زواج بالصدفه

الجزء (22)

ايمان بعد اتكلمت مع عبدالله استأذنت من امهاتهم وقالت ماشة معاهم السوق (اي كذابة🙄) وطبعا هم كلهم محبوسات عشان كدا لبسو عبايات وطلعو ايمان اتصلت لعبدالله وصف ليها المكان وفاتو ليهو طوالي طبعا ما عرفهم مع الشرابات والجونتيات والعباية😂😂........................
عبدالله : خوفتوني هسي انا قلت الاشباح دي جاية من وين 😏
ايمان : غليظ انت عزمتنا عشان تضحك فينا 😒
عبدالله : لا انا عزمتكم عشان عاصم وسامي اترجوني اجيب سهى وسحر قالو دايرين يشوفوكم😶😁
...واثناء ما عبدالله بتكلم عاصم وسامي جو داخلين...........
سحر : عاصم 😻
سهى : سامي 😻
ايمان : 😱 لا والله لو خالتو وماما عرفو حيكتلوني😮
عبدالله : ما تخافي 😂
سامي : شكرا يا اختي الحلوه 😘
عاصم : شكرا يا مرت اخي 🤗
...ايمان قبل ما ترد ليهم اي واحد ساق حبيبتو وفات😑( عصافير الحب 😍) ..ايمان اتلفتت لعبدالله وبقت تشاكل فيهو😒..................
ايمان : دا كلو بسببك 😐 ديل عرسان ما لازم يشوفو بعض 😒
عبدالله : طيب وانتي كمان عروس لي جيتي تشوفيني 😏
ايمان : لا انا ما عروس 😶 ونحن متزوجين لينا اكتر من ستة شهور 😑
عبدالله : طيب وشنو الحبسك مع العرسان 😏
ايمان : ماما وخالتو مها وهالة هم الغصبوني 😐😶
عبدالله : احم احم ما مشكله رايك شنو نكون عرسان جداد 😏😁
ايمان : عبدو 😒
عبدالله : طيب طالعة حلوة 😂
ايمان : يعني مصر تغيظني 😒
عبدالله : يعني ما اتغزل في مرتي 😁
ايمان : صراحة يا عبدو هسي مرت اكتر من ستة شهور ونحن لسة ما حددنا طريق لعلاقتنا 😶😔
عبدالله : طيب بعد عرس سهى وسحر حنتكلم في المواضيع دي تمام 😶😐( عبدالله عامل ليها مفاجأة وحتعرفوها قريبآ😉)
ايمان : تمام 😐
عبدالله : طيب نطلب غداء 😁
ايمان : اوكي 😀
...بعدا طلبو غداء واتغدو مع بعض وعبدالله طبعا نظراتو مع ايمان بس ايمان بتحاول قدر الامكان تكون طبيعية😁 وبعد خلصو ايمان قطعت لعصافير الحب ونستهم وغزلهم 😂وساقت سحر وسهى ورجعو البيت بعدا ايمان اتصلت لاصدقائها وكلمتهم بالعرس واتونست معاهم😘 .....بعد مرور اسبوعين عبدالله اتصل لايمان وقال لازم تقابلو ضروري وقال ليها تجيهو في السوق .. ايمان لبست اقرب عباية وطلعت فاتت ليهو ...............
ايمان : عبدو خوفتني ان شاء الله خير 😑
عبدالله : في مشكلة كبيرة 🙄
ايمان : ما تخوفني احكي 😐
عبدالله : صراحة عندي صديقي عاوز يتزوج واهلو في البلد ما هنا والعروس كمان هناك وهو لازم يشتري الشيلة ويسافر بيها وللاسف هو ما بعرف في الحاجات دي وطلب مساعدتي وانا بطلب مساعدتك😐
ايمان : اوووف دا كل الموضوع.. دا موضوع بسيط جدآ انا بساعدكم 🙂
عبدالله : شكرا ايمو لانك حليتي لينا مشكلة كبيرة🙂... بس للاسف هو ما حيقدر يجي معانا لانو مشغول ممكن تشتريها معاي وانا بوصلا ليهو بعد نخلص 🙂
ايمان : اكيد ما عندي اي مشكلة🙂
عبدالله : طيب نبدأ 🤠
ايمان : اوكي بس ممكن ما يحبو ذوقي 😐
عبدالله : حيحبو بس انتي ساعديني 😇
ايمان : اوكي خلينا نبدأ
...ايمان و عبدالله لفو السوق واشترو التياب وطقموها وحتى توب الجرتق اشترو كبدي بذهبي وطقموهو فظيع😍... ورجعو البيت وتاني يوم اشترو الميكب😍😍.. والارياح اشتروها جاهزة😍😍... وبعض الحاجات الخاصة ايمان اشترتها براها 😶 المهم خلصو الشيلة بعد تعب وبعد خلصو الحاجات................
ايمان : الحمد لله كدا الشيلة خلصت 😪
عبدالله : للاسف لسة باقي شي 😶
ايمان : اوووف شنو 😪
عبدالله : باقي الشبكة والمحابس.. لسة ما اشترينا طقم الدهب 😐
ايمان : طيب خلينا نمشي نشتري الدهب عشان نخلص 😐
عبدالله : طيب يلا
ايمان : بس كيف حنعرف مقاس العروس
عبدالله : انا قبل كدا شفت صورتها يمكن مقاسها قدرك كدا😶
ايمان : طيب يلا
... بعد وصلو اشترو طقم كامل (سد) واشترو محابس واشترو تمنية خبيشات😍😍😍 ...بعد خلصو عبدالله وصل ايمان وفات...ايمان من التعب نامت طوالي😴😴 ....واستمرو على نفس الروتين حبس وماسكات وتجهيزات.... ولمن فضل للعرس اسبوع وقفو ليهم الدخان وشالو ليهم الحلاوة وجهزوهم بقو اجمل عروسات😍 ... طبعا عاملين حنة للعرسان في بيت الهادي وكلهم حضروها الا العروستين😍... اما العروستين عملو حنة بسيطة واتصورو😍... ايمان جهزوها مع العرسان يعني بقت العروس الثالثة... طبعا ايمان ما شافت عبدالله من اشترو الشيلة حقت صحبو... محمد واحمد والهادي طبعو البطاقات ووزعوها.. والحفلة عاملنها في صالة..
..لمن العرس فضل ليهو يومين ايمان مشت السوق مع امها واشترت ليها فساتين عشان تحضر بيهو العرس وامها ادتها كيس فيهو فستان احمر فظيع😍 قالت ليها البسيهو في الحفله.. وقبل العرس بيوم جابو للعرسان حنانة في البيت حننتهم حنة فظيعة😍 اي واحدة احلى من التانية وايمان كمان عملت ليها حنت عروس فظيييعه😍... في البداية ايمان رفضت تتحنن بس امها اصرت يعملو ليها حنة عروس.. الثلاثة مع الحنة قمرررررررات😘.... يوم العرس ساقو العروسات كلهم ودوهم بيت هالة لانو الغداء عاملنو في بيت محمد حتى ايمان امها ختتها معاهم ...طبعا جابو ليهم خبيرة تجميل في البيت وجابو ليهم الفساتين😍.... بعد الظهر كدا عقدو وسوسن اتصلت لايمان وباركت للعروستين وكلهم باركو ليهم...والخبيرة بدت تجهز العروسين.... وبعد انتهو من الغداء بدو يجهزو للحفلة والعرسان جهزو ولبسو بدلات رهيبة طقم طبعا وطلعو رووووعه😘😘 اما العروستين لبسوهم فساتين زفاف فظيييعه والخبيرة مكيجتهم بطريقة حلوه وطلعو مزز😘😘 ..ايمان لبست فستان احمر فاري وحلو شديد والخبيرة عملت ليها مكياج فظيع طلعت مزة واثناء ما هي بتتصور عبدالله اتصل ليها....
ايمان : اهلا عبدو 🙂
عبدالله : انتظريني حأجي اسوقك تمام 🙂
ايمان : اوكي
... المساء بعد العشاء كدا كلهم فاتو الصاله منتظرين العرسان حتى مهاد ورزان واخت رزان اسمها رؤى (عسل ودمها خفيف وطيوبة😘 عكس اختها رزان) ...واثناء ما ايمان بتتونس مع العروسات سمعت صوت العربات عرفت ديل العرسان...... سامي وعاصم جو داخلين مطقمين البدل رهيبين😍😍...........
ايمان : بسحروكم والله😍
...ايمان حصنتهم وحضنت اخوها وباركت ليهو وباركت لعاصم واي واحد باس عروستو في جبهتها😘 وساقها طلعو وعايزين يسوقو ايمان بس هي قالت ليهم منتظرة عبدالله ...بعد العرسان فاتو ايمان انتظرت عبدو ولمن جاء ضرب ليها طلعت ليهو برة لقتو لابس بدله رهيييبة ومطقم معاها بالاحمر😘 ..............
ايمان : عبدو اتأخرت ياخ العرسان فاتو ليهم نصف ساعة 😐
عبدالله : طالعة حلوة 😍
ايمان : شكرا بس يلا نمشي 😐
عبدالله : دقيقة وين سلسلتك 🤔
ايمان : اووف يمكن نسيتها جوه دقيقة بس اجيبها ونمشي
....ايمان دخلت جوه ولبست السلسله وبعدا طلعت ........
عبدالله : كدا بقيتي احلى😍
ايمان : نمشي 😐
عبدالله : يلا 🙂
...ركبو العربيه وعبدالله سايق ونهائي ما اتكلم........
ايمان : عبدو لسة
عبدالله : قربنا
ايمان : طيب
.... بعدا وصلو الصالة طالعين رهيبين مع بعض والمصور ركز معاهم من باب الصالة لحدي ما وصلو العرسان😍😍 والناس كلها عرفت بزواجهم بعد رجوع سحر والحفلة شغالة وايمن طبعا معجب اعجب برؤى وكل الحفلة شغالين نظرات وبس😍 (شكلو في عصافير حب جداد😍) .... بعد زفة العرسان وبداية الحفلة والمباركات ادو فرصة للعرسان عشان يرقصو إسلو على اغنية هادئة😍..... في الإسلو عاملين تشيلة يعني سامي وسهى طرف😍 وايمان وعبدالله في النص 😍وسحر وعاصم بالطرف التاني😍..................... كانو مبسوطين شديد انتو عارفين ونست عصافير الحب كلها غزل وحب 😍😂ما علينا بيهم خلونا نشوف العصافير الما اعترفو بحبهم لبعض😎......................
عبدالله : ايمو
ايمان : ايوا
عبدالله : العرسان حلوين شديد مع بعض😻
ايمان : اكيد لانو حبو بعض وتوجو حبهم بالزواج وبقو لبعض 😻
عبدالله : صح احلى شي
ايمان : عبدو انت ما زعلت عشان حبيبتك سحر اتزوجت 😬
عبدالله : حبيبتي 😬 ايمان انا كنت معجب بيها وبثق فيها بس كل شي انتهى وهسي سحر دي زي اختي ما اكثر من كدا تمام 😬
ايمان : تمام
عبدالله : الحفلة قربت تنتهي
ايمان : متين بدت
عبدالله : حتنتهي لانو العرسان مسافرين نفس الليلة
ايمان : اي بس سفرهم لسة بعد ثلاثه ساعات
عبدالله : لازم يجهزو ويرتاحو شوية
...بعد خلصو الاسلو كملو الحفلة وبعد نصف ساعة الحفلة انتهت وعملو الجرتق للعرسان وودعوهم... ايمان بكت بكاء عشان صديقتها الانتيم واخوها حيسافرو بعيد😭😭😭..... طبعا سحر وعاصم سافرو النمسا😍😍.... سهى وسامي سافرو فرنسا😍😍..... بعد ودعوهم وصلوهم للمطار وبعد سافرو كانت الساعه 12 كدا.... ولمن دايرين يرجعو من المطار كلهم ركبو مع وليد وعادل بس وايمان ركبت مع عبدالله ..................
ايمان :😥
عبدالله : ايمو كلها شهر وحيرجعو 🙂
ايمان : صح بس صعب شهر كامل بدونهم 😑
عبدالله : صح
ايمان : المهم يكونو سعيدين
عبدالله : 🙂
...بعدا رجعو البيت وعبدالله طول الليل شغال باللابتوب ومكالمات تاني يوم ايمان صحت متأخرة لقت عبدالله مافي قامت واخدت دش ولبست بجامة بيت ونزلت تحت شربت الشاي مع اهلها وقعدو يتونسو ويضحكو مع بعض بس فقدت انتيما شديد😭 وبعد طلعت غرفتها امها لحقتها.......................
سوسن : ايمو
ايمان : ايوا يا قمري 😻
سوسن : حبيبتي اذا لقيتي فرصة تكوني سعيدة فإياكي ترفضيها تمام 🙂
ايمان : ماما انا هسي سعيدة لاني معاكم 🙂
سوسن : بعرف انك سعيدة معانا بس انا بقصد علاقتك بعبدالله 🙂
ايمان : بس يا ماما نحن
سوسن : ما مهم كيف كانت علاقتكم او كيف بدت المهم كيف تستمر بسعادة 😻
ايمان : طيب ماما ..بس لو واحد فينا ما عاوز يستمر في العلاقة دي😑
سوسن : حبيبتي انتو لسة ما بتعرفو مشاعر بعض بس لو قعدتو اتكلمتو كأي اتنين عاقلين حتوصلو للحل😻
ايمان : صدقيني ماما انا لو لقيت فرصة او امل صغير اكيد حأتمسك بالعلاقة دي 😻
سوسن : توعديني😐
ايمان : بوعدك ماما 🙂
سوسن : حبيبتي بس نفسي اشوفك سعيدة ومع البتحبيهو 😍
ايمان : بعرف ماما 😻
...ايمان حضنت امها وطمنتها وبعدا نزلت تحت وساعدتهم في تجهيز الغداء وبعد اتغدو ايمان طلعت غرفتها وقررت تتكلم مع عبدالله عشان تعرف اذا علاقتهم دي حتستمر ولا مكتوب ليها تنتهي😑.... لمن جاء المساء ايمان قعدت تفكر وتلف في الغرفة ماشة وجاية وكانت متوترة وخايفة من قرار عبدالله رسلت ليهو رسالة😑 .............
💥 عبدو لازم نتكلم في موضوع مهم ما تتأخر 💥
وفضلت منتظراهو طول الليل لحدي ما نامت 😴 ...عبدالله جاء متأخر ولقاها نايمة باسها في راسها 😙ونام جنبها ....تاني يوم ايمان صحت وما لقت عبدالله نزلت تحت سريع وسألت منو قالو ليها طلع طبعا زعلت شديد لانها انتظرتو طول الليل وما قدرت تتكلم معاهو والصباح طلع بدري😬😡.. ما كلف نفسو يصحيها زعلت شديد و طلعت غرفتها قعدت غضبانه بس شافت ورقة في التربيزة شالتها وفتحتو ........

,,,, عارفك زعلانة شديد و عاوزة تضربيني صح😁 بس انا اسف امس كنت مشغول بس الليلة حنتكلم في اي موضوع وعشان اراضيكي عازمك عشاء😀 حتلقي العنوان في نهاية الورقه...
في انتظارك.. عبدو,,,,,,,

ايمان بعد قرت الرسالة فرحت 😁واختارت فستان عشان تمشي بيهو العشاء... بعدا نزلت تحت وساعدتهم واتونست معاهم وكانت مبسوطة لانها اخيرآ حتعرف نهاية علاقتهم دي حتستمر ولا لا وكانت متوترة وخايفة كمان... ولمن جاء المساء ايمان اتجهزت ولبست فستان نص كم كبدي بفضي وكعب فضي باسود وسرحت شعرها ضنب حصان واتعطرت وختت الطرحه في رقبتها( مصرة ما تخلي عادتها) بس كالعادة مزة 😍...اخدت اقرب تكسي وادتو العنوان ووصلا لحدي العنوان ورجع ..المكان كافتريا كلها بالقزاز بس جواها مظلم كأنو مافي زول فيها🤔... ايمان قوت قلبها ولزت الباب اتفتح طوالي.. كانت خايفة بس دخلت وبقت تنادي عبدالله وفجاة حصل شي خلاها تصرخ😱....
/////////////////////////////////////////////////////////////////
تتوقعو الحصل شنو ؟😱
دي البارتات الاخيرة تفائلكم مهم 😘
رايكم يهمني 😘❤