وحوش بشريه

تعالو❤❤

حبايبي... عبالك بارت لاعيني لا

طبعا اشكركم من كل كلبي على تفاعلكم على القصه واقدر لهفتكم عليهه
اشكر كلمن صوتت وتركت تعليق حلو مثلهه هواي اسئله دتنطرح عليه وهي
القصه حقيقيه؟؟ البطله اتابع ويانه؟ شوكت تنزلين بارت ؟ وليش البارت قصير وهذا السؤال يجلطني ويسببلي صداع وتسارع وارتفاع بضغط الدم

القصه حقيقيه 100% مع بعض المواقف الواقعيه والبطله اتابع وياكم وتقره التعليقات

شلون تعرفت عليهه تعالو احجيلكم...
اغلبكم قره قصه حب عاثر للكاتبه نورا ناصر وتعرفون البطله مسره طبعا اني صديقتهه وبيتنه قريب على بيتهه صار عرس حماتهه وعزمتني ورحت جنت بوقتهه كاعده اني ومسره نسولف واشوفلكم وحده هدت على وحده من المعازيم تريد تكتلهه وصوتهه شعلوه وكلهن اتجمعن عليهه وهي اكلت البنيه وذبتهه سألت مسره عليهه كالت ما اعرفهه بس هم اقرباهم هوايه يجوز منهم
بعدين اجت كعدت يمنه سألتهه مسره ليش تعاركتي كالت وحده صورتني ومن كلتلهه امسحي الصوره غلطت عليه بس شنو لاول مره اشوف وحده بالقوه اكلت النسوان اكل محد كدر يسكتهه
ضلت كاعده يمنه وتسولف ويانه ما ادري ليش حبيتهه وتبادلنه الصفحات بعدين عرفتهه هي من عشيرتهم بس صديقه العروسه
ومن خلال التواصل وياهه عرفت قصتهه واقترحت عليهه اكتبهه ووافقت
هذا الجواب على سؤالكم وين تعرفيهه ادري بيكم فضولين لان الخاص مليان اسئله شلون تعرفتي..

اما بالنسبه للنشر يوميا بالليل وما اتأخر بالوقت  بس اريد يوم واحد عطله بلاسبوع اذا جنت تعبانه واذا ماعندي شي انزل الكم من عيوني

البارت قصير؟؟ والله موقصير اكتب 2500 كلمه كل بارت ما اكتب اكثر عندي دوام والله ومتعب الى درجه تخيلوا يجي المدير يلكاني مندمجه واكتب وشلون رزاله احصل من وراكم بس تمونون
ورجاءا لاتقارنوني بغير كاتبات فلانه تكتب هلكد وفلانه هيج ترى كل واحد وطاقته وضروفه الي تنزل كل اسبوع بارت لو بارتين طبعا تكتب طويل بس مويوميا وتريدون 5000 كلمه هم على كيفكم ويايه

كلكم تعرفون اني كاتبه جديده على الساحه بس الحمدلله خلال اشهر توفقت وقصصي حازو المراكز الاولى
اريد همتكم وياي وترفعون حسابي لاكبر عدد من المتابعين ولاتنسون تصويتكم وتعليقكم على القصه
احبكم 🌹❤