه ياخ وخليت المقالب
ستيف : انتي تخلي المقالب مستحيل اصدق😎
مايكل : تعالي سريع وحنشوف
لارا : لا زمن المحاضره جات يلا باي يا ايمو
ايمان : تسلمو باي
...بعدا قفلت الخط ورقدت في السرير شويه وبعدا تاني اتصلت لاخوانها سامي وايمن واتونست معاهم... حاولو يضحكوها وينسوها كل شي( الاخوان ديل احلى منهم مافي) ... بعدا اتصلت لسهى واتونست معاها وبعدا جاء النادل جاب ليها الغداء ...خلتو في مكانو وما لقت موضوع تعملو زهجت وفاتت طلعت شنطتا وبدت تطلع ملابسها من الدولاب وترتبا في الشنطه واثناء ما بترتب في الملابس حست بشي في جيب الشنطه فتحت جيب الشنطه لقت دي الهديه الاداها ليها عبدالله 🎁 كانت متحيره تفتح الهديه ولا لا بس في النهايه قررت ما تفتحا قالت اكيد هديه بايخه زيو... ورجعتا الشنطه وانتهت من ترتيب ملابسها وقفلت شنطتة ( الزمن كان 8 مساء) ايمان قالت للزمن دا عبدالله ما رجع تاني قالت احسن شي عنو ان شاء الله ما يجي ورقدت في السرير لحدي ما نامت 😴😴