نبأ أصحي ي بت غريبة الليلة انتي م صحيتي بدري ي بت مالك اصحي نبأ قومي ياخ بطلي كسل طبعا دي سبأ بتصحي نبأ دخلت الحمام وطلعت م لقت نبأ صحت جات جرت منها البطانية وقالت نبو قومي ي بت م ف اي استجابة جرت نادت
امها ي امي ي امي الحقي نبو م عايزة تصحي لي من الصباح بصحي فيها هي م بتتحرك لونة رمت كبايه الشاي وامهم دي هبطت خلاص ف محلها سبو بقت تتنفس بصعوبة امي الحقيها ليان جرت دخلت بقت تصحي فيها وتضربها ف خدها امهم جمعت قوتا جات لحقاهم جوة نادت مصطفي جاب تلفونا ضربو للاسعاف 10دقايق حالتهم بقت م بتتحمل كلهم امهم تعبت وسبو دي م خلت دمعه ليان شوية كانت بتصبر فيهم قالو ليهم زول واحد بس يركب معاهم ليان وسبأ حلفو الا يمشو معاهم الاتنين طلع اسامة شكلو ماشي ع الدكان لقاهم اتكلم مع واحد من السسترات فهمو الحاصل جرة سبأ قال ليها خلي اختك الكبيرة وامك يركبو معاها وهو ساق مصطفي وسبأ دخلهم البيت سبأ بقت تشاكل فيهو وتنبز فكني انت م تتدخل م شايف اختي بتموت ياخ فكني والله تحصل ليها حاجه م اخليك وبقت بصعوبة بتتنفس مصطفي قال ليهو الازمة الازمة وبقا يصرخ 💔اسامة بقا يهديها قال ليهو جيب ليها البخاخ سريع مصطفي دا بقا م قادر يتحرك اصلا واسامة م عارف يعمل شنو وسبأ دي خلاص بقت بتجر انفاسا جر اسامة نادا بت الجيران قال ليها ادخلي سريع شوفي البخاخ وين طبعا الجيران اول م عربيه الاسعاف اتحركت اي واحد دخل بيتو حسب انو هم ناس اي زول ف حالو وخاصه بقولو امهم دي م قاعدة تدخل للناس ولا اولادا م بتخليهم يمشو بس ماسكاهم ف البيت عليها لو ف مناسبة بتمش الام مرات بس عشان كدا واحدة من جيرانهم طلعت معاهم م ف البت اسمها رزان دخلت فتشت ف الادراج م لقت قالت ليهو م عارفه مكان البخاخ قال ليها امسكيها انا بفتش جات قعدتا وفتحت المروحة ليها اسامة بقا م عارف يبدا من وين مصطفي ببكي وهو خايف لقا شنطة ف السرير فتحا لقا البخاخ جرا بيهو ادوها شويه بدت تهدا ومصطفي سكت البت قالت ليهو يلا عن اذنك قال ليها خليك شويه انا غريب عنهم وهم تعبانين موش انتي ساكنة جنبهم هنا قالت ليهو م بعرفهم دي اول مرة ادخل بيتهم وطلعت بعد هدت شوية سبأ قالت ليهو مصطفي ناولني طرحتي دي اسامة قال ليها معليش انا م انتبهت ليك قام طالع برة سبا لبست وقفلت البيت وشالت تلفونا وساقت مصطفي قالت ليهو شكرا ليك م قصرت نحن لازم نمشي المستشفي قال ليها بوصلكم انا دقيقه بس طلعو برة اجر ليهم امجاد وركب معاهم اتصلت لي ليان قالت ليها انتو وين قالت ليها ف .مستشفي .........اسي دخلوها الدكتور قالت ليها خلاص جاية عليكم اسامة قال ليها هي العيانة اسمها منو قالت ليهو نبأ قال ليها سلامتا م بفرز بينكم قالت ليهو اي صاح بنتشابه وصلو دخلو لقو امهم دخلوها برضو ضغطها ارتفع وليان واقفه ومعاها راجل واقف سبأ جرت حضنتها وبقت تبكي عمهم عبدالله قال ليها خلاص ي سبأ روقي قعدت ليان مشت لامها لقتا قامت يداب مصطفي جا قعد جنبها واسامة دخل سلم عليها وقعد معاهم لحدي الدكتور طلع قال ليهم حالتا استقرت بس ف فحوصات لازم تعملا وامشو جيبو ليها الادوية دي اسامة شال الورقه والدكتور نادا عمهم قال ليها عايز اتكلم معاك تبعو ليان قامت معاهو قال ليها عايز اتكلم مع ابوك علي انفراد قالت ليهو انا اختها الكبيرة ودا عمي ممكن تتكلم بوضوح ي دكتور عمها قال ليها ليان ياتو يوم بتفرزي بيني وبين ابوك اقعدي هنا واسمعي الكلام جات امهم قالت ف شنو ي لونة الدكتور قال ليها عايزك انت موش امها ومشو اول م دخلو الدكتور قال ليهم اتفضلو عايز استفسر منكم ف اسئلة بسيطة عم عبدالله قال ليهو خير ي دكتور البت مالا كلو خير ان شاءالله قال ليهم البت دي عايشة بي كلية واحدة انتو عارفين انو اي مضاعفات ح ترميها وقعه م بتقوم منها دمها بسيط شديد م ملاحظين ليها يعني اعتنو بيها كويس حالات الاغماء المفاجئ دي لو اتكررت اكتر من مرة م بتعرفو العواقب ح تكون شنو وبعدين هي لسة صغيرة كليتا دي واحدة من متين اتبرعت بيها ولا مشكله ف الكلي نجاة سكتت ودنقرت راسا عم عبدالله قال ليهو اتبرعت بيها لاختها لكن ف شنو ي دكتور ان شاءالله الموضوع م خطير الدكتور قال ليهم ادعو يكون خير الفحوصات لسة م طلعت لكن خلو بالكم منها نجاة طلعت بقت تبكي لونة مسكتا ف شنو ي امي خير نبو مالا امها قعدت كلو من عمايل ابوكم الجادعكم وم جايب خبركم سايب لي مسؤلية ف راسي اربعه شفع التقول م اولادو اسي انا اعمل شنو معاكم الفيني انتهي قضيت عمري كلو عشان بناتو الماعجبينو ديل انا عمري كلو شقيت ضقت الويل عشانو شنو الما اشتغلتو خسرت علاقاتي مع اهلي شايفيني ادني واحدة فيهم ياما طاعنوني بالكلام كلو وانا مستحملة عشان اولادو الهو م شغال بيهم وانفجرت بكي عبدالله بقا يسكت فيها معليش ي نجاة استغفري ربك نحن ف مكان عام جا اسامة قال ليهم صحت ممكن تشوفوها دخلو
امها: مسكت يدها نبأ عايزة تموتيني مالك علي ي بتي قطعتي قلبي الحاصل ليك شنو ي بت
ليان :نبو يخسي عليك م شفتي حالتنا والله
سبأقالت ليها: الدلع الكتير دا لزومو شنو ي نبو انتي قوية م تخوفينا عليك تاني م تعملي كدا فينا م شفتي منظري ف الشارع واااي برستيجي اتكشح نبأ ضحكت قالت ليهم معليش والله م قاصدة انا مالي
امها قالت ليها:
انتي كويسة م فيكي شي تعب بس
مصطفي قال ليها: نبويتي عشان امس قلت ليكي م تاكلي معاي يعني عايزة تعملي كدا معليش تاني تاكلي كل الاكل لو عايزة
ضحكت قالت ليهو: صفصف حبيبي انت والله م كدا بس دي الجامعه بكون
سبأ تلفونا اتصل طلعت برة لقتا
علا سلمت عليها وحكت ليها قالت ليها طيب بجيكم
سبأ:لالا ي علو م ف داعي هي اتحسنت زاتو واسي راجعين البيت
علا:طيب لما ترجع خليها تكلمني وانا المسا بجيكم
الدكتور قال ليهم خلو المريضه ترتاح وممكن ساعتين وتطلعوها وخلو بالكم منها
اسامة :دخل ليها سلم عليها قال ليها سلامتك اجر وعافيه
نبأ:الله يسلمك 🙂
اسامة:دا كلو عشان قلتي ح تعزميني فطور يعني تبقي عيانة
نبأ:ههههه لا والله ياخ ولسة العزومة قائمة اسي ارجع اجهز ليك الفطور
اسامة:م عندك اي مشكلة انتي بس ابقي كويسة ويبقا تعزميني فطور وغدا وشاي كمان(اعزموني معاكم 😭💔)
#رجعو البيت عم عبدالله وصلهم بي عربيتو وشكرو اسامة ودخلو البيت اليوم كلو داخلين وطالعين مهتمين بي نبأ شديد وجات علا سلمت عليها وكمان ناس ميسو ونونة ودندون جو وقعدو معاهم المسا نبأ فترت من الرقاد طلعت برة
امها:نبو القومك شنو ي بت لو عايزة حاجه بنجيبا ليك انتي ارقدي
نبأ:امي انا كويسة فترت من الرقاد من الصباح راقدة جيت اشم هواء شوية
لونة:لا ي حبيبيتي بنجيب ليك الهواء ف مكانك تشمي انتي خليك راقدة بس 😂😂😂😂
سبأ:له له له الاميرة تطلع عشان تشم هواء ليه ليه نحن قاعدين نعمل ف شنو! 😂😂😂💔
امهم:بطلو قلة ادب مالكم عليها بتي دي اسي سألتكم انتو بس بتجيبو ليها المرض
مصطفي:موش ي امي لو كنا اتنين انا ونبا موش احسن
امهم:هيي انت كمان اسكت تاني م تقول كلام زي. دا كلكم عندي بالدنيا انا عندي منو غيركم م تشوفو دلعي لي نبأ دا والله لو حصلت لي اي واحد حاجة منكم قلبي دا بطلع من مكانو 💔
نبأ:يمة خلاص الله يخليك لينا م تقولي كدا وانتو اسكتو بطلو حركات ياخ 🌚
لونة:خلاص صاح كلام الاميرة لازم تسكتو😂😂
سبأ:امرك مولاتي 😂😂
امهم:والله افنكم بالشبشب دا قومو امشو جيبو ليها عصير الدكتور قال لازم تشرب سؤال كتير
مصطفي:يلا يلا امشو ي خدم الحاشية😂😂😂😂💔
ليان وسبأ دخلو المطبخ سبأ بتعمل ف العصير وليان قاعدة سرحانة شوية سبأ سألتا مالك ي لونة 😢ف شنو من جينا وانتي م طبيعية ليان قالت ليها اسي ابوي دا يقولو عليهو شنو 😞💔نبأ عيانة لو نموت م شغال بينا حدي بورتسودان دي م قريبة هنا من سمع لو جا شافا الله بيسألو 😔وامي حالتا متأزمة تعبانة فينا وهو ولا علي بالو نحن رضينا بي كل عمايلو لكن حتي وقت نحتاج ليهو م نلقاهو يقيف معانا الود الغريب وهو م يجي واخوانو م شغالين بينا ولا عم عبدالله دا زاتو كما هو نحن نقول ي منو 💔😭ليه بحصل معانا كدا ذنبنا شنو ف اللحظة دي نبأ كانت واقفة ف باب العريشة سامعاهم رجعت طوالي امها قالت ليها دا عصير جايبينو من الروابي اصلو😒ساعتين م بجهزو حالتو جاهز غايتو البنات ديل انا الله يصبرني عليهم نبأ قشت دموعا ودخلت الغرفه قفلت الباب عليها وبكت تبكي شديد.
تلفونا اتصل مرتين م ردت تاني قامت فتحتو لقتو ابوها اترددت ترد او لا فتحت الخط وسكتت 💔قال ليها نبأ كيفك: تمام الحمدلله :سلامتك:الله يسلمك:مالك الحاصل عليك شنو:شوية مضاعفات بس:اي مجوعاكم صاح انا برسل القروش دي م تهتم بيكم اسي الناس تفتكر اني م برسل ليكم وتمشي تحكي وتقول بناتي عيانات وتعمل لي قومة وقعدة عبدالله اخوي يشاكل فيني قدر حالي دا :صمت ودموع م ردت:عموما ربنا يشفيك انا مشغول عندي سفرة م بقدر اجي لكن لحدي نهاية الاسبوع دا لو جيت بشوفكم سلمي لاخوانك:الله يسلمك :برسل ليك رصيد فكيهو اشتري ليك فواكه واهتمي بنفسك :اوك
قعدت تبكي وتندب حظها 💔
يتبع....
