زواج بالصدفه

الجزء (13)

النادل : حتفتحي الباب ولا اكسرو 😈 احسن تفتحيحو براكي والإ لو كسرت الباب حأقتلك 😡
ايمان : 😭😭 عبدو وينك
...قعد يضرب الباب عشان يتكسر وايمان من جوه بترجف وبتبكي وخايفه الباب يتكسر قام شال السكينه وفكا بيها قفلت الباب ودخل جوه لايمان ولما سمع صوت عبدالله خت السكين🔪 في رقبت ايمان وطلعا من الحمام ... عبدالله وعادل وصلو الفندق عبدالله جرا فوق طوالي وضرب باب غرفتهم وحاول يكسر الباب ( البطل دا قايلو باب افلام 😎) ولما سمعوهو بيصرخ وبيضرب الباب جو فتحو ليهو بالمفتاح الاحتياطي ولما دخلو اتفاجئو بيهو ماسك ايمان ومهددا بالسكين 🔪....
النادل : ههههه اياكم تقربو والا بقتلا
عبدالله : 😡 بعد عنا واياك تأذيها
النادل : 😈 زحو بعيد من الباب وخلوني اطلع بسلام وبعدا بخليها والا حأقتلها بدون اي رحمه وهي ما اول وحده 😏😈
المدير : معتصم 😡😡 خلي المدام وانا بوعدك ما حيحصل ليك شي
النادل : هههههه وانت منو عشان انفذ كلامك.. افتحو الطريق سريع والا
...وشد السكين في رقبتها... وايمان بتبكي وبتعاين عبدالله كأنها بتقول ليهو ساعدني😭😟.. فتحو ليهو الشارع واثناء ما هو طالع ايمان اغمي عليها😵 ووقعت ( بعدا ما حيقدر يشيلها او يكرها)  خلاها في مكانا وهرب وجرى طلع من الفندق 🏃 ....عبدالله جرا لايمان وعادل جرا وراء معتصم 🏃 عبدالله شال ايمان وطلع بيها اقرب مستشفى ( دا نفس المستشفى) الدكتور ضمد ليها الجرح واداها حقنه💉😲 مهدئه وبعدا عبدالله شالها ووصلا الفندق بس نزلو في غرفه تانيه وفات غرفتهم رتب ملابسو كلها في الشنطه وايمان اصلا مرتب ملابسها في الشنطه وشالهم وداهم الغرفه الجديده حقتهم وقعد جنب ايمان ...ايمان بدت تصحا وبقت تتكلم وتصرخ
ايمان : بعد عني ساعدوني ساعدوني ساعدوني
عبدالله : ايمان اصحي ايمان
...بقت تلز عبدالله وتصرخ عبدالله جاب مويه بارده ورشاها بعداك صحت بخلعه كدا وقعدت في السرير واتخطت وبقت تتلفت في الغرفه كلها ....
ايمان : (بخوف) وينو
عبدالله : ما تخافي تاني مستحيل يقرب منك اهدي
عبدالله ختا يدو في كتفا عشان يهديها ايمان زحت ليهو يدو وزحت منو بعيد...
ايمان : انت السبب... انت 😭😭
عبدالله : انا اسف بس اهدي بوعدك كل الحصل ما حيتكرر😞
ايمان : دائما بتخلط وبتعيد نفس الكلام 😭 في الاسبوع الواحد دا عشت اسوأ ايامي وكل يوم مصيبه جديده.. انا كرهت حياتي من جييت هنا
عبدالله : اسف اسف 😞
ايمان : التمثيليه دي حتنتهي😭 وانت حترتاح من وشي وانا حأرتاح من تعصيبك وما مضطر تطلع وتخليني براي تاني لاني حاكون مع اخواني واسرتي هم سندي ومستحيل يتخلو عني😞😭
عبدالله : انا كمان مستحيل اتخلا عنك
ايمان : عشان خاطر ابوك صح... بس انا ما عاوزه اكون ثقل علي زول وبعد نتطلق حنتحرر من العلاقه المزيفه دي 😐
عبدالله : حنتكلم في المواضيع دي مره تانيه هسي ارتاحي لازم تاكلي وترتاحي
ايمان : ما عندي نفس لشي
عبدالله : الجوع ما بحل مشكله
ايمان : والله ما عندي نفس تعبانه بس عاوزه انوم
عبدالله : خلاص ارتاحي شويه
...ايمان رقدت وما قادره تنوم وكل ما تغمض تتذكر وبقت تتغلب في السرير عبدالله عرفها ما قادره تنوم كب ليها حبة مهدئ في المويه واداها شربت المويه وبعدا نامت 😴😴 بعدا عبدالله سمع دق في الباب فتح الباب لقا مدير الفندق .....
عبدالله : ان شاء الله مسكتو الحقير دا
المدير : للاسف ما مسكناهو وصاحبك رجع بيتو وقال حيتصل ليك
عبدالله : تفتشو وتجيبو لي لو غطس تحت الارض عاوزو
المدير : بوعدك اول ما نقبضو حأسلمو ليك
عبدالله : المشكله نحن بعد بكره مسافرين لندن بس انا حأتابع معاك لحدي ما يتمسك ويتعاقب... هو زاتو محظوظ لاني ما حأكون هنا وإلا كنت حأقتلو بيدي💪😡
المدير : انا مستحيل اخليهو يهرب من الشرطه لانو اتعدى حدودو معاك وبوظ لي سمعة الفندق 😡 انت اكتب لي رقمك وانا بوفيك بالتفاصيل
عبدالله : تمام
المدير : بتمنى ليكم سفره مريحه وبعتذر علي كل شي حصل هنا بتمنى تقدر تسامحنا انت والمدام
عبدالله : انت ما عندك ذنب... بس صلح نظام الامن في الفندق وخلي عينك علي العمال😬
المدير : بوعدك الحصل ما حيتكرر ابدا
عبدالله : تسلم واتشرفت بيك 🙂
المدير : لينا الشرف سيد عبدالله.. الليله عاملين حفله للعرسان والكل حيحضر. كنت بتمنى حضوركم بس انا بقدر وضعكم 🙂
عبدالله : اسف بس انت عارف حالتها ما حنقدر نحضر
المدير : ان شاء الله كل شي حيتصلح... تصبح على خير 🙂
عبدالله : تلاقى الخير🙂
...بعدا عبدالله اتصل لعادل عشان يطمن عليه.....
عبدالله : الو
عادل : عبدو كيفها ايمان ان شاء الله بخير
عبدالله : تعبانه وما قادره تنوم الا اديتا مهدى
عادل : مرت بيوم صعب شديد
عبدالله : المهم انت بخير ومعتصم ما اذاك
عادل : للاسف فلت من يدي بس الشرطه متابعه قضيتو وقريبا حنقبض عليه
عبدالله : نحن حنسافر بعد بكره
عادل : سافر وانت مطمن انا حأتولا كل الامور هنا... توصل بالسلامه
عبدالله : حأفتقدك ياخ
عادل : وانا كمان بس بيناتنا مكالمات
عبدالله : طيب تصبح على خير يا حبيب
عادل : وانت من اهلو يا مان
#...عبدالله عايز ينوم في الكرسي بس خاف ايمان تقوم وتصرخ عشان كدا رقد جنبها في السرير 😇...تاني يوم ايمان صحت وحست بشي ولما فتحت عيونا لقت عبدالله نايم جنبها وهي نايمه في حضنو 😯 حاولت تقوم بس عبدالله ماسكا من خصرا... عبدالله حس بحركتها وصحا ولسه ماسكا .....
عبدالله : كيف اصبحتي
ايمان : بعد ايدك من خصري وبعد عني 😑
عبدالله : اسف
..عبدالله فكاها وقام قعد في السرير..وايمان قامت من السرير وقعدت في الكرسي...
ايمان : انت شنو جابك جمبي
عبدالله : كنت قاعد في طرف السرير ونمت من النعس 😇اسف
ايمان : اه اه ايدي 😬
عبدالله : بتوجعك
ايمان : اي
عبدالله : يمكن ضربتي بشي او إلتهب... نمشي المستشفى يغيرو ليكي الشاش
ايمان : لا لا انا بخير 😲
عبدالله : علي كل حال حنمشي لازم ينضو الجرح عشان ما يلتهب
ايمان : 😲😨 لا
عبدالله : اوه فهمت بتخافي صح 😯
ايمان : لا ما بخاف 😲 اوكي خلينا نمشي
عبدالله : اشربي الشاي وغيري
ايمان : اوكي 😿
...عبدالله اخد دش وطلع والنادل جاب ليهم الشاي والفطور بعد شربو وفطرو إيمان اخدت دش (بدون ما تقرب المويه علي يدا) ولبست بنطلون ابيض وقميص أبيض وشبط كبدي وطرحه كبديه وطلعو وصلو المستشفى ودخلو للدكتور ...ايمان من دخلت غرفة نظافة الجروح 😨😰واقفه مرعوبه وخايفه من الحقن والمقصات وباقي الادوات 😰 ( اول مره لمن نضفو ليها الجرح كانت نايمه) ...الدكتور ناداها عشان ينضف ليها الجرح ومن شافت الدكتور لبس القفازات..طوالي جرت طلعت من المستشفى وركبت العربيه وعبدالله جرا وراها وهو بنادي فيها ولما شافا ركبت العربيه فات ركب جنبها ولقاها بتبكي ( مسكينه انا لو محلا بجري برا السودان 😀) ......
عبدالله : اهدي
ايمان : ارجوك ما عاوزه امشي الغرفه ديك تاني انا خايفه 😭
عبدالله : اهدي الدكتور حينضف ليكي الجرح بالمطهر ويلف ليكي الشاش بس وحنطلع طوالي
ايمان : انت جادي يعني ما حيستعمل المقص او الحقن 😲😭
عبدالله : لا مستحيل يستعمل المقص
ايمان : والحقنه 😭
عبدالله : لا حيستخدم مقص ولا حقن
ايمان : طيب
... بعد ايمان هدت رجعو للدكتور نضف ليها الجرح بعد تعب مرات تصرخ وتمسك عبدالله ومرات تجدع الحاجات ( دي بتخلي الدكتور يستقيل 😂) الدكتور لمن خلص فرح اكتر منها.......
الدكتور : اخيرا خلصنا
عبدالله : حمدلله وكأننا في حرب
الدكتور : الحمدلله انها امس كانت نايمه والا كان لمت المستشفى كلها
ايمان : 😣 بلا نطلع من هنا سريع
الدكتور : لازم تاخدي حقنه عشان الجرح ما يلتهب
ايمان : حقنه 😰
عبدالله : دكتور مافي بديل للحقنه
الدكتور : في حبوب بس مفعولا ما سريع
ايمان : باخدهم بس حقنه لا
الدكتور : طيب بتمنى ليكي الشفا
ايمان : يلا نمشي
الدكتور : ما تخافي يا مدام
عبدالله : شكرا ليك دكتور
الدكتور : دا واجبي هههه
... بعدا عبدالله وايمان رجعو الفندق وشالو شنطهم ورجعو البيت ومن وصلو البيت ايمان نزلت من العربيه وجرت دخلت وهي بتنادي.. 
ايمان : ماما بابا وينكم ايمن سامي عمو وخالتو
...كلهم جو طالعين برا ايمان جرت حضنت امها 😭وبعدا حضنت ابوها واخوانها وسهى وسلمت عليهم كلهم وتاني رجعت حضنت امها....
ايمان : قمري والله اشتقت ليكم
سوسن : حبيبتي كيفك انت
ايمان : بخير بعد شفتكم
سوسن : ايمو 😱 ايدك انجرحت كيف انت كويسه حاسه بوجع
ايمان : لا ماما انا بخير
احمد : كيف انجرحتي
...عبدالله جاء داخل بالشنط ولمن سمعهم بسألو ايمان عن الجرح خاف شديد وعرف انو ايمان حتحكي الحصل وكلهم حيشاكلو 😐....
محمد : ايمان احكي
ايمان : كل القصه في قزازه مكسوره في الارض وانا اتزحلقت ووقعت وجرحتني😁
احمد : سلامتك حبيبتي
سوسن : دا اهمال منهم ولازم نحاسبهم
ايمان : ماما انا بغير وجات سليمه
ايمن : صح كلام ماما لازم يتحاسبو
سامي : ايوا مستحيل نسامحهم
محمد : انا بتفق معاكم
مها : ايوا
ايمان : اهدو انا بخير وعبدالله حاسبهم على كل شي صح عبدو 🙄
عبدالله : ااي
محمد : كويس انك حاسبتهم
...كلهم سلمو على عبدالله وقعدو في الصاله يتونسو وبعدا فطرو وجهزو حاجاتهم وطلعو بعد الظهر عملو قعده في شارع النيل وقعدو يتونسو ويضحكو ايمان كانت مبسوطه شديد ...سامي وسهى❤ قامو يتمشو مع بعض وايمان قامت تتمشى مع ايمن ....
ايمان : واو شوف محل بوظه😻
ايمن : يلا نشتري بوظه للجميع
ايمان : انا عاوزه اثنين ✌
ايمن : تأمري يا اميرتي
...ايمن اشترى بوظه للجميع واشترى لايمان اثنين واثناء ما هم راجعين....
ايمن : ايمان انتي مبسوطه مع عبدالله 😐
ايمان : بحاول اتأقلم مع علاقتنا🙄
ايمن : بعرف انو كل شي حصل بسرعه ولازمك وقت ...ان شاء الله عبدالله بيعاملك كويس؟
ايمان : اووف ايمن ما تخاف علي اختك قوية اطمن كل شي بخير 😀
ايمن : حبيبتي عبدو لو ضايقك في اي شي او خلا دمعه تنزل من عيونك مستحيل اسامحو 😬
ايمان : صدقني ما ضايقني في اي شي
ايمن : 🙂 طيب حبيبتي يلا نرجع
...بعدا رجعو قعدو معاهم واكلو البوظه بس في اثنين لسه مختفين بعد قعدو شويه عبدالله مشا قعد جمب البحر وايمان لحقتو وقعدت جمبو......
ايمان : بتشكي همومك للبحر😐
عبدالله : شبه ذلك 😑
ايمان : صوت البحر وريحتو وحركه الامواج الهاديه براها بتهدي النفس
عبدالله : صح... غريبه شنو جابك وراي
ايمان : جيت لسببين
عبدالله : سببين شنو
ايمان : اولا عشان اهلنا يشوفو اننا متفقين ومبسوطين 🙂
عبدالله : والسبب التاني
ايمان : لازم نتفق عشان نجمع عصافير الحب🙂❤
عبدالله : عصافير الحب ديل منو
ايمان : انت ما مركز انو اختك حابه اخوي وعشان السفر بكره هسي هم مع بعض
عبدالله : انا مركز مع مشاكلي ومغمض عيوني عن اي حاجه تانيه.. يمكن انا اخ سئ
ايمان : الظروف قاسيه بس كل شي بيتحل
عبدالله : انا ما عندي مشكله بعلاقتهم
ايمان : نحن مهمتنا انو نجمعهم
عبدالله : كيف وهم هسي مع بعض
ايمان : بعرف بس لازم علاقتهم تتطور ويتزوجو ...الاثنين خجولين وما بيحكو لاي شخص عن علاقتهم
عبدالله : بس حنعمل شنو ؟
ايمان : بس بكره انا حأكون في لندن
عبدالله : نحنا
ايمان : انت حتسافر
عبدالله : خلينا من موضوع السفر ووريني الخطه
ايمان : اوكي... اول ما نصل لندن.''................. ''اتفقنا
عبدالله : اتفقنا
ايمان : انا راجعه حترجع معي ولا حتقعد
عبدالله : نمشي
...ايمان وعبدالله رجعو وسامي وسهى كمان رجعو وقعدو مع بعض كلهم.....
ايمان : انتيمي كنتي وين 😏
سهى : ااانا اتمشيت في البحر بس😀
ايمن : وسامي كمان كان مختفي 😐
سامي : ل لا انا كنت في المعديه 😁
...ايمان وعبدالله كاتمين الضحكه 😀 وبعدا اتونسو واتمشو ولعبو بالمويه وكانت لحظات حلوه وقضو احلى يوم ورجعو البيت
... وتاني يوم ودعو الكل حتى هاله والهادي جو ودعوهم وركبو الطياره وإلي لندن ✈️ ايمان كانت مبسوطه شديد عشان حترجع لبيتهم وأصدقائها وجامعتها واخيرآ حترجع لحياتها الحلوه ❤

---------------------------------------------------------
رايكم شنو في البارت ؟🙂