زواج بالصدفه

الجزء (20)

بعد سمعو خبر مرض محمد كلهم قررو ينزلو السودان (احمد بحب اخوهو شديد رغم بعد المسافات بس لو حصل اي شي احمد طوالي بنزل وبقيف مع اخوهو ومحمد كمان نفس الشي 😍) رغم انو ايمان لسة ما بتقدر تمشي كويس(بتمشي بس بطيئة) بس اقنعت اهلها انها بتقدر تسافر وايمن وسامي قالو حيخلصو شغلهم من هناك وطبعا سامي مبسوط من السفرة دي😉 عشان حيشوف حبيبت القلب❤ ورزان قررت ترجع معاهم عشان تمشي بيتهم لانها قررت تنسحب من حياتهم وما تزعجهم( اول مرة تاخد قرار صح 😎)...ايمان اتصلت لاصدقائها وكلمتهم بالسفر وكلهم جو ودعوها😘 ...طبعا كلهم رتبو امورهم في يوم واحد واليوم التاني سافرو الي السودان✈️ ..كانو كلهم خايفين علي محمد وعبدالله اكتر واحد خايف😓😔... اول ما وصلو المطار لقو السواق حارسهم ادوهو الشنط وطوالي فاتو المستشفى وايمان رغم انها ما قادرة تمشي قالت الا تمشي معاهم وطبعا سامي شالها ولمن وصلو المستشفى شالها وصلا لغرفة عمهم محمد وقعدا في الكرسي مها ووليد خافو عليها بس طمنوهم 🙃... ولقو عمهم محمد تعبان بس اتحسن شوية وبعد اطمنو عليهو رزان رجعت بيتهم😺 وعبدالله واحمد فاتو للدكتور وسألوهو عن حالتو...................
الدكتور : جاتو مبادئ حقت سكتة قلبية😿 بس حمدلله كانت في بدايتها وسيطرنا عليها وهسي اتحسن كثير
احمد : كيف يعني سكتة قلبية وكيف جاتو 😱
عبدالله : دكتور السبب شنو 😨
الدكتور : يمكن زعل شديد وكتم الزعل جوا قلبو ويمكن اتصدم صدمة قوية وما اتحملا 😬
عبدالله : كيف يعني 😬
الدكتور : كيف دا لازم تسأل المريض بس كونو جمبو وما لازم يتعرض لسكتة تانية تمام 😦
احمد : طيب يا دكتور شكرا ليك 😩
...بعد طلعو من مكان الدكتور كانو متحيرين 🤔شنو الصدم محمد وزعلو للدرجه دي وبعدا رجعو ليهو في غرفتو وقعدو يتونسو ويضحكو مع بعض والمساء رجعو البيت وعبدالله فضل مع وليد في المستشفى ورجعو امهم البيت وبعد يومين خرجوهو من المستشفى ورجعو البيت.... طبعا اليومين دي كلها بقضوها في المستشفى وبرجعو البيت المساء وايمان رغم انها تعبانة بس يومي بتمشي معاهم بتضغط علي رجلها وتمشي....... بس كان في شي غريب في البيت محيرهم 🤔لانو في غرفة نورها دائماً فاتح رغم انها معروفة فاضية وما فيها اي زول👻 بس اتخاضو عن الموضوع.. وبعد محمد اتحسن ورجع لطبيعتو في يوم كلهم مجتمعين في الصاله وبتونسو سمعو صوت جاي من الغرفة الفاضية ديك👻.................
ايمان : سمعتو الصوت يمكن يكون شبح 👻😱
ايمن : انتي وعقلك المجنون هسي يمكن تكون كديسة 😸
احمد : بس محمد ما عندو كديسة في بيتو 😢
سوسن : طيب يمكن فار 😢
سامي : انتو بدل تتكلمو خلونا نمشي الغرفه ونشوفا 🤔
عبدالله : صح انا حأمشي اشوف اذا في حاجه فوق😐
محمد : ل لا يا عبدو مافي داعي يمكن يكون كديس 😫😫
مها : اااي مافي داعي او يمكن الهواء وقع شي😥
عبدالله : لازم اتأكد بس 😶
وليد : عبدو انسو موضوع الغرفة عندنا عرسان هنا😻
سهى : 🙈
عبدالله : منو 😏
محمد : سامي طلب يد سهى واديناهو الموافقه 🙂
عبدالله : (طوالي غمز لايمان) 😉
ايمان : 😁
احمد : سامي قال لي انك وافقت ونحن نلقى زي سهى وين 💚
سوسن : اي والله سهى زيها مافي 💚
ايمان : الف مبروك انتيمي ومبروك ليك كمان اخي الحلو ❤😘
سهى : تسلمي قلبي 💚
سامي : تسلمي اختي العسل 💚
..كلهم كانو مبسوطين بالخبر ايمان وعبدالله فرحانين ليهم شديد بس فرحتهم اختفت لما محمد اتكلم معاهم ........
محمد : حأفسد ليكم فرحتكم بس عندي ليكم اخبار محزنة 😐
احمد : ان شاء الله خير 😐
محمد : صراحة الغرفة السمعتو منها صوت فيها زول😢
عبدالله : مين ضيف 😦
محمد : لا فيها سحر 😶
ايمان : 😱😬
عبدالله : 😡😱😬
احمد : سحر بت الهادي 😢
سوسن : انت قصدك سحر 😶
محمد : ايوا سحر 😐
عبدالله : وشنو الجابها هنا 😡😡
محمد : اهدأ يا عبدو انا كمان لمن جات اول مرة زعلت شديد ودا سبب مرضي 😔
عبدالله : وكمان هي السبب في مرضك مستحيل اخليها تقعد هنا ولو دقيقه واحدة 😡😤
محمد : إياك يا عبدو لو داير رضاي ما تسألها بعرف انها جرحتك واتخلت عنك بس كل شي حصل وانتهى 😤وهسي هي بتدفع ثمن اعمالها 😐
احمد : طيب حصل ليها شنو 😶
محمد : للاسف سحر بعد هربت مع عاصم كانت قعده معاهم في البيت على اساس انها صديقة اختو وما كلمو امو بالحقيقة ولمن عرفت قالت مستحيل تقبل تزوج عاصم من سحر بدون رضا اهلها 😐
سوسن : صح كلامها بالجد دي مراة عاقلة 🙂💚
محمد : وطلبت من عاصم يرجع سحر لاهلها ويعتذرو منهم وبعد اهلها يرضو يسامحوها حتجي مع ولدها وتتقدم رسمي🙂🙂
ايمان : امو طلعت اعقل منهم بكتير 💚وفاهمة بجد💚 حاولت تصلح اخطائهم عشان توجه علاقتهم للطريق الصحيح 💚
محمد : صح بس الهادي رفض يسامح سحر😐 وغير كدا ضربا شديد وقال مستحيل يخليها عايشة الا فكوها منو بالعافية😔
احمد : صح اكيد انجرح منها شديد ولمن الناس تعرف انها هربت حيشككو في شرفها 😬
محمد : صح حتى ابوها شكك فيها لانها عايشة مع عاصم اكتر من ثلاثة شهور في بيت واحد 😬رغم انو عاصم حلف اليمين لابوها انو ما قرب من بتو نهائي بس الهادي ما صدقهم وقرب يكتل عاصم وسحر 😬
عبدالله : حتى انا ما بصدق انو اتنين بحبو بعض😐 وهربو مع بعض😐 وعايشين مع بعض 😐حتى لو ما حصل شي بيناتهم مافي زول بصدقهم 🙄
محمد : ودا الحصل للاسف كل الناس عرفت قصتهم واي زول بتكلم فيهم حسب فهمو ودا الزاد غضب الهادي😤 لانو حتى سمعتو اتشوهت😔.. انا لمن عرفت بالموضوع جبت سحر معاي البيت وكل يوم بفكر كيف احل المشكلة دي 😶
ايمان : عمو نحن معاك وحنحل الموضوع انت ارتاح وما تتعب حالك 🙂
عبدالله : انا ما بحل اي مشكله وما بتهمني لا سحر ولا عاصم😡 ولا الحصل ليهم ولا الحيحصل ليهم لانو هم اختارو طريقهم براهم ويتحملو نتيجة اخطائهم 😤
ايمان : عبدو 😶
وليد : عبدو بعرف انك مستحيل تسامحهم بس انسى الحصل😦
محمد : عبدو انا بحل كل شي😐.. انا حكيت ليكم عشان تعرفو الحصل بس😐
مها : وكل شي حيتحلا 🙂
عبدالله : المهم ما تطلع في وشي لاني ممكن اقتلا 😡😤
ايمان : عبدو 😡
عبدالله : انا طالع غرفتي 😤
...عبدالله طوالي طلع غرفتو ايمن وسامي ووليد لحقو ....بعد فاتو ايمان قعدت جمب عمها محمد...............
ايمان : عمو ما تشيل هم اي شي انا بوعدك اني حأحل كل المشاكل دي 🙂
محمد : انتي قلبك مسامح بالجد رغم انو انتي دفعتي ثمن اعمالهم😔
ايمان : عمو كل الفات ماضي ما ممكن نصلحو🙂 بس دا الحاضر وحنصلح كل شي المهم انك ترتاح وما تزعل 🙂💚
مها : بالجد انتي جوهرة ربنا يحفظك 😘
محمد : ايمو انا بشكر ربي لانك بقيتي زوجة ولدي لانو لو لفا العالم كلو مستحيل يلقا زيك 😘
ايمان : تسلم عمو ❤
...بعدا ايمان طلعت فوق واتجهت لغرفة سحر واخدت نفس عميييييق وضربت ليها الباب ودخلت لقت سحر قاعدة في السرير وشكلها اتغير بقت ضعيفة ولونها اصفر وعيونا محمرين.. ايمان زعلت عليها شديد وقعدت جمبها واتكلمت معاها..............
ايمان : كيفك سحر 🙂
سحر : بخير شكرا ايمان
ايمان : صراحة عاوزة اسألك سؤال 😐
سحر : اتفضلي 😔
ايمان : انتي بتحبي اهلك ؟
سحر : مافي شخص بكره اهلو 💚
ايمان : طيب لي ما حاولتي تشرحي ليهم علي الاقل كان تتكلمي مع عبدالله قبل ما تفكري تهربي 😐
سحر : حاولت احكي ليهو بس ابوي منعني وقال كدا حأبوظ سمعتو لو الغينا الزواج وكل الطرق اتقفلت في وشي وما لقيت حل غير الهروب 😔
ايمان : انتي عارفه هسي سمعتك اتشوهت اكتر بعد هروبك وعارفة الناس بنظرو ليكي نظرة سيئة 😐
سحر : ايمان صدقيني رغم اني ساكنة مع عاصم في بيت واحد بس والله ما قرب علي ولا لمسني كنت بنوم مع اخواتو وعايشين زي الاخوة 😔
ايمان : انا ممكن اصدقك بس كيف حتقنعي العالم كلها 🤔
سحر : ما بعرف 😔😫
ايمان : في طريقة واحدة لازم تتزوجو 🙂
سحر : بس امو رفضت وقالت لو اتزوجنا بدون رضا اهلي مستحيل تسامح عاصم وترضى عليهو وعاصم بحب امو شديد ورضاها اهم شي عندو 😢
ايمان : طيب وابو عاصم 🤔
سحر : للاسف ابوهو متوفي 😔😫
ايمان : ربنا يرحمو 😔
سحر : ايمان انا اسفه علي كل شي حصل ولانك انجبرتي تتزوجي بدلي واتحملتي كل اخطائي وللان انتي بتحاولي تجمعيني مع اهلي 😫😥
ايمان : انسي كل الحصل لانو مقدر ومكتوب وانا قبلت بواقعي واهم شي رضا احبائي وبعمل اي شي عشانهم💚
سحر : يا ريت لو انا بفكر زيك ما كنت وقعت في مشاكل زي دي😔😫
ايمان : انتي ما عملتي شي خلط لانو الحب عمرو ما كان كدا بس المشكلة انو طريقتك خطأ 🙂💚
سحر : انتي طيبة شديد وعفوية ومسامحة كمان لانو رغم إني السبب في كل مشاكلك بس انتي لسة واقفه معي🙂❤
ايمان : لانو الانسان لمن يسامح وينسى بيقدر يعيش حياتو.. انا بحاول احل كل شي .حتى عمو الهادي حيسامحك بس داير شوية زمن وصبر 💚
سحر : بس انتي لي حابة تساعديني 🤔
ايمان : عشان اسعد عمو محمد وخالتو مها وحتى امك اكيد قلبها محروق عليكي وغير كدا عشان عبدالله يقدر ينسى ويواصل حياتو 😥
سحر : شكرا ليكي😻 لانك سمعتيني وحتقيفي معاي بس امنيتي انو اهلي وعبدالله يقدرو يسامحوني😥😢
ايمان : طيب انا طالعه 🙂انتي ارتاحي
...ايمان طلعت من غرفة سحر وفاتت غرفتها طوالي شافت عبدالله غضبان وقاعد😡 في السرير ومتكي😤 ايمان عملت حالها ما شايفاو🙄 اخدت ملابسها من الدولاب واتدوشت وغيرت ورقدت في السرير كأنها ما شايفاهو طبعا عبدالله غضب زيادة وعصب وبقا يتكلم معاها😤......................
عبدالله : ايمان ايمان 😤
ايمان : نعم 🙄
عبدالله : قومي ياخ 😤
...ايمان قامت قعدت في السرير ورفعت ليهو حاجبها ( نظام مشكلتك شنو)............
عبدالله : دا شنو القلتيهو تحت دا 😬
ايمان : قلت الكلام الشفتو صح 😐
عبدالله : ما تتدخلي في حياتهم وما تحاولي تصلحي اي شي فهمتي😤
ايمان : لا ما فهمت ولا حأفهم 🙂
عبدالله : انتي لي ما بتسمعي كلامي يعني سعادتي ما بتهمك😢
ايمان : طيب يا عبدو سعادتك لما تشوف سحر بتتعذب🙄 ولا سعادتك لما تشوفا في الشارع 😤ولا سعادتك لما الناس كلها تتكلم فيها 😤ولا سعادتك لما تشوف اهلها زعلانين وخجلانين وموطين راسهم 😤
عبدالله : لا سعادتي لمن تكوني بعيدة عن المشاكل دي كلها 😢
ايمان : وشنو عشان اهلك😐.. عمو محمد تعب لمن الناس عرفت بهروب سحر وكمان عرفو انك اتزوجت واحدة تانية عشان تخطي هروبها 😫
عبدالله : ايمان ما بهمني كلام الناس 😬
ايمان : انا مستحيل اغير قراري انا حأساعدهم عشان سعادة اهلهم وسعادة عمو محمد وسعادتك 😥
عبدالله : وانتي حتكوني سعيدة بمساعدتهم 😢
ايمان : سعادتي في سعادة اهلي 😥
عبدالله : طيب انتي حره واتحملي نتايج مساعداتك😬
ايمان : مستعدة اتحمل اي شي وانت اذا حبيت تكون معاي حأكون سعيدة بمساعدتك 🙄
عبدالله : مستحيل اساعدك عشانهم 😬
ايمان : اوكي تصبح على خير 😦
عبدالله : 😔
...ايمان رقدت واتخطت وعبدالله قعد يفكر شوية🤔 وبعدا نام .... تاني يوم ايمان صحت بدري واتجهزت لبست فستان بني ببيجي مع شبط بيجي وطرحة بيجي وسرحت شعرها ضفيرة وما لبست اكسسوارات بس لابسة سلسلتها ..عبدالله شايفها بتجهز في حالها😐......................
عبدالله : ايمو عندك طلعة 🙄
ايمان : ايوا طلعة مهمة شديد 😁
عبدالله : وين 🤔
ايمان : سرية 😀
عبدالله : طالعة براكي 🙄
ايمان : ايوا 😐
عبدالله : ايمان احكي ماشة وين 😬
ايمان : ماشة افطر مع خالتو هالة وعمو الهادي 😀
عبدالله : انتي ما جاده اكيد انتي مجنونة 😬
ايمان : اكيد جادة 😐
عبدالله : والله عمو الهادي بقتلك لو جبتي ليهو سيرة سحر 🙄
ايمان : انا بعرف كيف اتصرف معاهو 😐
عبدالله : طيب انتي اصلك عنيدة وبتعملي الفي راسك بس 😤
ايمان : اكيد 🙂
عبدالله : 😒
ايمان : يلا باي عبودي see you😎
عبدالله : عنيدة 😔
...ايمان طلعت طوالي واتجهت لبيت الهادي وكانت خايفة شديد بس قوت نفسها وكل الطريق بتدعي عشان تنجح😥 ...................
/////////////////////////////////////////////////////////////////
لو كنتو محل ايمان حتساعدو سحر ولا لا ؟
تتوقعو ايمان حتنجح ؟